Jacques 1:26 - Mbeti ti Nzapa - Tënë so amu fini

²⁶ Tongana mbeni zo atene na be ti lo atene, ni yeke voro Nzapa si lo bata yanga ti lo pepe, andaa lo yeke handa tere ti lo wani; vorongo Nzapa ti lo ni ayeke gi senge senge.

Jacques 1:26 Iomraidhean Croise

Mbeti ti Job 15:13

Mo yeke sara ngonzo na tere ti Nzapa ngbanga ti nyen? Mo zia gba ti tënë tongaso asigigi na yanga ti mo ngbanga ti nyen?

Mbeti ti Job 30:11

Ndali ti so Nzapa azi ngangu ti mbi si lo zia kamene na le ti mbi, ala yeke sara ye ti be ti ala na mbi.

Abia (Psaumes) 141:3

KOTA GBIA, zia mbeni sanziri na yanga ti mbi, bata yanga ti mbi si mbi tene sioni tënë pepe.

Abia (Psaumes) 32:9

Mbarata na lele ahinga ndo pepe; titene ala luti, a yeke zia wen na kamba na yanga ti ala. Mo sara ye tongana ala pepe si fade sioni ye asi na mo pepe.”

Abia (Psaumes) 34:13

Zo wa laa aye tënë ti gigi ti lo, zo wa? Zo wa laa aye nga ti duti nzoni, zo wa?

Amato 10:19

Zo so ayeke diko atënë gbani gbani, gbaa lo yeke sara sioni; me zo so ayeke bata yanga ti lo, lo yeke zo ti ndara.

Amato 10:31

Atënë ti ndara ayeke sigigi na yanga ti zo ti mbirimbiri; me fade a yeke fâ menga ti azo ti tenengo mvene.

Amato 14:12

Mbeni zo alingbi ti baa ti lo atene, lege ti sarango ye ti ni ayeke mbirimbiri, andaa ayeke lege so ague na kuâ.

Amato 15:2

Tënë ti azo ti ndara ayeke zia nzara ti mandango ye na be ti zo; me ti azo ti buba, gi abuba tënë laa ayeke sigigi na yanga ti ala.

Amato 16:10

Gbia ayeke tene tënë na lege ti ngangu so a mu na lo. Tongana lo yeke fâ ya ti ngbanga, lo yeke mu mbage ti zo pepe.

Amato 16:25

Mbeni zo alingbi ti baa atene, lege ti sarango ye ti ni ayeke mbirimbiri, andaa lege ni ayeke gue na kuâ.

Amato 19:1

Wayere so fini ti lo ayeke na legeni, lo yeke nzoni lo hon zo ti buba so ayeke tene gi atënë ti mayere.

Amato 21:26

Ti londo na ndaperere ngbii asi na lakui, sarango nzara ti aye ahon ndö ti lo; me zo ti mbirimbiri amu ye na azo, lo gbanzi tanga ni pepe.

Ésaïe 1:13

Ala zia mbi na abuba sandaga ti ala ni; be ti mbi ake dukani ti ala mingi. Amatanga ti fini nze, amatanga ti wungo tere na abongbi nde nde, mbi ye ti kiri ti ma tënë ni na mê ti mbi pepe. Sarango amatanga na sarango siokpari, ala bongbi ni kue gi oko, mbi lingbi ti yeda na ni tongana nyen?

Ésaïe 44:20

Azo ni so amu tere ti ala gi na senge mburu ti wâ; gbungo-li ti ala ti kirikiri asara si ala girisa lege. Nzapa ti ala ni alingbi ti zi ala pepe. Me azo ni wani ayeke tene pepe: “Ye so ayeke na ya ti maboko ti mbi so, ayeke gi ye ti mvene.”

Malashii 3:14

Ala tene: ‘E yeke sara kua ti Nzapa gi senge senge. E sara ye alingbi na tënë ti yanga ti lo, e sara mua na dawa ti KOTA GBIA so ayeke na ndö ti dunia kue; nyen laa e wara na peko ni, nyen?

