Jacques 1:8 - Mbeti ti Nzapa - Tënë so amu fini

⁸ Lo yeke zo ti be use si lo hinga li ti lo na ye so lo ye ti sara pepe.

Jacques 1:8 Iomraidhean Croise

1 Agbia 18:21

Élie ague nduru na azo ni kue si lo tene: “Lawa laa ala yeke zia ti gue mbage na mbage so? Tongana *KOTA GBIA laa ayeke Nzapa, ala mu peko ti lo. Tongana ayeke *Baal, ala mu peko ti lo.” Me mbeni zo na popo ti ala akiri tënë oko pepe.

2 Agbia 17:33

Ala yeke voro KOTA GBIA si na mbage, ala ngba ti sara na anzapa ti ala wani, alingbi na lege ti sarango ye ti amara so azo ti Israel alango na popo ti ala kozo titene a mu azo ti Israel a gue na ala na kodro wande.

2 Agbia 17:41

Amara ni ayeke voro ando KOTA GBIA si na mbage, ala yeke voro ayanda ti ala. Nilaa amolenge ti ala, na amolenge ti amolenge ti ala angba ti sara ye gi tongana akotara ti ala ngbii asi laso.

Abia (Psaumes) 119:113

Mbi ke azo ti be use use, me mbi ye ndia ti mo.

Ésaïe 29:13

*KOTA GBIA atene: “Azo so ayeke ga nduru na mbi gi na lege ti atënë senge, ala yeke ne mbi gi na atënë ti yanga senge, me be ti ala ayeke yongoro na mbi. Kpengo so ala yeke kpe mbi ayeke gi na lege ti ndia so azo afa na ala.

Osée 10:2

Be ti azo ti Israel ayeke use use. Fadeso ala yeke wara ye ti peko ti sioni ti ala: *KOTA GBIA wani ayeke kinda agbalaka ti ala si lo yeke kungbi angbongboro têne ti ala so ala leke aluti na nduzu so.

Matthieu 6:22

“Le ti zo ayeke tongana lamba ti tere ti lo. Tongaso, tongana le ti mo ayeke nzoni, tere ti mo kue ayeke na ya ti vurungo ndo.

Matthieu 6:24

“Zo oko alingbi ti sara kua na amakonzi use pepe, ngbanga ti so fade lo yeke ke mbeni oko si lo yeke ye mbeni; lo yeke ma yanga ti mbeni oko si lo yeke baa mbeni na le ti lo tongana senge zo. Ala lingbi ti sara kua na Nzapa nga na nginza legeoko pepe.”

Jacques 1:7

Mara ti zo tongaso, ayeke nzoni lo hinga lo tene, lo lingbi ti wara mbeni ye oko pepe na maboko ti *Kota Gbia.

Jacques 4:8

Ala ga nduru na Nzapa si fade lo yeke ga nduru na ala. Azo ti siokpari, ala *sukula sioni ti ala! Azo ti be use use, ala zi aye ti sioni na be ti ala!

2 Pierre 2:14

Le ti ala ayeke za na nzara ti gingo awali; nzara ti sarango siokpari ayeke hunzi na be ti ala oko pepe. Ala yeke handa azo so be ti ala ade ti kpengba pepe; nzara ti warango ye ti ala ahon ti azo kue. Ala yeke azo so a deba ala awe!

2 Pierre 3:16

Na ya ti ambeti so kue lo su na ndö ti tënë so, gi oko tënë so laa lo tene. Na ya ti ambeti ni, ambeni tënë ni ayeke ngangu na zo ti ma ya ni; azo so ahinga ndo pepe si ade ti kpengba na lege ti tënë ti Nzapa pepe, ala yeke buba ya ti atënë ni, tongana ti so ala yeke sara na tanga ti atënë ti Mbeti ti Nzapa kue. Na sarango ye tongaso, ala yeke buba lege ti fini ti ala wani.