Jacques 1:16 - Mbeti ti Nzapa - Tënë so amu fini

¹⁶ A-ita ti mbi so mbi ye ala mingi, ala handa tere ti ala pepe.

Jacques 1:16 Iomraidhean Croise

Matthieu 22:29

Jésus akiri tënë na ala: “Ala girisa lege awe, ngbanga ti so ala hinga nda ti Mbeti ti Nzapa wala ngangu ti Nzapa pepe.

Marc 12:24

Jésus atene na ala: “Ala girisa lege awe! Ala hinga nda ni? Ayeke ngbanga ti so ala hinga nda ti Mbeti ti Nzapa wala ngangu ti Nzapa pepe.

Marc 12:27

Nzapa ayeke Nzapa ti akuâ pepe, me lo yeke Nzapa ti azo so ayeke na fini. Tongaso ala girisa lege biani awe.”

Awatokua 1:15

Mbeni lâ, azo ti Jésus abongbi tere ti ala, li ti ala kue ayeke nduru na ngbangbo oko na baleuse. Pierre alondo na popo ti ala si lo tene:

1 Korente 6:9

Ala hinga pepe? Azo ti sarango sioni, fade *Kodro-gbia ti Nzapa ayeke ga ti ala pepe. Ala handa tere ti ala pepe: azo ti gingo wali wala gingo koli kirikiri, azo ti vorongo anzapa nde, azo ti gingo wali wala koli ti amba ti ala, akoli so ayeke lango na amba ti ala akoli,

Galasii 6:7

Ala handa tere ti ala pepe: zo ayeke he Nzapa pepe. Ye so zo alu, fade lo yeke ko lengo ni.

Filipe 2:12

Tongaso, a-ita ti mbi so mbi ye ala mingi, ala so ayeke ma yanga ti Nzapa lakue so, ayeke nzoni ala ma yanga ti lo gi ndali ti le ti mbi pepe. Me so mbi yeke na tere ti ala pepe, fadeso ayeke kota ye mingi titene ala ngba ti ma yanga ti lo. Ala sara kua na mbeto, na dongo tere si ala soo kuâ.

Filipe 4:1

Tongaso, a-ita ti mbi so mbi ye ala mingi, nzara ti kiri ti baa ala asara mbi mingi! Ala zia ngia na be ti mbi mingi si tere ti mbi anzere mingi ndali ti ala! A-ita ti mbi so mbi ye ala mingi, na lege ti gango so ala ga oko na *Kota Gbia, ayeke nzoni ala ngba ti gbu tënë ti Nzapa ngangu tongaso.

Kolose 2:4

Mbi yeke tene tënë so na ala titene zo oko ahanda ala na anzerengo tënë pepe.

Kolose 2:8

Le ti ala akpengba si mbeni zo ahanda ala na atënë ti ndara ti sese so pepe! Atënë so ayeke asenge senge tënë alondo na lege ti tënë ti akotara wala na lege ti ayingo so ayeke na ngangu na ndö ti dunia so, me alondo na Christ oko pepe.

2 Timothée 2:18

Azo ni so azia lege ti taa-tënë awe si ala yeke tene na azo atene, zingongo ti akuâ ayeke mbeni ye so ahon awe. Na lege ti tënë ti ala, ala yeke kinda mabe ti azo mingi.

Ahebro 13:1

Ala ngba lakue ti ye tere na popo ti ala tongana a-ita, azo ti Christ.

Jacques 1:19

A-ita ti mbi so mbi ye ala mingi, ala dabe ti ala na tënë so: alingbi zo oko oko azi mê ti lo hio ti ma na tënë, me alingbi lo tene tënë hio hio pepe, lo sara ngonzo hio hio pepe.

Jacques 1:2

A-ita ti mbi, ayeke nzoni be ti ala aduti na ngia na ya ti aye ti tarango be nde nde so ayeke si na ala.

Jacques 2:1

A-ita ti mbi, ala ma na be awe na *Kota Gbia ti e Jésus Christ so e yeke gonda lo. Tongaso, ala ne ambeni zo ahon ambeni pepe.

Jacques 2:14

A-ita ti mbi, tongana mbeni zo atene, ni yeke na mabe si lo sara mbeni ye ti fa ni pepe, mabe ti lo ni ayeke sara nyen na lo? Mabe so alingbi ti soo lo?

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

Jacques 3:1

A-ita ti mbi, alingbi azo mingi na popo ti ala aga awafango-ye pepe! Ala hinga atene, e so e yeke awafango-ye, fade Nzapa ayeke fâ ngbanga na li ti e ngangu ahon ti tanga ti azo kue.

Jacques 3:10

Nzoni tënë na dengo ba alondo gi na yanga oko so si ayeke sigigi. A-ita ti mbi, alingbi ye ni aduti tongaso pepe.

Jacques 4:11

A-ita, ala tene sioni tënë na iri ti amba ti ala pepe! Zo so atene sioni tënë na iri ti mba ti lo wala lo fâ ngbanga na li ti lo, andaa lo tene sioni tënë na ndö ti ndia, lo fâ nga ngbanga na li ti ndia awe. Tongana mo fâ ngbanga na li ti ndia, andaa ye so ndia ahunda na mo ti sarango ni, mo yeke sara ni pepe, me mo ga zo ti fango ngbanga na li ti ndia awe.

Jacques 5:12

Gi ye oko, a-ita ti mbi, alingbi ala deba na iri ti yayu, wala na iri ti sese, wala na iri ti mbeni ye pepe. Me tongana ala yeda na mbeni tënë, ala tene gi “een, mbi yeda”; tongana ala ke mbeni tënë, ala tene “ên-en, mbi ke”. Tongaso si ala ti na gbe ti ngbanga ti Nzapa pepe.

Jacques 5:19

A-ita ti mbi, tongana mbeni zo na popo ti ala agirisa lege ti taa-tënë, mbeni mba ti lo alingbi ti kiri na lo daa.