Matthieu 15:9

Vorongo so ala yeke voro mbi so, ayeke gi senge senge, ngbanga ti so ala yeke fa gi andia so azo laa asigigi na ni.’ ”

Marc 7:7

Vorongo so ala yeke voro mbi, ayeke gi senge senge, ngbanga ti so ala yeke fa gi andia so azo laa asigigi na ni.’ ”

Nzoni Tënë so Luc asu na mbeti 8:18

Ala sara hange na lege so ala yeke ma na tënë, ngbanga ti so zo so ayeke na ye, fade a kiri amu mbeni na ndö ni na lo; me zo so ayeke na ye pepe, ataa ye so lo baa lo tene, ni yeke na ni, fade a yeke zi na maboko ti lo.”

1 Korente 15:15

Tongana akuâ ayeke zingo biani pepe, so afa atene, Nzapa azingo Christ na kuâ pepe. Tongana ye ni ayeke tongaso, andaa e yeke azo ti tenengo mvene na li ti Nzapa, ngbanga ti so e tene, lo zingo Christ na kuâ.

1 Korente 15:2

Tongana ala bata Nzoni Tënë ni tongana ti so mbi fa na ala, fade ala yeke soo kuâ gi na lege ni. Tongana ala bata ni na legeni pepe, andaa mabe ti ala ayeke senge senge.

1 Korente 3:18

Ayeke nzoni mbeni zo ahanda tere ti lo wani pepe: tongana mbeni zo na popo ti ala abaa ti lo atene, ni yeke na ndara tongana ti azo ti dunia so, ayeke nzoni lo ga zo ti gbogbolinda, tongaso si lo ga taa zo ti ndara.

Galasii 2:6

Ambeni zo ayeke daa so a baa ala tongana akota zo. – Ataa ala yeke lani kota wala ala yeke kota pepe, ngbanga ti mbi ayeke daa pepe, Nzapa ayeke gonda zo ndali ti le ti zo ni pepe. – Akota zo so agbu mbi na ngangu pepe titene mbi sara mbeni ye nde.

Galasii 2:9

Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.

Galasii 3:4

Aye so kue asi ando na ala so, asi gi senge? Mbi baa ti mbi, mbi tene, ayeke senge pepe.

Galasii 6:3

Zo so ayeke gi senge zo si lo yeke baa tere ti lo tongana kota zo, andaa lo yeke handa tere ti lo wani!

Efeze 4:29

Alingbi sioni tënë oko asigigi na yanga ti ala pepe. Me tongana lege ayeke daa, ala tene gi nzoni tënë so alingbi ti mu lege na amba ti ala ti kpengba si asara nzoni na azo so ayeke ma ala.

Efeze 5:4

Asioni tënë, abuba tënë na atënë na ndö ti sarango ye ti kamene asigigi na yanga ti ala pepe. Me ala mu gi singila na Nzapa.

Ndia ti fani use ni 11:16

Ala sara hange si mbeni ye ahanda ala pepe! Ala mu mbeni lege nde pepe, ala voro anzapa nde pepe, ala kuku na gbe ti anzapa ni nga pepe.

Kolose 4:6

Ayeke nzoni atënë ti yanga ti ala anzere nzerengo, asara nzoni na zo; ala hinga ti kiri tënë na zo na legeni.

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.

Jacques 1:22

Ala handa tere ti ala pepe: ala ma tënë ti Nzapa gi na mê pepe, me ala sara ye alingbi na ni.

Jacques 2:20

Mo so li ti mo ayeke daa pepe so, tongana mbeni zo ayeke na mabe si kua ni ayeke daa pepe, mabe ti lo ni ayeke gi senge senge; mo ye mbi fa na mo?

1 Pierre 3:10

Biani, Mbeti ti Nzapa atene: “Zo so aye tënë ti gigi ti lo si lo ye nga ti duti nzoni, alingbi lo bata yanga ti lo na sioni tënë, lo bata yanga ti lo na atënë ti mvene;