Filipe 4:7 - Mbeti ti Nzapa - Tënë so amu fini

⁷ Tongaso, fade siriri ti Nzapa so ahon hingango ndo ti azo kue ayeke bata be ti ala na yingo ti ala oko na Christ.

Filipe 4:7 Iomraidhean Croise

Néhémie 8:10

Esdras akiri atene na azo ni: “Ala kiri na ndo ti ala. Ala gue, ate anzoni kobe, ala nyon anzerengo samba, ala mu ambeni kobe ni na azo so ayeke na ye pepe, ngbanga ti so a zia lango so nde ndali ti KOTA GBIA ti e. Ala sara vundu pepe, ngbanga ti so ngia so alondo na KOTA GBIA laa ayeke ngangu ti ala!”

Mbeti ti Job 22:21

Tongaso, leke songo ti mo na Nzapa; sara si siriri aduti na popo ti mo na lo si fade mo yeke duti nzoni.

Mbeti ti Job 34:29

Me tongana Nzapa akanga maboko aduti, zo wa laa ayeke fâ ngbanga na li ti lo? Tongana lo honde le ti lo, zo wa laa alingbi ti baa lo, zo wa? Andaa lo yeke bata kodro nga na azo.

Abia (Psaumes) 29:11

Fade KOTA GBIA ayeke mu ngangu na azo ti lo; KOTA GBIA ayeke sara tufa na ndö ti azo ti lo na mungo na ala siriri.

Abia (Psaumes) 85:8

KOTA GBIA, fa na e nzoni be ti mo, soo e na kuâ!

Amato 2:11

Nzoni gbungo-li ayeke sara si sioni ye awara mo pepe, hingango ndo ayeke bata mo.

Amato 4:6

Mo zia ndara pepe, fade lo yeke bata mo. Mo ye ndara, fade lo yeke bata mo si sioni ye asi na mo pepe.

Amato 6:22

Fade atënë ni ayeke fa lege na mo tongana mo yeke tambula na lege; ala yeke bata mo tongana mo yeke lango; tongana mo zingo na lango, ala yeke mu na mo wango.

Ésaïe 26:12

KOTA GBIA, mo yeke mu na e siriri, aye so kue e yeke sara, mo laa mo yeke sara ni ndali ti e.

Ésaïe 26:3

Na zo so be ti lo aduti kpoo, KOTA GBIA, mo yeke mu na lo siriri, ngbanga ti so lo zia be ti lo na ndö ti mo.

Ésaïe 45:7

Mbi yeke sara vurungo ndo, mbi yeke sara vukongo ndo. Mbi yeke sara si ye aga nzoni, mbi yeke sara si mawa aga. Mbi laa mbi yeke KOTA GBIA so mbi yeke sara aye so kue.

Ésaïe 48:18

Yanga so mbi mu lani, tongana mo ma fade ni, ka siriri ti mo ayeke ga tongana *bale, ka mbirimbiri ti mo ayeke ga tongana *amapo ti kota ngu-ingo!

Ésaïe 48:22

KOTA GBIA atene: “Siriri ayeke ndali ti azo ti sioni pepe.”

Jérémie 32:16

Na peko ti so mbi mu mbeti ti vongo yaka ni na Baruk, molenge ti Neria, mbi sambela *KOTA GBIA, mbi tene:

Jérémie 33:6

“Me fade mbi yeke sara si gbata ni aga nzoni; mbi yeke kai kobela ti azo ni, mbi yeke mu na ala gba ti siriri si mbeni sioni ye ti si na ala ayeke daa pepe.

Wungo ti azo 6:26

Ayeke nzoni KOTA GBIA abi le ti lo na ndö ti mo, lo mu na mo siriri!’

Nzoni Tënë so Luc asu na mbeti 1:79

Fade lâ ni ayeke su na ndö ti azo so aduti na ya ti vukongo ndo ti kuâ, ti fa na e lege ti siriri si e tambula daa.”

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Jean 16:33

Mbi tene tënë so na ala titene ala duti na siriri na lege ti gango so ala ga oko na mbi. Na dunia so, fade ala yeke baa pasi, me ala gbu ngangu! Mbi hon dunia so na ngangu awe!”

Rome 1:7

Mbi tokua mbeti so na ala so kue ayeke na Rome, ala so Nzapa aye ala mingi si lo iri ala ti ga azo ti lo. Ayeke nzoni Nzapa Babâ ti e na Kota Gbia Jésus Christ asara nzoni be na ala si amu na ala siriri.

