Jérémie 1:7 - Mbeti ti Nzapa - Tënë so amu fini

⁷ Me KOTA GBIA atene na mbi: “Mo tene pepe: ‘Mbi de maseka mingi.’ Fade mo yeke gue na mbage ti azo so kue mbi yeke tokua mo na ala; mo yeke tene na ala atënë so kue mbi mu yanga na mo ti tene.

Jérémie 1:7 Iomraidhean Croise

1 Agbia 22:14

Mishe akiri tënë, atene: “*KOTA GBIA ayeke na fini! Tënë so KOTA GBIA ayeke tene na mbi, gi ni laa mbi yeke tene ande!”

1 Agbia 3:7

Biani, KOTA GBIA Nzapa ti mbi, mo laa mo mu mbi, zo ti kua ti mo titene mbi le-gbia na plase ti babâ ti mbi David, ataa so mbi de molenge si mbi hinga lege ti sara komandema pepe.

2 Mbai 18:13

Mishe akiri tënë, atene: “*KOTA GBIA ayeke na fini! Tënë so Nzapa ti mbi ayeke tene, gi ni laa mbi yeke tene ande!”

Sigingo 6:29

lo tene na lo: “Mbi laa mbi yeke KOTA GBIA! Atënë so kue mbi tene na mo so, gue, mo tene peko ni na Faraon, gbia ti Ezipte.”

Jérémie 26:2

“Tënë so KOTA GBIA atene ayeke so: Gue mo luti na ya ti gbagba ti kota da ti KOTA GBIA, mo to mbela na tënë so na azo so kue alondo na ya ti agbata ti Juda si aga ti voro Nzapa na ya ti kota da so. Mo tene na ala atënë so kue mbi mu yanga na mo ti tene; mo zi mbeni tënë oko na ya ni pepe.

Jérémie 43:1

So Jérémie ahunzi ti tene na azo ni kue atënë so kue *KOTA GBIA, Nzapa ti ala atokua lo ti tene na ala, so ti tene atënë so kue a fa peko ni ge so,

Jérémie 7:27

“Ti mo Jérémie, fade mo yeke tene peko ti atënë so kue na ala, me ala yeke ma mo pepe. Mo yeke iri ala, me ala yeke yeda pepe.

Ezekiel 2:7

Fade mo yeke tene na ala atënë ti mbi, ataa ala ma mo, ataa ala ma mo pepe; azo ni ayeke azo ti ngangu li.

Ezekiel 3:27

Mbeni lâ, tongana mbi yeke na mbeni tënë ti tene na ala na lege ti mo, fade mbi yeke zi yanga ti mo si mo tene na ala, mo tene: ‘Tënë so Kota Gbia NZAPA atene ayeke so.’ Zo so aye ti ma, ayeke nzoni lo ma; zo so ake ti ma, ayeke nzoni lo ke ti ma! Biani, ala yeke azo ti mara ti ngangu li.”

Amos 7:15

Me *KOTA GBIA amu mbi kâ na peko ti anyama ti mbi si lo tene na mbi, lo tene: ‘Gue mo tene peko ti tënë ti yanga ti mbi na azo ti Israel, azo ti mbi.’

Jonas 3:2

“Londo, mo gue na Ninive, kota gbata so! Mo dekongo na azo ni na tënë ti yanga ti mbi so mbi yeke tene na mo.”

Wungo ti azo 22:20

Na bi, Nzapa asi na Balaam si atene na lo: “Tongana azo so aga ti iri mo, mo na ala ague. Me mo sara gi ye so mbi yeke tene na mo.”

Wungo ti azo 22:38

Balaam akiri tënë na Balak: “Baa, mbi laa, mbi ga awe so! Fadeso, tënë ti nyen laa mbi lingbi ti tene, nyen? Gi tënë so Nzapa ayeke zia na yanga ti mbi laa mbi yeke tene.”

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.