Jérémie 1:14 - Mbeti ti Nzapa - Tënë so amu fini

¹⁴ Tongaso KOTA GBIA atene na mbi: “Na mbage ti Banga laa ye ti ngangu ayeke kporo ti ga na ndö ti azo ti kodro ni kue.

Jérémie 1:14 Iomraidhean Croise

Ésaïe 14:31

Ala ayanga ti gbata, ala dema tere ti ala ma! Ala agbata, ala dekongo ma! Sese ti Filistii kue awoko kue awe: mbeni ngbongboro guru ti wâ alondo na Banga si ayeke ga. Na mbage ti awato, ala kue abongbi tere ti ala, zo oko angba na peko pepe.

Ésaïe 41:25

Na mbage ti Banga kâ, mbi soro mbeni zo, mbi zia lo na lege si lo yeke ga. Na mbage ti To, mbi iri lo na iri ti lo; lo yeke do azo ti komandema na gere tongana ti so zo ayeke do potopoto, tongana ti so wasarango-ta ayeke do ya ti sese ti sarango na ta.

Jérémie 10:22

Mbeni tënë alondo kâ si ayeke ga, mbeni ye so ayeke yingi ndo alondo na Banga si ayeke ga, ayeke ga ti buba agbata ti Juda si agbata ni ayeke ga ngonda, ayeke ga ndo ti lango ti *anzagua.

Jérémie 11:17

KOTA GBIA so ayeke na ndö ti dunia kue laa alu keke ni. Ti fadeso, lo yeke iri kpale na ndö ti lo ndali ti sioni so azo ti Israel na azo ti Juda asara. Biani, ala zia ngonzo na be ti KOTA GBIA na lege so ala ya asandaga na *Baal.

Jérémie 25:9

mbi yeke tokua titene a gi amara ti mbage ti Banga kue, so tënë ti yanga ti KOTA GBIA laa. Mbi yeke iri zo ti kua ti mbi Nabukodonosor, gbia ti Babilone, titene lo ga. Mbi yeke sara titene azo ni aga atuku na ndö ti kodro so; ala ga na tere ti azo ti kodro ni nga na tere ti amara so kue angoro kodro ni. Mbi yeke hunzi ala na amara ni kue. Mbi yeke sara si kodro ni ati biani biani si aga ye ti dongo be. Na bango kodro ni, fade azo ayeke huru yanga ti ala; so tënë ti yanga ti KOTA GBIA laa.

Jérémie 31:8

Mbi yeke mu ala na kodro ti mbage ti Banga ti kiri na ala; mbi yeke sara titene ala londo na nda ti sese kue ti bongbi na ndo oko. Na popo ti ala, awaziba ayeke daa, azo ti bubango gere, awali so ayeke na ngo na ala so ya ti ala ayeke so ti du. Gba ti azo laa ayeke kiri na ndo so.

Jérémie 4:6

Ala yo na nduzu mbeni bendere; ala yo ni na mbage ti *Sion. Ala kpe ahonde tere ti ala! Ala luti na lege pepe! Mbi yeke sara si ye ti mawa na kota kpale so ayeke buba ndo alondo na mbage ti Banga ti ga.

Jérémie 46:20

Ezipte ayeke ando mbeni pendere mama ti bagara! Me mbeni sioni vuma alondo na mbage ti Banga, aga ati na ndö ti lo.

Jérémie 47:2

Tënë so KOTA GBIA atene ayeke so: “Baa, ngu so asuku alondo na Banga ti ga; aga ngu so ayeke sua ngangu, asuku amu le ti kodro kue nga na aye so ayeke na ya ni; amu agbata na azo so ayeke lango na ya ni. Azo ato nda ti dekongo; azo ti kodro kue ayeke he bia ti totongo kuâ.

Jérémie 50:41

Mbeni mara alondo na mbage ti Banga ti ga, so ayeke mbeni kota mara; agbia mingi ayeke na lege ti gango ni, ala londo na nda ti sese kue.

Jérémie 50:9

Biani, mbi yeke sara si azo ti amara nde gbani gbani abongbi, mbi yeke tokua ala ti gue ti tiri bira na Babilone. Azo ni ayeke londo na mbage ti Banga ti ga, ala yeke leke tere ti ala ti tiri bira na Babilone si ala yeke mu ni. Ale ti kokora ti azo ni ayeke kiri senge pepe tongana ti so ngangu turugu so ahinga kua ti lo, lo yeke kiri ka na kodro maboko senge pepe.

Jérémie 6:1

Ala, azo ti Benjamin, ala sigigi na ya ti Jérusalem. Ala kpe agi ndo ti honde tere ti ala daa. Kâ na Tekoa, ala huru didi; kâ na Bet-Kerem, ala yo na nduzu mbeni bendere ti fa atene, mbeni ye ti sioni na kota kpale ti bubango ndo alondo na Banga ti ga.

Jérémie 6:22

Tënë so KOTA GBIA atene ayeke so: “Mbeni mara alondo na mbeni kodro ti Banga si ayeke ga; mbeni kota mara alondo yongoro na nda ti sese si ayeke ga.

Ezekiel 1:4

Ye so mbi baa ayeke so: mbeni ngangu pupu alondo na mbage ti Banga si ayeke ga. Pupu ni ayeke ga na mbeni ngbongboro mbinda; mbeni ngangu lumiere ti vukongo le ti zo angoro mbinda ni si awâ ti bekpa ayeke kpe na ya ni nzerrr nzerrr. Taa na be ti mbinda ni, ale ti wâ ayeke za daa lawu lawu si mbeni ye ayeke za daa tongana lôro so a yoro ni na ya ti wâ.

Ezekiel 24:3

Mo tene mbeni *mato ndali ti azo ti mara ti ngangu li so; mo tene na ala, mo tene: Tënë so Kota Gbia NZAPA atene ayeke so: ‘Mo leke mbeni tawa, mo leke ni nzoni, mo tuku ngu daa asi.

Joël 2:20

Wato ti ala so alondo na Banga si aga, fade mbi yeke tumba lo yongoro na tere ti ala; mbi yeke tumba lo titene lo gue na ndo so ngu ayeke daa pepe si ye oko ayeke daa pepe. Aturugu so ayeke na dawa ti lo, mbi yeke bi ala na ya ti kota ngu-ingo so ayeke na mbage ti To; aturugu so ayeke na peko ti lo, mbi yeke bi ala na ya ti kota ngu-ingo ti Mediterane na mbage ti Do; fade kuâ ti ala ayeke fun sioni, ayeke fun amu ndo kue. Biani, lo sara akota ye.”

Zakarii 6:6

Pusu so a kanga avuko mbarata na tere ni ague na mbage ti Banga; pusu so a kanga avuru mbarata na tere ni ague na mbage ti Do; pusu so a kanga ambarata so nzoroko ti bengba ayeke na tere ti ala ague na mbage ti Mbongo.