Jacques 1:1 - Mbeti ti Nzapa - Tënë so amu fini

¹ Mbi Jacques, zo ti kua ti Nzapa na ti *Kota Gbia Jésus Christ; mbi tokua mbeti so na amara baleoko na use ti azuife so akangbi na ya ti akodro nde nde. Mbi bara ala kue.

Jacques 1:1 Iomraidhean Croise

1 Agbia 18:31

Lo mu têne baleoko na use alingbi na wungo ti amara baleoko na use ti Jacob. Ando tënë ti KOTA GBIA asi na Jacob, atene: “Fade iri ti mo ayeke duti Israel.”

Esdras 6:17

Ndali ti matanga ni, ala mu na *sandaga akoli-bagara ngbangbo oko, akoli-taba ngbangbo use, amolenge ti taba ngbangbo osio. Ndali ti sandaga ti zingo siokpari na li ti ala, ala mu akoli-ngasa baleoko na use alingbi na wungo ti amara ti Israel.

Esther 3:8

Haman atene na gbia Zerses: “Babâ gbia, mbeni mara ayeke na ya ti kodro so ayeke ti lo nde. Azo ti mara ni amu ya ti kodro ti mo kue si ala yeke duti ti ala nde na azo ti kodro ni. Lege ti dutingo ti ala na sarango ye ti ala ayeke nde na ti ambeni mara; ala ye ti sara ye alingbi na andia ti gbia pepe. Tongana mo zia ala duti kpoo tongaso, mo yeke wara nyen daa?

Sigingo 24:4

Moïse asu na mbeti atënë kue ti KOTA GBIA. Na pekoni, lo londo na kota ndaperere, lo leke mbeni gbalaka na gbe ti hoto ni; lo leke nga angbongboro têne baleoko na use aluti na nduzu ndali ti mara baleoko na use ti Israel.

Sigingo 28:21

Ala yeke kpaka iri ti amolenge ti Jacob baleoko na use na ndö ti têne oko oko, tongana ti so a yeke kpaka iri ti zo na ndö ti *ye ti kpongo na nzoroko. Fade wungo ti atêne ni ayeke lingbi na wungo ti amara baleoko na use ti Israel.

Sigingo 39:14

Ala kpaka iri ti amolenge ti Jacob baleoko na use na ndö ti têne oko oko tongana ti so a yeke kpaka iri ti zo na ndö ti *ye ti kpongo na nzoroko. Wungo ti atêne ni alingbi na wungo ti amara baleoko na use ti Israel.

Ezekiel 12:15

Tongana mbi kangbi ande ala na popo ti amara nde nga na ya ti akodro wande, tongaso ala yeke hinga atene, mbi yeke KOTA GBIA.

Awayango-sandaga 26:33

Ti ala, mbi yeke tokua bira na tere ti ala si mbi yeke sara titene ala kangbi na popo ti amara nde. Kodro ti ala ayeke ga ngonda si agbata ti ala ayeke buba kue.

Matthieu 10:3

Philippe na Barthélemy; Thomas na Matthieu so lo yeke zo ti rongo nginza ti lapo; Jacques, molenge ti Alfe na Tade;

Matthieu 13:55

Molenge ti sarapande so laa pepe? Marie laa ayeke mama ti lo pepe? Jacques, Joseph, Simon na Jude ayeke a-ita ti lo ti koli pepe?

Matthieu 19:28

Jésus atene na ala: “Mbi tene na ala taa-tënë: na ndembe so ye kue ayeke kiri ti ga fini ni, fade *Molenge ti Zo ayeke duti na ndö ti mbata ti gonda ti lo ti Gbia. Ala baleoko na use so amu peko ti mbi, ala yeke duti na ndö ti ambata ti gbia baleoko na use titene ala fâ ngbanga ti amara baleoko na use ti Israel.

Marc 3:18

André, Philippe, Barthélemy, Matthieu, Thomas, Jacques, molenge ti Alfe, Tade, Simon so ayeke tiri ndali ti lipandaa ti kodro,

Nzoni Tënë so Luc asu na mbeti 22:30

fade mbi na ala, e yeke te si e yeke nyon na ya ti Kodro-gbia ti mbi si ala yeke duti na ndö ti ambata ti gbia ti fâ ngbanga ti amara baleoko na use ti Israel.”

Nzoni Tënë so Luc asu na mbeti 6:15

Matthieu, Thomas, Jacques, molenge ti Alfe, Simon so azo atene lo yeke tiri ndali ti lipandaa ti kodro,

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 7:35

Azuife ahunda tere ti ala, atene: “Lo yeke gue ande na ndo wa si e wara lo pepe so? Lo ye ti gue na ndo ti azuife so akangbi tere ti ala na ya ti akodro ti agreke so? Lo yeke gue kâ ti fa ye na agreke ni?

Awatokua 1:13

So ala si na gbata ni awe, ala li na ya ti kubu ti nduzu so ala yeke wara ka tere daa. Azo ni ayeke Pierre, Jean, Jacques, André, Philippe, Thomas, Barthélemy, Matthieu, Jacques, molenge ti Alfe, Simon so ayeke tiri ndali ti lipandaa ti kodro nga na Jude, molenge ti Jacques.

Awatokua 12:17

Lo sara maboko ti lo na ala titene ala kai; lo fa na ala lege so Kota Gbia asara si lo sigigi na da ti kanga. Lo tene: “Ala gue, afa tënë ni na Jacques nga na a-ita.” Na pekoni, lo zia ala si lo hon na mbeni ndo.

