Jacques 1:19 - Mbeti ti Nzapa - Tënë so amu fini

¹⁹ A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.

Jacques 1:19 Iomraidhean Croise

Néhémie 8:18

Na ya ti alango ni so oko oko kue, ti londo na kozo lango ti matanga ni ngbii asi na ndangba lango ni, mbeni zo ayeke diko mbeti ti Ndia ti Nzapa. Matanga ni asara lango mbarambara. Na lango miombe ni, ala sara mbeni kota bongbi ti hunzi na matanga ni tongana ti so ndia afa.

Néhémie 9:17

Ala ke ti ma yanga ti mo; be ti ala agirisa na aye ti dongo be so mo sara ndali ti ala. Ala sara ngangu li si na ya ti tomboka ti ala, ala soro mbeni makonzi ti kiri na ala na gbe ti ngbaa na Ezipte. Me mo, mo zia ala pepe, ngbanga ti so mo yeke Nzapa so mo yeke zi siokpari na li ti zo, mo yeke sara nzoni be na zo si mo yeke baa mawa ti zo, mo yeke sara ngonzo hio hio pepe, nzoni be ti mo asi singo.

Néhémie 9:3

Na pekoni, ala londo aluti na nduzu, ala ma *Ndia ti *KOTA GBIA Nzapa ti ala so a diko ni na ala na ya ti ngbonga ota. Na ya ti mbeni ngbonga ota, ala kuku na sese na gbe ti KOTA GBIA Nzapa ti ala ti hunda na lo titene lo zi siokpari na li ti ala.

Mbeti ti Job 32:16

Mbi ku gbaa. Me so ala kiri atene tënë pepe so, so ala kai ti kiri tënë so,

Amato 10:19

Zo so ayeke diko atënë gbani gbani, gbaa lo yeke sara sioni; me zo so ayeke bata yanga ti lo, lo yeke zo ti ndara.

Amato 13:3

Zo so ayeke bata yanga ti lo, lo yeke bata fini ti lo wani; me zo so ayeke diko atënë gbani gbani, lo yeke buba fini ti lo.

Amato 14:17

Zo so ayeke sara ngonzo hio hio, lo yeke sara aye ti buba. Be ti azo ake zo ti sarango ye na mayere.

Amato 14:29

Zo so asara ngonzo hio hio pepe, lo hinga ndo mingi; me zo so be ti lo ayeke wâ wâ, lo yeke fa buba ti lo na le ti azo.

Amato 15:18

Zo so be ti lo wâ wâ asara si papa alondo; me zo so ayeke kanga be ti lo asara si tiri akai.

Amato 15:2

Tënë ti azo ti ndara ayeke zia nzara ti mandango ye na be ti zo; me ti azo ti buba, gi abuba tënë laa ayeke sigigi na yanga ti ala.

Amato 16:32

Zo so ayeke sara ngonzo hio hio pepe, lo yeke nzoni lo hon mbeni ngangu zo ti bira. Zo so akanga anzara ti be ti lo, lo yeke nzoni lo hon zo so amu mbeni gbata na bira.

Amato 17:14

Tongo nda ti papa ayeke tongana zingo lege na kota ngu ti buba ndo; kozo titene tiri aga ngangu, mo zia lege ni!

Amato 17:27

Zo so le ti lo azi, lo yeke diko tënë mingi pepe; zo so aduti gi kpoo ayeke zo ti hingango ndo.

Amato 18:13

Zo so akiri tënë hio kozo titene lo ma tënë nzoni, lo yeke fa buba ti lo na gigi si lo yeke zia kamene na le ti lo wani.

Amato 18:21

Zo alingbi ti ngba na fini wala ti kui na lege ti atënë ti yanga ti lo. Zo so aye tënë, fade lo yeke wara ye ti peko ni.

Amato 19:11

Zo ti hingango ndo ayeke sara ngonzo hio hio pepe; tongana azo asara sioni na lo si lo baa ni tongana ye pepe, tongaso laa lo yeke ne tere ti lo.

Amato 19:19

Zo so be ti lo wâ wâ, alingbi lo futa mbeni lamande. Tongana a diko lamande na li ti lo pepe, andaa a yeke pusu lo ti kiri ti sara ngonzo.

Amato 21:23

Zo so abata yanga ti lo nga na menga ti lo, lo bata nga tere ti lo titene ye ti ngangu asi na lo pepe.

Amato 25:28

Zo so ayeke ngangu na lo titene lo kanga ngonzo ti lo, lo yeke tongana mbeni gbata so ngangu gbagba ayeke na tere ni pepe.

Amato 29:20

Tongana mo baa mbeni zo so ayeke gbu li ti lo pepe si lo yeke tene tënë, ye so mo lingbi ti ku na mbage ti zo ti buba ayeke nzoni ahon ti zo tongaso.

Wungo ti azo 22:27

Mama ti lele ni abaa ange ti KOTA GBIA, lo lango na sese na gbe ti Balaam. Ngonzo agbu Balaam si lo pika mama ti lele ni na keke.

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Marc 12:37

So David wani ayeke iri lo ‘Kota Gbia’ so, Mesii ni akiri ti duti molenge ti David tongana nyen?” Gba ti azo ayeke ma Jésus na ngia na be ti ala.

