Jacques 5:3 - Mbeti ti Nzapa - Tënë so amu fini

³ *Soko amu tere ti lôro ti ala na nginza ti ala kue awe, soko ni laa ayeke bi ande tënë na li ti ala; ayeke te tere ti ala tongana ti so wâ ayeke gbi ye. Lango ti ndani aga nduru awe si ala ngba ti ala ti bongbi amosoro na ndö ni na ndö ni!

Jacques 5:3 Iomraidhean Croise

Tongo nda ti aye 31:48

Laban atene: “Gba ti atêne so e bongbi so afa laso atene, mbi na mo, e ga ambuki awe.” Ndani laa azo airi ndo ni so Galed.

Tongo nda ti aye 31:52

Gba ti atêne ni na têne so ayeke luti na nduzu so ayeke baa mbi na mo. Mbi deba yanga ti mbi ti hon gba ti atêne ni ti gue na mbage ti mo ti sara sioni na mo pepe. Mo nga, mo deba yanga ti mo ti hon ni ti ga na mbage ti mbi ti sara sioni na mbi pepe.

Tongo nda ti aye 49:1

Jacob airi amolenge ti lo ti koli si lo tene na ala: “Ala bongbi tere ti ala titene mbi fa na ala ye so ayeke si na ala gbanda.

Mbeti ti Job 16:8

Lo sara si ndö ti le ti mbi aga tongana ti mbakoro, lo sara si mbi nge; aye so laa abi tënë na li ti mbi si afâ ngbanga na li ti mbi.

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Jérémie 19:9

Mbi yeke sara si awato ti ala na azo so ayeke baa mawa ti ala pepe, angoro gbata ni na bira. Ala yeke sara titene gbata ni ati na ya ti kota pasi. Tongaso, ala azo ti mbi, fade ala yeke te kasa ti tere ti amolenge ti ala wani; zo oko oko ayeke te kasa ti tere ti mba ti lo.

Mishe 3:3

Azo ni ayeke te kasa ti tere ti azo ti mbi, ala yeke zi poro ti tere ti azo ti mbi, ala yeke kungbi abio ti azo ti mbi si ala yeke fâ ya ti kasa ti azo ti mbi tongana ti so a yeke fâ ya ti kasa ti nyama ti to ni na ya ti ta, tongana kasa ti nyama na ya ti kota tawa.

Mishe 4:1

“Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara ayeke gue kâ tongana ngu so ayeke sua.

Awatokua 2:17

‘Nzapa atene: Na ya ti alango ti ndani, fade mbi yeke sara titene Yingo ti mbi aga na ndö ti azo kue; amolenge ti ala ti koli na ti wali ayeke tene peko ti tënë ti yanga ti mbi, amaseka ti ala ti koli ayeke baa aye na ya ti mbeni ye tongana bango-li, ambakoro ti ala ayeke baa li ti ala.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

2 Timothée 2:17

Tënë ti yanga ti azo ni ayeke tongana sioni ka so ayeke te tere ti zo kue; Himene na Filete ayeke nga na popo ti azo so.

Josué 24:27

Josué atene na azo ni kue, atene: “Ala baa têne so mbirimbiri: ni laa ayeke fâ ngbanga na li ti e ndali ti tënë so asigigi na yanga ti e, ngbanga ti so têne ni ama atënë so kue KOTA GBIA atene na e. Biani, fade têne ni ayeke fâ ngbanga na li ti ala ti kanga lege na ala ti bere tënë ti Nzapa ti ala.”

2 Pierre 3:3

Kozo ye so mbi ye ala hinga ayeke so: na ya ti alango ti ndani, azo so ayeke sara ye na lege ti asioni nzara ti be ti ala wani ayeke ga. Azo ni ayeke he ala,

Aye so Nzapa afa 17:16

Adidi baleoko so mo baa so, ala na nyama ni ayeke ke ande wali-ndumba ni. Fade ala yeke mu aye so kue lo yeke na ni si ala yeke zia lo tere ti lo senge, ala yeke te kasa ti tere ti lo si ala yeke gbi lo na wâ.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”