Awatokua 15:13

So ala hunzi tënë ti ala awe, Jacques amu tënë si lo tene: “A-ita, ala ma mbi si!

Awatokua 15:21

Biani, ngbene ye giriri, azo ayeke fa *Ndia ti Moïse na ya ti agbata oko oko kue; na *lango ti wungo tere oko oko kue, ala yeke diko Ndia ni na ya ti ada ti sambelango Nzapa.”

Awatokua 15:23

Ala mu na ala mbeti so na ya ni ala tene: “E, awatokua na akangba so e yeke a-ita ti ala, e bara ala a-ita ti e, azo ti Christ, so ayeke azo ti amara nde si ala yeke na Antioshe, na sese ti Sirii na ti Silisii.

Awatokua 2:5

Andaa ambeni zuife so aye tënë ti Nzapa mingi ayeke na Jérusalem. Ala londo na akodro nde nde ti dunia mobimba si ala ga.

Awatokua 21:18

Na ndade ni, Paul ague na e na ndo ti Jacques. *Akangba ti *Eglize kue abongbi kâ.

Awatokua 23:26

“Mbi Claude Lisias, mbi tokua mbeti so na govoronere Félix. Mbi bara mo, gbia.

Awatokua 26:7

Amara baleoko na use ti e azia be ti ala ti ku ti baa ye so Nzapa amu zendo ni, nilaa ala yeke sara kua ti Nzapa bi na lâ, ala woko na kua ni pepe. Mbi nga, gbia, mbi yeke ku ti baa ye ni so. Ye so azuife aga na mbi na gbe ti azo ti fango ngbanga ndali ni laa!

Awatokua 8:1

Saul ayeda na tënë ti fango Étienne. Na lango ni so, azo ato nda ti sara ngangu mingi na azo ti *Eglize so ayeke na Jérusalem. Azo ti Jésus kue akangbi na ndö ti sese ti Judée na ti Samarii, gi *awatokua laa angba na Jérusalem.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Galasii 1:19

Mbi baa mbeni watokua nde pepe, me zo so mbi baa lo ayeke gi Jacques, ita ti *Kota Gbia.

Galasii 2:12

Kozoni, lo na ambeni zo ti amara nde ayeke te kobe. Me gi na peko ti so ambeni zo alondo na mbage ti Jacques si asi, lo gboto tere ti lo si lo yeke duti nde, lo kiri lo te kobe na ala pepe. Ndali ti so azo ayeke sara ye alingbi na tënë ti ndia ti fango *ganza, mbeto ti ala asara lo.

Galasii 2:9

Jacques, Pierre na Jean, so azo ti Christ abaa ala tongana akota zo, ahinga atene, Nzapa amu kua so na mbi biani. Ndani laa, ala bara mbi na Barnabas ti fa atene, e na ala e yeke na beoko. E ma tere so fade e yeke gue ti e na mbage ti azo ti amara nde, ala yeke gue ti ala na mbage ti azuife.

Ndia ti fani use ni 28:64

Fade KOTA GBIA ayeke kangbi ala na popo ti amara kue, ti londo na mbeni nda ti sese ti si na mbeni nda ni. Kâ, ala yeke voro ambeni nzapa so ala wani ahinga ala pepe, akotara ti ala nga ahinga ala pepe; a sara anzapa ni so na keke wala na têne.

Ndia ti fani use ni 30:3

Tongaso, fade KOTA GBIA ayeke sara titene dutingo ti ala aga nde na ti kozoni, lo yeke baa mawa ti ala si lo yeke zi ala na popo ti amara so kue lo kangbi ala lani daa ti kiri ti bongbi ala na ndo oko.

Ndia ti fani use ni 32:26

Mbi tene: ‘Mbi leke na be ti mbi ti fâ ala kue ti hunzi ala, mbi ye titene zo akiri adabe ti lo na mara ti ala pepe na ndö ti sese so.

Ndia ti fani use ni 4:27

Fade KOTA GBIA ayeke kangbi ala kirikiri na popo ti amara nde; wungo ti ala ayeke ngba gi kete na ya ti akodro so KOTA GBIA ayeke tumba ala daa.

Filipe 1:1

Mbi Paul, mbi na Timothée, so e yeke azo ti kua ti Jésus Christ laa e tokua mbeti so na azo ti Nzapa so aga oko na Jésus Christ si ala yeke na gbata ti Filipe. E tokua nga mbeti so na azo so ayeke na li ti *Eglize, ala na *adiakre.

2 Timothée 4:21

Sara kue titene mo si ge kozo si ngoi ti de alingbi. Ebule, Pudan, Linus, Claudia na a-ita kue abara mo.

Tite 1:1

Mbi Paul, mbi yeke zo ti kua ti Nzapa si mbi yeke nga *watokua ti Jésus Christ. Nzapa atokua mbi ti sara si azo so lo soro ala ama na be si ala hinga taa-tënë so alingbi gi na lege ti vorongo Nzapa,

1 Pierre 1:1

Mbi Pierre, *watokua ti Jésus Christ, mbi tokua mbeti so na azo so Nzapa asoro ala, ala so akpe kodro ti ala, ague, aduti na ya ti akodro nde nde na sese ti Pon, ti Galasii, ti Kapadose, ti Azii na ti Bitinii.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.

Aye so Nzapa afa 7:4

A fa na mbi wungo ti azo so kue a kpo nzoroko ti Nzapa na ndö ti le ti ala. Azo ni ayeke azo ti amara kue ti Israel, wungo ti ala ayeke saki ngbangbo oko na baleosio na osio.