Marc 2:2

ala ga, abongbi tere ti ala gbani gbani. Ndo ayeke daa mbeni pepe, ataa na yanga ti da ni kue. Jésus ayeke fa tënë ti Nzapa na ala.

Nzoni Tënë so Luc asu na mbeti 15:1

Azo ti rongo nginza ti lapo na azo ti siokpari aga nduru na tere ti Jésus ti ma lo.

Nzoni Tënë so Luc asu na mbeti 19:48

Me ala hinga ye so ala lingbi ti sara pepe, ngbanga ti so azo kue azia mê ti ala kue ti ma atënë so ayeke sigigi na yanga ti lo.

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

Awatokua 10:33

Nilaa mbi tokua azo hio ti iri mo si mo sara nzoni be, mo ga so. Fadeso, e kue, e yeke ge na dawa ti Nzapa, e yeke ku ti ma tënë so Kota Gbia amu yanga na mo ti tene na e.”

Awatokua 13:48

So azo ti amara nde ama tënë so, be ti ala asi na ngia si ala gonda tënë ti Kota Gbia. Ala so a soro ala ti wara fini so angba lakue lakue, ala ma na be.

Awatokua 17:11

Be ti azuife ni kâ ayeke nzoni ahon ti ala ti Tesalonike; ala yamba tënë ti Nzapa na nzara ni kue na be ti ala. Na ya ti lango oko oko, ala yeke gi ya ti Mbeti ti Nzapa ti baa wala atënë so kue Paul atene so ayeke na legeni.

Awatokua 2:42

Ala yeke bongbi lakue na tere ti *awatokua ti manda ye, ti duti na beoko, ti te kobe ti beoko, ti sambela Nzapa.

Efeze 4:26

Tongana ala sara ngonzo, ala sara hange si ala sara siokpari pepe; ala bata ngonzo na be ti ala ngbii asi na lakui pepe.

Efeze 4:31

Batango zo na be, songo be, ngonzo, dekongo na li ti zo, zongango zo, sarango sioni na zo, alingbi aye tongaso ayeke na popo ti ala mbeni pepe.

Kolose 3:15

Ayeke nzoni siriri so alondo na Christ afa lege na ala na ya ti atënë ti be ti ala! Ndali ti siriri so laa Nzapa airi ala kue ti ga tere oko. Ala mu singila na Nzapa.

Kolose 3:8

Me fadeso, ala nga, ala zia aye so kue: ngonzo, songo be, sioni be, zongango ndo; abuba tënë asigigi na yanga ti ala pepe.

1 Tesalonike 2:13

Ndani laa, e nga, e yeke mu singila na Nzapa lakue ndali ti ye so: na ndembe so e fa lani na ala tënë ti Nzapa, ala ma ni si ala yamba ni tongana tënë ti zo pepe, me tongana tënë ti Nzapa biani: tënë ni ayeke tënë ti Nzapa so ayeke sara kua na be ti ala so ama na be.

Jacques 1:16

A-ita ti mbi so mbi ye ala mingi, ala handa tere ti ala pepe.

Jacques 1:2

A-ita ti mbi, ayeke nzoni be ti ala aduti na ngia na ya ti aye ti tarango be nde nde so ayeke si na ala.

Jacques 1:26

Tongana mbeni zo atene na be ti lo atene, ni yeke voro Nzapa si lo bata yanga ti lo pepe, andaa lo yeke handa tere ti lo wani; vorongo Nzapa ti lo ni ayeke gi senge senge.

Jacques 2:1

A-ita ti mbi, ala ma na be awe na *Kota Gbia ti e Jésus Christ so e yeke gonda lo. Tongaso, ala ne ambeni zo ahon ambeni pepe.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

Jacques 3:10

Nzoni tënë na dengo ba alondo gi na yanga oko so si ayeke sigigi. A-ita ti mbi, alingbi ye ni aduti tongaso pepe.

Jacques 4:11

A-ita, ala tene sioni tënë na iri ti amba ti ala pepe! Zo so atene sioni tënë na iri ti mba ti lo wala lo fâ ngbanga na li ti lo, andaa lo tene sioni tënë na ndö ti ndia, lo fâ nga ngbanga na li ti ndia awe. Tongana mo fâ ngbanga na li ti ndia, andaa ye so ndia ahunda na mo ti sarango ni, mo yeke sara ni pepe, me mo ga zo ti fango ngbanga na li ti ndia awe.

Jacques 5:12

Gi ye oko, a-ita ti mbi, alingbi ala deba na iri ti yayu, wala na iri ti sese, wala na iri ti mbeni ye pepe. Me tongana ala yeda na mbeni tënë, ala tene gi “een, mbi yeda”; tongana ala ke mbeni tënë, ala tene “ên-en, mbi ke”. Tongaso si ala ti na gbe ti ngbanga ti Nzapa pepe.

Jacques 5:19

A-ita ti mbi, tongana mbeni zo na popo ti ala agirisa lege ti taa-tënë, mbeni mba ti lo alingbi ti kiri na lo daa.

1 Jean 2:21

Mbi su mbeti so na ala pepe, ngbanga ti so ala hinga taa-tënë pepe, me mbi su mbeti so na ala, ngbanga ti so ala hinga taa-tënë awe. Ala hinga nga so mbeni tënë ti mvene oko ayeke londo na ya ti taa-tënë ti sigigi pepe.