Filipe 4:9 - Mbeti ti Nzapa - Tënë so amu fini

⁹ Ye so mbi fa na ala, ye so ala ma ni si ala baa mbi na sarango ni, ayeke nzoni ala sara ni. Fade Nzapa so ayeke mu siriri na zo ayeke duti na ala.

Filipe 4:9 Iomraidhean Croise

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 8:10

Ala leke apialo ma, fade ayeke li ngu. Ala tene tënë mingi mingi ma, fade a yeke sara ye oko pepe, ngbanga ti so Nzapa ayeke na e.

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Matthieu 7:21

“Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

Nzoni Tënë so Luc asu na mbeti 6:46

“Ngbanga ti nyen laa ala yeke iri mbi: ‘*Kota Gbia, Kota Gbia’, me ala sara ye alingbi na tënë so mbi tene so pepe?

Nzoni Tënë so Luc asu na mbeti 8:21

Lo kiri tënë na ala: “Azo so ama tënë ti Nzapa si ala yeke sara ye alingbi na ni, ala so laa ayeke mama ti mbi na a-ita ti mbi.”

Jean 13:17

Fadeso ala hinga ye ni awe. Ti ala nzoni tongana ala sara ye alingbi na ni!

Jean 15:14

Tongana ala sara ye alingbi na yanga so mbi mu na ala, ala yeke amba ti mbi so mbi na ala e ye tere.

Jean 2:5

Tongaso mama ti Jésus atene na azo ti kua ni, atene: “Ala sara ye so kue lo yeke hunda na ala.”

Awatokua 9:6

Me mo londo, mo li na ya ti gbata ni. Kâ, fade a yeke fa na mo ye so mo lingbi ti sara.”

Rome 15:33

Ayeke nzoni Nzapa so ayeke mu siriri na zo aduti na ala kue! Amen.

Rome 16:20

Nzapa so ayeke mu siriri na zo aga nduru ti nika Satan na gbe ti gere ti ala awe. Ayeke nzoni Kota Gbia ti e Jésus asara nzoni be na ala!

1 Korente 10:31

Tongaso, ataa ala yeke te, ataa ala yeke nyon, ataa ye so kue ala yeke sara, ala sara ni kue ndali ti gonda ti Nzapa.

1 Korente 14:33

Biani, Nzapa ayeke Nzapa ti wusuwusu pepe, me lo yeke Nzapa ti siriri. Tongana ti so azo ayeke sara na ya ti a-Eglize ti Nzapa kue,

1 Korente 4:16

Tongaso, mbi hunda na ala mingi titene ala sara ye tongana mbi.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

Ndia ti fani use ni 5:1

Moïse airi azo ti Israel kue si lo tene na ala: “Ala azo ti Israel, ala ma aye so ndia afa nga na atënë ti ndia so mbi yeke tene na ala laso. Ala manda ni si ala sara kue ti sara ye alingbi na ni.

Filipe 3:17

A-ita ti mbi, ala mu tapande ti mbi. Le ti ala angba na ndö ti tapande ti azo so ayeke sara ye alingbi na ti so ala baa e na sarango ni.

Filipe 4:7

Tongaso, fade siriri ti Nzapa so ahon hingango ndo ti azo kue ayeke bata be ti ala na yingo ti ala oko na Christ.

1 Tesalonike 1:6

Ti ala, ala sara ye tongana ti e nga tongana ti Kota Gbia; ataa so ala wara tënë ti Nzapa na ya ti pasi mingi, Yingo-Vuru azia ngia na be ti ala.

1 Tesalonike 2:14

Biani, a-ita, azo ti Tesalonike, ala sara ye awe gi tongana ti azo ti *Eglize ti Nzapa so ayeke na sese ti Judée, ala so aga oko na Jésus Christ so. Ala baa pasi na maboko ti azo ti kodro ti ala wani tongana ti so azo ti Eglize ti Judée abaa pasi na maboko ti azuife.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

2 Tesalonike 3:4

Na lege ti gango so e ga oko na Kota Gbia, e zia be ti e na ndö ti ala: ye so e mu yanga na ala ti sarango ni, ala yeke sara ni si ala yeke ngba ande ti sara ni.

2 Timothée 4:22

Ayeke nzoni *Kota Gbia aduti na mo! Ayeke nzoni Nzapa asara nzoni be na ala!

Jacques 1:22

Ala handa tere ti ala pepe: ala ma tënë ti Nzapa gi na mê pepe, me ala sara ye alingbi na ni.

2 Pierre 1:10

Ndani laa, a-ita, ayeke nzoni ala kiri asara ngangu ahon ti kozoni ti ngba na lege ti iringo so Nzapa airi ala, nga na lege ti sorongo so lo soro ala. Tongana ala sara tongaso, mbeni ye ti sara si ala ti ande ayeke daa oko pepe.

1 Jean 3:22

Ye so kue e hunda na lo, e yeke wara ni, ngbanga ti so e yeke sara ye alingbi na andia ti lo si e yeke sara ye so anzere na be ti lo.