Jacques 2:8 - Mbeti ti Nzapa - Tënë so amu fini

⁸ Biani, ndia ti *Kodro-gbia ti Nzapa so Mbeti ti Nzapa atene tënë ni, atene: “Mo ye mba ti mo zo tongana ti so mo ye tere ti mo wani”, tongana ala sara ye alingbi na ni, so ayeke nzoni.

Jacques 2:8 Iomraidhean Croise

1 Agbia 8:18

KOTA GBIA atene na lo: ‘Mo leke na be ti mo ti sara da ndali ti mbi, so nzoni mingi.

2 Agbia 7:9

Azo ti buruma ni atene na popo ti ala: “Ye so e sara so ayeke nzoni pepe! Laso ayeke lango ti nzoni sango. Tongana e kanga yanga ti e ti ku titene ndo ahan si e tene tënë ni na azo, gbaa fade a yeke fâ ngbanga na li ti e. Ayeke nzoni e li na ya ti gbata ni, e tene tënë ni na azo ti yangbo ti gbia.”

Awayango-sandaga 19:18

Ala kiri peko ti sioni na azo pepe; zo ti mara ti ala so asara sioni na ala, ala bata ngonzo na be ti ala na tere ti lo pepe. Alingbi zo oko oko aye mba ti lo tongana ti so lo ye tere ti lo wani. Mbi laa mbi yeke KOTA GBIA.

Awayango-sandaga 19:34

Me fade ala yeke sara na lo tongana taa zo ti kodro ti ala: alingbi ala ye lo tongana ti so ala ye tere ti ala wani. Biani, ala wani, ala yeke ando awande na kodro ti Ezipte. Mbi laa mbi yeke KOTA GBIA, Nzapa ti ala.

Jonas 4:4

KOTA GBIA ahunda Jonas, atene: “So mo yeke sara ngonzo so, ayeke na legeni laa?”

Jonas 4:9

Nzapa atene na Jonas: “So mo yeke sara ngonzo ndali ti keke so, ayeke na legeni laa?” Jonas akiri tënë: “Een, ayeke na legeni so mbi sara ngonzo ngbii si mbi ye ti kui so.”

Matthieu 22:39

Use ndia so ayeke nga kota ayeke so: ‘Mo ye mba ti mo zo tongana ti so mo ye tere ti mo wani.’

Matthieu 25:21

Makonzi ti lo atene na lo: ‘So nzoni! Mo yeke nzoni zo ti kua si mo yeke sara ye na legeni! Kete ye so a mu na mo, mo sara kua na ni na legeni; fade mbi yeke zia mo na ndö ti akota ye ti mbi. Ga, mo na makonzi ti mo asara ngia.’

Matthieu 25:23

Makonzi ti lo atene na lo: ‘So nzoni! Mo yeke nzoni zo ti kua si mo yeke sara ye na legeni! Kete ye so a mu na mo, mo sara kua na ni na legeni; fade mbi yeke zia mo na ndö ti akota ye ti mbi. Ga, mo na makonzi ti mo asara ngia.’

Matthieu 7:12

“Ye so kue ala ye titene azo asara na ala, ala wani asara nga ye ni na azo. So ayeke kota tënë ti ya ti *Ndia ti Moïse na ti ambeti ti awayanga-Nzapa.”

Rome 13:10

Tongana zo aye mba ti lo, lo yeke sara sioni na mba ti lo ni pepe. Nilaa, zo so aye mba ti lo, andaa lo sara awe ye so kue *Ndia atene tënë ni.

Galasii 5:14

Biani, Ndia kue abongbi na ya ti tënë oko so: “Alingbi mo ye mba ti mo zo tongana ti so mo ye tere ti mo wani.”

Galasii 6:2

Ala yo kungba ti amba ti ala na popo ti ala: so lege ti sarango ye alingbi na ndia ti Christ laa.

Filipe 4:14

Me ala sara nzoni si ala yo mbage ti kungba ti mawa ti mbi so.

1 Tesalonike 4:9

Tënë ti yengo tere na popo ti ala tongana a-ita, so ayeke ye titene mbeni zo akiri asu mbeti na ala na ndö ni pepe, ngbanga ti so Nzapa afa na ala lege ti yengo tere awe.

Jacques 1:25

Me zo so agi nda ti ndia mbirimbiri, ndia so ayeke nzoni kue si ayeke zi zo na gbe ti ngbaa, zo ni azia be ti lo kue na ndö ni, lo ma tënë ni si tënë ni ahuru mê ti lo pepe, me lo yeke sara ye alingbi na ni, fade lo yeke baa nzoni na lege ti aye ti lo so lo yeke sara.

Jacques 2:12

A-ita, ala tene tënë, ala sara nga ye tongana ti azo so ahinga atene, Nzapa ayeke fâ ande ngbanga ti ala na lege ti ndia so ayeke zi zo na gbe ti ngbaa.

Jacques 2:19

Mo ma na be so Nzapa ayeke gi oko? So nzoni. Asioni yingo nga ama na be so lo yeke gi oko si tere ti ala yeke do.

Jacques 4:11

A-ita, ala tene sioni tënë na iri ti amba ti ala pepe! Zo so atene sioni tënë na iri ti mba ti lo wala lo fâ ngbanga na li ti lo, andaa lo tene sioni tënë na ndö ti ndia, lo fâ nga ngbanga na li ti ndia awe. Tongana mo fâ ngbanga na li ti ndia, andaa ye so ndia ahunda na mo ti sarango ni, mo yeke sara ni pepe, me mo ga zo ti fango ngbanga na li ti ndia awe.

1 Pierre 2:9

Me ti ala, ala yeke azo ti mara so Nzapa asoro ala awe, awayango-sandaga ti Gbia, azo ti mara so ayeke nde si ayeke nzoni kue, azo so Nzapa amu ala ti ga azo ti lo wani titene ala fa tënë ti akota ye so lo sara. Lo iri ala ti sigigi na ya ti vukongo ndo si ala duti na ya ti lumiere ti lo so ayeke do be ti zo.