Jérémie 1:9 - Mbeti ti Nzapa - Tënë so amu fini

⁹ Na pekoni, KOTA GBIA ayoro maboko ti lo, lo ndu yanga ti mbi si lo tene: “Baa, mbi zia tënë ti mbi na yanga ti mo.

Jérémie 1:9 Iomraidhean Croise

Ésaïe 49:2

Lo sara si tënë ti yanga ti mbi aga tongana yongoro zeme so yanga ni aza mingi. Lo honde mbi na gbe ti de ti maboko ti lo. Lo sara si mbi ga tongana le ti kokora so yanga ni aza, lo honde mbi na ya ti bozo ti ale ti kokora ti lo.

Ésaïe 50:4

Kota Gbia NZAPA afa na mbi tënë so mbi lingbi ti tene, titene mbi hinga lege ti mu ngangu na zo so awoko. Lakue na ndaperere, lo yeke zingo mbi, lo yeke zi mê ti mbi titene mbi ma ndo tongana adisiple.

Ésaïe 51:16

Mbi gbara yayu, mbi zia gere ti sese si mbi tene na azo ti *Sion: ‘Ala laa ayeke azo ti mbi; mbi zia tënë ti mbi na yanga ti ala, mbi bata ala na gbe ti de ti maboko ti mbi.’ ”

Ésaïe 59:21

KOTA GBIA atene: “Tënë ti *mbuki so mbi na ala e yeke sara laa: yingo ti mbi ayeke duti na ndö ti ala, mbi yeke zia tënë ti mbi na yanga ti ala; tënë ni ayeke hon yongoro na yanga ti ala pepe, na yanga ti amolenge ti ala pepe, na yanga ti amolenge ti amolenge ti ala pepe, ti londo fadeso ti gue na ni, kpu na kpu. Tënë so mbi KOTA GBIA, mbi tene laa.”

Jérémie 15:19

Ndani laa, tënë so KOTA GBIA atene ayeke so: “Tongana mo kiri na mbage ti mbi, fade mbi yeke kiri na mo na kua ti mbi. Tongana mo yeke tene anengo tënë, me abuba tënë pepe, fade mo yeke duti zo ti tenengo peko ti atënë ti yanga ti mbi. Alingbi azo ti Juda laa akiri na mbage ti mo; me ayeke ti mo ti gue na mbage ti ala pepe.

Jérémie 34:6

Wayanga-Nzapa Jérémie atene atënë so kue na Sedesias, gbia ti Juda; lo tene atënë ni na Jérusalem.

Jérémie 36:2

“Mu mbeni *rulo so a sara na poro ti nyama, mo su na le ni atënë so kue mbi tene na mo na tere ti akodro ti Israel, ti Juda nga na ti amara kue, ti londo na ngoi ti Yosias ngbii asi laso.

Jérémie 5:14

Ndani laa, tënë so KOTA GBIA Nzapa so ayeke na ndö ti dunia kue atene ayeke so: “Ndali ti atënë so ala tene, tënë so mbi zia na yanga ti mo ti tene, mbi yeke sara si aga tongana wâ; mbi yeke sara si azo so aga tongana keke so wâ ni ayeke gbi ni kue.

Ezekiel 3:10

Lo kiri lo tene na mbi: “Molenge ti zo, atënë so kue mbi yeke tene na mo so, mo zi mê ti mo ti ma ni, mo bata atënë ni kue na be ti mo.

Daniel 10:10

Tongaso, mbeni maboko andu mbi si ayo mbi, mbi luti na ndö ti likunu ti mbi nga na ndö ti maboko ti mbi; tere ti mbi ayeke do.

Daniel 10:16

Me mbeni ye so akpa zo andu poro ti yanga ti mbi; yanga ti mbi azi si mbi to nda ti tene tënë. Mbi tene na zo so aluti na dawa ti mbi so, mbi tene: ‘Babâ, ye so mbi baa tongana bango-li so asara si be ti mbi ayeke na siriri pepe; mbi woko kue awe.

Wungo ti azo 23:5

KOTA GBIA azia mbeni tënë na yanga ti Balaam si lo tene na lo: “Kiri na tere ti Balak; tënë so mo yeke tene na lo laa.”

Matthieu 10:19

Tongana azo ni ague na ala na ngbanga, ala gi be ti ala na ndö ti tënë so ala yeke tene ande, wala na lege ti tenengo tënë ni pepe. Na ndembe ni ande, fade ala yeke hinga tënë ti tenengo ni.

Marc 7:33

Tongaso Jésus amu lo gi lo oko, ague na lo yongoro na tere ti azo. Lo yoro ali ti maboko ti lo na ya ti mê ti koli ni, lo tuku ngu ti yanga ti lo si lo ndu na menga ti koli ni.

Nzoni Tënë so Luc asu na mbeti 12:12

Biani, tongana ngbonga ni alingbi, fade Yingo-Vuru ayeke fa na ala tënë ti tenengo ni.”

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Ndia ti fani use ni 18:16

Ye so ala hunda lani na KOTA GBIA Nzapa ti ala, na lango so ala bongbi na gbe ti hoto ti Horeb laa. Ala tene lani: “E wani, e ye ti ma go ti KOTA GBIA Nzapa ti e mbeni pepe! E ye ti baa kota wâ so mbeni pepe! E ye ti kui pepe!”

Ndia ti fani use ni 18:17

Tongaso KOTA GBIA atene na mbi: “Tënë ti azo so ayeke na legeni.

Ndia ti fani use ni 18:18

Fade mbi yeke tokua na ala mbeni wayanga-Nzapa tongana mo; wayanga-Nzapa ni ayeke duti mbeni ita ti ala. Mbi yeke zia tënë ti mbi na yanga ti lo si lo yeke tene na ala atënë so kue mbi yeke mu yanga na lo ti tene.