Jérémie 1:10 - Mbeti ti Nzapa - Tënë so amu fini

¹⁰ Hinga, mo tene, laso mbi mu na mo kua ti sara ndali ti amara nga ndali ti akodro-gbia: mo yeke gboto aye si mo yeke de aye na sese; mo yeke buba aye si mo yeke kungbi aye na sese; mo yeke leke aye na nduzu si mo yeke lu aye.”

Jérémie 1:10 Iomraidhean Croise

1 Agbia 17:1

Élie, zo ti kete kodro ti Tishebe, na sese ti Galaad atene na gbia Akab, atene: “*KOTA GBIA, Nzapa ti Israel ayeke na fini! Lo so mbi yeke sara na lo, mbi tene na mo: ‘Na ya ti angu so ayeke ga, ngu-Nzapa ayeke pika oko pepe, ataa ngu ti pere ayeke duti daa pepe, gi tongana mbi mu yanga si!’ ”

1 Agbia 19:17

Zo so kue ayeke kpe na maboko ti Hazael, fade Yehu ayeke fâ lo. Zo so kue ayeke kpe na maboko ti Yehu, fade Élisée ayeke fâ lo.

Zo ti bongbingo azo 3:3

Ngoi ti fango zo ayeke daa, ngoi ti kaingo kobela na tere ti zo ayeke daa; ngoi ti kungbingo da ayeke daa, ngoi ti sarango da ayeke daa.

Jérémie 1:5

“Kozo titene mbi sara mo na ya ti mama ti mo, mbi hinga mo. Kozo titene mo sigigi na ya ti mama ti mo, mbi zia mo nde ndali ti mbi. Mbi zia mo nde titene mo duti zo ti tenengo peko ti atënë ti yanga ti mbi na amara nde.”

Jérémie 24:6

Fade mbi yeke baa ala na nzoni le si mbi yeke kiri na ala na ya ti kodro so. Mbi yeke kiri ti kungbi ala na sese pepe, me mbi yeke leke ala na nduzu; mbi yeke kiri ti gboto ala pepe tongana ti so a yeke gboto pere na gunda ni kue, me mbi yeke lu ala tongana ti so a yeke lu keke.

Jérémie 25:13

Akpale so kue mbi tene tënë ni si a su tënë ni na ya ti buku so, fade mbi yeke sara si akpale ni ati na ndö ti kodro so. Jérémie atene tënë ni na peko ti yanga ti mbi na tere ti amara so kue awe.

Jérémie 31:28

Lani, le ti mbi akpengba na ndö ti ala titene mbi gboto aye, mbi de aye na sese, mbi kungbi aye na sese, mbi buba aye si mbi sara sioni. Me fadeso, le ti mbi akpengba na ndö ti ala titene mbi leke aye na nduzu si mbi lu aye; so tënë ti yanga ti KOTA GBIA laa.

Jérémie 31:40

Popo-hoto so kue a yeke bi akuâ daa si a yeke tuku amburu ti wâ ti mafuta ti anyama daa, na asenge sese so ague ngbii asi na tere ti ngu ti Sedron, akiri ague ngbii asi na ndangoro ti yanga ti gbagba so iri ni Ambarata, na mbage ti To; asese so kue, fade a yeke zia ni nde ndali ti KOTA GBIA; zo ayeke kiri ti gboto ye daa wala ti kungbi ye daa pepe.”

Jérémie 36:2

“Mu mbeni *rulo so a sara na poro ti nyama, mo su na le ni atënë so kue mbi tene na mo na tere ti akodro ti Israel, ti Juda nga na ti amara kue, ti londo na ngoi ti Yosias ngbii asi laso.

Jérémie 44:27

Fade le ti mbi ayeke kpengba na ndö ti ala ti sara sioni na ala, me ti sara nzoni pepe. Azo ti Juda so kue ayeke na kodro ti Ezipte, fade ala yeke kui na lege ti bira na kota nzara ngbii, ala hunzi kue.

Jérémie 45:4

Baa, tënë so mo yeke tene na Baruk laa: Tënë so KOTA GBIA atene ayeke so: ‘Ye so mbi leke na nduzu, mbi yeke kungbi ni na sese; ye so mbi lu, mbi yeke gboto ni. Fade mbi yeke sara tongaso na ya ti kodro ni kue.

Ezekiel 21:19

Ti mo, molenge ti zo, mo tene peko ti tënë ti yanga ti mbi. Pika maboko ti mo fani oko, fani use, fani ota, fade yongoro zeme ayeke kpo zo. Biani, so ayeke yongoro zeme ti fango zo, yongoro zeme ti fango na azo kue kue kue, yongoro zeme so ayeke ku ala kungo.

Ezekiel 23:36

*KOTA GBIA atene na mbi: “*Molenge ti zo, mo ye biani ti fâ ngbanga na li ti Ohola na Oholiba? Alingbi mo fa na ala asioni ye so ala sara si zo alingbi ti baa na le ti lo fani use pepe so.

Ezekiel 32:18

“*Molenge ti zo, toto na ndö ti azo ti Ezipte so ayeke gbani gbani so. Ayeke nzoni bia ti mo ni asara si ala na azo ti amara nde azu na gbe ti sese, ala na ambeni so ayeke zu na ndo ti akuâ.

Ezekiel 36:36

Tongaso, azo ti mara nde so ayeke ngba na fini na tere ti ala ayeke hinga atene, mbi yeke KOTA GBIA; mbi yeke leke agbata so abuba awe; mbi yeke kiri ti lu ye na yaka so azo abuba ni. Mbi KOTA GBIA, mbi tene tënë awe; mbi yeke sara ye ni.

Ezekiel 43:3

Ye so mbi baa na ya ti mbeni ye tongana bango-li so akpa ye so ando mbi baa tongana *KOTA GBIA aga ti buba Jérusalem; akpa ye so mbi baa na ngoi so mbi yeke na tere ti *bale ti Kebar. Tongaso, mbi kuku, mbi kpo li ti mbi na sese.

Osée 6:5

Ndani laa mbi pika ala na lege ti awayanga-Nzapa, mbi fâ ala na lege ti tënë ti yanga ti mbi. Fango ngbanga ti mbi ayeke sigigi polele tongana lumiere.

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Amos 9:11

“Gbata ti David ayeke tongana mbeni da so atuku na sese awe. Na lango ni so, fade mbi yeke kiri ti yo ni na nduzu, mbi yeke kanga adu ti da ni, mbi yeke kiri ti leke da ni kue; mbi yeke sara si akiri aluti na nduzu tongana ti kozo.

Zakarii 1:6

Me atënë ti mbi na ambela ti mbi so mbi zia na yanga ti awayanga-Nzapa, azo ti kua ti mbi, ti tene na ala so, atënë ni andu akotara ti ala. Nilaa, akotara ti ala akiri na mbage ti mbi si ala yeda, atene: ‘KOTA GBIA so ayeke na ndö ti dunia kue aleke lani na be ti lo ti sara ye na e alingbi na lege ti dutingo ti e nga na asarango ye ti e. Ye so lo sara na e laa.’ ”