Jacques 1:10 - Mbeti ti Nzapa - Tënë so amu fini

¹⁰ Alingbi ita so ayeke zo ti mosoro agonda tere ti lo, ngbanga ti so Nzapa akiri na lo na kete ndo. Biani, zo ti mosoro ayeke hon ande tongana kongo ti ngonda.

Jacques 1:10 Iomraidhean Croise

Mbeti ti Job 14:2

Lo yeke tongana kongo so asigigi si ahole; lo hon tongana gbe ti de, lo ninga pepe.

Abia (Psaumes) 102:11

Be ti mo aso si mo sara ngonzo na tere ti mbi, nilaa mo yo mbi na nduzu, mo bi mbi yongoro.

Abia (Psaumes) 103:15

Fini ti zo ayeke tongana pere; zo ayeke tongana kongo ti ngonda so asigigi,

Abia (Psaumes) 37:2

Biani, fade ala yeke woko hio tongana kongo, ala yeke hole tongana pere.

Abia (Psaumes) 39:6

Baa, mo mu na mbi lango ti fini so ayeke nduru tongana ya ti maboko ti mbi. Na le ti mo, fini ti mbi ayeke ye oko pepe. Biani, ataa zo angba ngangu, lo yeke gi pupu senge. Luti kete

Ésaïe 40:6

Mbeni go atene: “Dekongo!” Me mbi kiri tënë: “Mbi dekongo ni, mbi tene nyen?” Go ni akiri atene: “Azo kue ayeke tongana pere, pendere ti ala ayeke tongana kongo ti ngonda.

Ésaïe 40:7

Tongana pupu ti KOTA GBIA ahon na ndö ni, pere ni ayeke hole si kongo ni ayeke ti. Biani, azo ayeke tongana pere.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 66:2

Aye so kue, maboko ti mbi laa asara ni si abaa gigi, so tënë ti yanga ti mbi KOTA GBIA laa. Me zo ti mawa so be ti lo awoko, lo so lo ma tënë ti mbi si tere ti lo ayeke do, zo tongaso laa mbi yeke baa lo na nzoni le.

Matthieu 5:3

“Ti ala nzoni, ala so ahinga atene, ye ti yingo atia ala, ngbanga ti so *Kodro-gbia ti yayu ayeke ti ala!

Matthieu 6:30

Apere so ayeke laso na ya ti ngonda si kekereke a yeke tuku ni na le ti wâ so, Nzapa aleke ni pendere. Ala azo ti kete mabe, Nzapa alingbi ti sara si ala wara bongo pepe?

1 Korente 7:31

Azo so ayeke wara anzoni ye ti dunia so, alingbi ala duti tongana ti so ala wara fade ni pepe. Biani, dunia ti fadeso, tongana ti so e yeke baa so ayeke hon hongo.

Filipe 3:8

Biani, mbi baa aye so kue ayeke abuba ye tongana mbi haka ni na hingango Jésus Christ, *Kota Gbia ti mbi. Ti hinga Jésus ayeke nzoni ahon ye kue. Ndali ti lo laa mbi zia aye ti mbi kue abuba; mbi baa aye ni kue tongana zende titene mbi wara Christ

1 Timothée 6:17

Mo mu yanga na azo ti mosoro ti dunia so titene ala pika kate ti ala pepe. Amosoro so ayeke ninga pepe, ala zia be ti ala na ndö ni pepe, me ala zia be ti ala na ndö ti Nzapa. Lo laa lo yeke mu na e anzoni ye ahon ndoni si e wara lege ti duti nzoni.

Jacques 4:14

Ala hinga ye so ayeke si na gigi ti ala ti kekereke? Ala yeke gi tongana guru so asigigi na le ti ngu si kete na pekoni ahon.

1 Pierre 1:24

Tongana ti so Mbeti ti Nzapa atene: “Azo ayeke tongana pere, pendere ti ala ayeke tongana kongo ti ngonda. Pere ni ayeke hole si kongo ni ayeke ti,

1 Jean 2:17

Dunia so ayeke hon, aye so zo ayeke sara nzara ni nga ayeke hon; me zo so asara ye so be ti Nzapa aye, fade lo yeke ngba na fini kpu na kpu.