Jacques 3:4 - Mbeti ti Nzapa - Tënë so amu fini

⁴ Ala baa nga amangboko: ataa so ala yeke kota mingi si akota pupu ayeke pusu ala ti hon na ni, gi mbeni kete *kâî so ayeke na peko ti mangboko si ayeke sara titene mangboko ni ague na ndo so be ti zo ti kpengo na ni aye.

Jacques 3:4 Iomraidhean Croise

Jonas 1:4

Me KOTA GBIA atokua mbeni kota pupu na le ti kota ngu-ingo. Kota pupu ni ayeke ya ngangu si ya ti mangboko ni aye ti fâ.

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 8:24

Mo ye ti baa, mbeni kota pupu alondo si ayeke ya na le ti kota ngu. *Amapo ayeke tuku na ya ti ngo ni, me Jésus ayeke lango.

Awatokua 27:11

Me kapita ti aturugu aye gi ti ma tënë ti kapita ti mangboko ni na ti wa ti mangboko ni ahon wango ti Paul.

Jacques 3:3

Tongana e kanga kamba na yanga ti ambarata titene ala gue na ndo so e ye ala gue daa, e lingbi ti fa lege na ngbongboro tere ti ambarata ni kue.

Jacques 3:5

Legeoko nga, menga ayeke mbeni kete kete mbage ti tere ti zo, me menga ni ayeke gonda tere ti lo ndali ti so, lo lingbi ti sara akota ye mingi. Ala baa, gi senge kete kete menga ti wâ alingbi ti gbi kota gbako!