Rome 14:17

Biani, *Kodro-gbia ti Nzapa abaa tënë ti tengo kobe wala tënë ti nyongo ye pepe, me abaa tënë ti sarango ye ti mbirimbiri, ti siriri na ti ngia so Yingo-Vuru ayeke mu na zo.

Rome 15:13

Nzapa so ayeke mu na zo lege ti zia be ti lo ti ku ye so lo tene tënë ni, ayeke nzoni lo sara si be ti ala asi na ngia nga na siriri ndali ti mabe so ala yeke na ni. Tongaso, na lege ti ngangu ti Yingo-Vuru, ala ngba ti zia be ti ala ti ku lo lakue.

Rome 5:1

So e ga mbirimbiri na lege ti mabe awe, e yeke na siriri na Nzapa na lege ti Jésus Christ, *Kota Gbia ti e.

Rome 8:6

Asioni nzara ti be ti zo ayeke gue na lo na kuâ; me zo so be ti lo ayeke gi na ndö ti ye so Yingo aye, fade lo yeke duti na fini nga na siriri.

2 Korente 10:5

E yeke buba nga aye so kue azo ti baba ayeke mu ti kanga lege na amba ti ala ti hinga Nzapa. E yeke kanga lege na atënë ti be ti azo kue ti sara si atënë ti be ti ala aga ngbaa si ala ma yanga ti Christ.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

Galasii 5:22

Me ye so Yingo ti Nzapa ayeke du ayeke so: ndoye, ngia, siriri, kangango be, nzoni be, sarango nzoni na azo, mabe,

Efeze 3:19

Fade ala yeke hinga ndoye ti Christ so ahon ngangu ti hingango ndo ti zo. Tongaso, fade ala yeke si singo na aye kue kue kue ti Nzapa.

Filipe 1:1

Mbi Paul, mbi na Timothée, so e yeke azo ti kua ti Jésus Christ laa e tokua mbeti so na azo ti Nzapa so aga oko na Jésus Christ si ala yeke na gbata ti Filipe. E tokua nga mbeti so na azo so ayeke na li ti *Eglize, ala na *adiakre.

Filipe 1:2

Ayeke nzoni Nzapa Babâ ti e, lo na *Kota Gbia Jésus Christ asara nzoni be na ala si amu na ala siriri!

Filipe 4:19

Fade Nzapa ti mbi ayeke mu na ala ye so kue atia ala; lo yeke mu ni na ala na lege ti Jésus Christ, ngbanga ti so lo yeke na anzoni mosoro ahon ndoni.

Filipe 4:21

Na lege ti gango so e ga oko na Jésus Christ, ala bara na mbi azo ti Nzapa oko oko kue. A-ita so ayeke na tere ti mbi ge abara ala.

Filipe 4:9

Ye so mbi fa na ala, ye so ala ma ni si ala baa mbi na sarango ni, ayeke nzoni ala sara ni. Fade Nzapa so ayeke mu siriri na zo ayeke duti na ala.

Kolose 3:15

Ayeke nzoni siriri so alondo na Christ afa lege na ala na ya ti atënë ti be ti ala! Ndali ti siriri so laa Nzapa airi ala kue ti ga tere oko. Ala mu singila na Nzapa.

2 Tesalonike 3:16

Ayeke nzoni *Kota Gbia wani, so siriri alondo na lo, amu na ala siriri lakue na ya ti aye kue! Ayeke nzoni Kota Gbia aduti na ala kue!

Ahebro 13:20

Nzapa so ayeke mu siriri na zo, lo sara si *Kota Gbia ti e Jésus so lo yeke kota wabatango-taba, alondo na popo ti akuâ asigigi. Ndali ti mene ti lo so lo mu na *sandaga, e na Nzapa, e sara *mbuki so ayeke ngba lakue lakue.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.

Aye so Nzapa afa 1:4

Jean laa atokua mbeti so na *a-Eglize mbarambara so ayeke na sese ti Azii. Ayeke nzoni Nzapa, lo so lo yeke laso, lo yeke ando si lo yeke ga, asara nzoni be na ala si amu na ala siriri! Ayeke nzoni ayingo mbarambara so ayeke luti na dawa ti mbata ti lo ti gbia amu ye so na ala!

Aye so Nzapa afa 2:17

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo *mane so angba na hondengo ni. Mbi yeke mu nga na lo mbeni vuru têne so a su fini iri na ndö ni, mbeni zo nde ahinga iri ni pepe, gi zo so awara iri ni si ahinga.”