Jérémie 1:13 - Mbeti ti Nzapa - Tënë so amu fini

¹³ Tënë ti KOTA GBIA akiri asi na mbi ti fani use ni, atene: “Nyen laa mo baa, nyen?” Mbi kiri tënë: “Mbi baa kota tawa so ye ayeke kporo na ya ni; tawa ni ayeke na mbage ti Banga si adingi na mbage ti mbi.”

Jérémie 1:13 Iomraidhean Croise

Tongo nda ti aye 41:32

Tongana Nzapa asara si gbia Faraon abaa li ti lo fani use, ayeke mbeni ye so Nzapa aleke ni awe. Lo yeke sara titene ye ni asi fafadeso.

Ésaïe 55:11

Tënë so ayeke sigigi na yanga ti mbi ayeke legeoko tongaso: tënë ni ayeke kiri na mbi senge pepe, tënë ni ayeke sara ye so mbi ye, tënë ni ayeke sara kua so mbi tokua lo ti sara.”

Jérémie 24:3

KOTA GBIA ahunda mbi, atene: “Jérémie, nyen laa mo baa, nyen?” Mbi kiri tënë: “Mbi baa afige: anzoni ni so ayeke pendere ahon ndoni, asioni ni so ayeke sioni ahon ndoni, akpa titene zo ate ni pepe.”

Ezekiel 11:3

Ala yeke tene: ‘E yeke nduru ti sara ada ge fafadeso pepe. Gbata ni ayeke tongana tawa; ti e, e yeke kasa so ayeke na ya ni.’

Ezekiel 11:7

Ndani laa, tënë so mbi Kota Gbia NZAPA, mbi tene ayeke so: gbata ni ayeke tongana tawa ni, kasa ni ayeke azo so ala fâ ala. Me ti ala, fade mbi yeke tumba ala na ya ti gbata ni.

Ezekiel 12:28

Ndali ni, mo tene na ala, mo tene: Tënë so mbi Kota Gbia NZAPA, mbi tene ayeke so: ‘Atënë so kue mbi yeke tene, ayeke ninga pepe ti ga taa-tënë.’ ” So tënë ti yanga ti Kota Gbia NZAPA laa.

Amos 8:2

Lo hunda mbi, lo tene: “Amos, nyen laa mo baa, nyen?” Mbi kiri tënë: “Mbi baa mbeni sakpa so abengo le ti keke ayeke na ya ni.” Tongaso *KOTA GBIA atene na mbi: “Awe! Ti azo ti mbi, Israel, ye ni abe awe! Mbi yeke kiri ti kanga le na ndö ti sioni ti ala mbeni pepe.

Zakarii 4:2

Lo hunda mbi, lo tene: “Nyen laa mo baa, nyen?” Mbi kiri tënë: “Mbi baa na ya ti mbeni ye tongana bango-li, mbeni gere ti alamba so a sara ni kue na lôro. Na mbage ti li ni, mbeni ta ti ziango mafuta na ya ni ayeke daa. Alamba mbarambara ayeke na ndö ti gere ti alamba ni; lamba oko oko ayeke na kamba mbarambara so mafuta ayeke hon na ya ni ti gue na ya ti alamba ni.