Jérémie 1:19 - Mbeti ti Nzapa - Tënë so amu fini

¹⁹ Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”

Jérémie 1:19 Iomraidhean Croise

Abia (Psaumes) 129:2

“So mbi de molenge ngbii asi fadeso, azo asara ngangu na mbi fani mingi”; me ala hon ndö ti mbi pepe.

Jérémie 1:18

Ti londo na lango ti laso, mbi zia mo ti duti tongana gbata so gbagba ti bira ayeke na tere ni, tongana yongoro keke ti da so a sara ni na wen, tongana dere ti da so a sara ni na bengba wen ndali ti kodro ni kue: ti kanga lege na agbia ti Juda, na akota zo ti kodro ni, na awayango-sandaga nga na azo ti Juda kue.

Jérémie 1:8

Sara mbeto ti ala pepe, ngbanga ti so mbi yeke na mo; fade mbi yeke zi mo na maboko ti ala.” So tënë ti yanga ti KOTA GBIA laa.

Jérémie 11:19

Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 11:21

Ndani laa, tënë so KOTA GBIA atene na tere ti azo ti Anatot, azo so aye ti fâ mbi si ala tene: “Mo zia ti tene peko ti tënë ti yanga ti KOTA GBIA; tongaso pepe, fade e yeke fâ mo.”

Jérémie 18:18

Tongaso azo ni atene: “Ala ga, e leke tënë na tere ti Jérémie. Awayango-sandaga ayeke daa, fade ala yeke ngba ti fa na e atënë ti ndia. Azo ti ndara ayeke daa, fade ala yeke mu na e awango senge. Awayanga-Nzapa atia pepe, fade ala yeke tene na e peko ti atënë ti yanga ti Nzapa senge. Ala ga, e tene asioni tënë ti buba iri ti Jérémie. Atënë so asigigi na yanga ti lo so, e dingi mê ti e ti ma ni oko pepe.”

Jérémie 2:1

Tënë ti *KOTA GBIA asi na mbi, atene:

Jérémie 20:10

Mbi yeke ma gi sioni tënë ti gba ti azo. Ala yeke di iri ti mbi: “Mbeto-mbage-na-mbage-kue”. Ambeni ayeke tene: “Ala gue na lo na ngbanga ma!” Ambeni ayeke tene ti ala: “Een, e yeke gue na lo!” Ataa amba ti mbi so mbi na ala e ye tere mingi, ala yeke ku ti baa wala mbi yeke girisa lege. Ala yeke tene na be ti ala, atene: “Tongana lo ti fade na ya ti handa ti lo wani, ka anzere mingi. Tongaso si fade e gbu lo si e kiri na lo peko ti sioni so lo sara na e”.

Jérémie 20:11

Me KOTA GBIA ayeke na mbi, lo yeke ngangu zo ti tiringo bira ndali ti mbi. Ndani laa, fade azo ti sarango ngangu na mbi ayeke ti; ala yeke sara ye oko na mbi pepe. Kamene ayeke hon ndö ti ala lakue lakue, ngbanga ti so ye ni akara ala; zo ayeke girisa tënë ni pepe.

Jérémie 26:8

So Jérémie ahunzi ti tene atënë so KOTA GBIA amu yanga na lo ti tene na azo so kue awe, awayango-sandaga, awayanga-Nzapa na azo kue agbu lo si ala tene: “Mo lingbi na kuâ!

Jérémie 30:11

So tënë ti yanga ti KOTA GBIA laa: Mbi yeke na mo ti soo mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Jérémie 39:17

Me na lango ni so, mbi yeke zi mo si azo so mo yeke kpe mbeto ti ala so, a yeke zia mo na maboko ti ala pepe; so tënë ti yanga ti KOTA GBIA laa.

Jérémie 42:11

Fadeso ala kiri asara mbeto ti gbia ti Babilone pepe, lo so mbeto ti lo ahon ndö ti ala so. Ala sara mbeto ti lo pepe! So tënë ti yanga ti KOTA GBIA laa. Biani, mbi yeke na ala ti soo ala, ti zi ala na maboko ti lo.

Jérémie 46:28

Mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Biani, mbi yeke na mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Daniel 3:25

Gbia akiri atene na ala: “Me mbi baa azo osio so kamba ayeke na tere ti ala pepe, ala yeke tambula taa na be ti wâ; ka oko ayeke na tere ti ala pepe si osio zo ni akpa mbeni nzapa!”

Wungo ti azo 14:9

Gi ye oko, ala sara ngangu li na KOTA GBIA pepe, ala sara mbeto ti azo ti kodro ni pepe, e yeke nika ala gi legeoko awe! Anzapa ti batango ala ado ala azia awe; me ti e, KOTA GBIA ayeke na e. Ala sara mbeto ti azo ni pepe!”

Awatokua 26:17

Mbi yeke zi mo na maboko ti azuife na azo ti amara nde so mbi yeke tokua mo na mbage ti ala.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”