Jacques 5:4 - Mbeti ti Nzapa - Tënë so amu fini

⁴ Ala baa, azo so ayeke sara kua ti fango ale ti kobe ti ayaka ti ala, ala ke ti futa nginza ti ala na ala. Mbana ti ala ni ayeke dekongo! Dekongo ti azo ti fango ale ti kobe ti ala ni asi na mê ti *Kota Gbia so ayeke na ndö ti dunia kue.

Jacques 5:4 Iomraidhean Croise

Tongo nda ti aye 4:10

Tongaso KOTA GBIA atene: “Nyen laa mo sara tongaso? Dekongo ti mene ti ita ti mo so mo tuku so, alondo na sese kâ, aga ngbii asi na mbi ge.

Mbeti ti Job 34:28

Ala pusu azo ti mawa ti dekongo na Nzapa. Andaa lo ma dekongo ti azo so amba ti ala asara ngangu na ala.

Mbeti ti Job 7:2

Zo ayeke tongana ngbaa so ayeke na le ti lâ si lo yeke gi gbe ti de; lo yeke tongana senge zo ti kua so ayeke ku futa ti lo.

Abia (Psaumes) 9:12

Ala he bia na KOTA GBIA, lo so mbata ti lo ti gbia ayeke na *Sion; ala tene na amara tënë ti akota ye so lo sara.

Sigingo 22:27

“Alingbi ala deba Nzapa pepe; ala deba makonzi ti mara ti ala pepe.

Sigingo 3:9

Fadeso, toto ti azo ti Israel ague na nduzu ngbii asi na mbi awe; mbi baa nga lege so azo ti Ezipte ayeke sara pasi na ala.

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Ésaïe 5:7

Andaa yaka ti vinye ti *KOTA GBIA, lo so lo yeke na ndö ti dunia kue, ayeke azo ti Israel. Azo ti mara ti Juda laa ayeke ye so lo lu si lo ye ni mingi. Lo ku fade titene azo ni afâ ngbanga na legeni, me ala fâ ngbanga ti mbana kirikiri. Lo ku fade titene azo ni asara ye alingbi na ndia, me gi dekongo ti azo ti mawa laa mo yeke ma.

Ésaïe 5:9

Mbi ma na mê ti mbi *KOTA GBIA so ayeke na ndö ti dunia kue adeba, atene: “Biani, fade gba ti apendere kota da so ayeke tuku kue na sese; azo ayeke lango na ya ni pepe.

Jérémie 22:13

“So mawa na mo, Yoakim! Mo kpe fango ngbanga ti mbirimbiri pepe; mo laa mo yeke leke gi yangbo ti mo so! Mo yeke leke ada-nduzu ni na ndö ti tere, na ndö ti tere; me fango ngbanga na legeni, mo yeke ne ni pepe. Azo ayeke sara kua na mo gi senge senge, mo yeke futa ala oko pepe!

Awayango-sandaga 19:13

“Alingbi ala sara sioni na amba ti ala pepe, ala nzi ala pepe. Zo so asara kua na ala, ala gbanzi futa ti lo ngbii asi kekereke pepe.

Habakuk 2:11

Ataa atêne ti dere ti da ayeke dekongo: ‘Mawa!’ si ayongoro keke ti li ti da ayeke mu tënë na yanga ti atêne ni.

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”

Matthieu 9:37

Tongaso lo tene na adisiple ti lo: “Ala baa, kobe ti yaka ni ayeke mingi, me azo ti kua ni ayeke mingi pepe.

Nzoni Tënë so Luc asu na mbeti 18:7

Azo so Nzapa asoro ala si ala yeke toto na lo bi na lâ so, fade lo yeke fâ ya ti ngbanga ti ala pepe? Fade lo yeke ku ngbii si lo mu maboko na ala?

Rome 9:29

Ésaïe atene nga ando, atene: “Tongana Kota Gbia Nzapa, lo so lo yeke na ndö ti dunia kue, lo mu fade *ahale na e pepe, ka ti e ahunzi awe tongana ti azo ti Sodome na ti Gomore.”

Ndia ti fani use ni 15:9

Me hange! Alingbi ala wara sioni gbungo-li pepe ti tene na be ti ala, atene: “Ngu mbarambara aga nduru ti lingbi awe, ngu ti zingo yongo na li ti azo.” Ita ti ala so ye atia lo, ala baa lo na sioni le pepe si ala ke ti mu ye na lo. Tongaso pepe, lo yeke toto na iri ti ala na KOTA GBIA si fade ye so ayeke ga siokpari ti ala.

Kolose 4:1

Ala awa ti angbaa, ala sara na angbaa ti ala ye so ayeke mbirimbiri na ye so ayeke na legeni. Ayeke nzoni ala hinga atene, ala nga, ala yeke na wa ti ala na yayu.