Filipe 4:6 - Mbeti ti Nzapa - Tënë so amu fini

⁶ Ala gi be ti ala ndali ti mbeni ye oko pepe, me na ya ti ye kue, ala fa na Nzapa ye so ala ye, na lege ti sambela, na vorongo tere nga na mungo singila na lo.

Filipe 4:6 Iomraidhean Croise

1 Agbia 8:28

Ataa so kue, KOTA GBIA, Nzapa ti mbi, dingi mê ti mo, mo ma sambela ti mbi na toto ti mbi, zo ti kua ti mo. Ma dekongo na sambela so mbi, zo ti kua ti mo, mbi yeke ya na mo laso.

2 Mbai 32:20

Gbia Ezekias na wayanga-Nzapa Ésaïe, molenge ti Amoz asambela Nzapa ti yayu, ala dekongo na lo titene lo mu na ala maboko.

Abia (Psaumes) 51:15

Fade mbi yeke fa lege ti mo na azo so ake ndia ti mo si azo ti sarango siokpari ayeke kiri na mbage ti mo.

Abia (Psaumes) 55:17

Ti mbi, mbi dekongo na Nzapa, fade KOTA GBIA ayeke soo mbi.

Abia (Psaumes) 55:22

Tënë ti yanga ti lo anzere tongana mafuta ti wotoro, me tënë ti bira ayeke na be ti lo kâ. Atënë ti yanga ti lo ayeke woko zo ahon mafuta, me atënë ni ayeke kpo zo tongana zeme.

Abia (Psaumes) 62:8

Nzapa ayeke wasongo mbi na kuâ; na lege ti lo laa mbi yeke wara gonda. Lo yeke kota ngangu têne so mbi luti na ndö ni ti bata tere ti mbi; lo yeke ndo so mbi kpe daa ti bata tere ti mbi.

Amato 15:8

Be ti KOTA GBIA ake mingi *sandaga ti azo ti sioni; me be ti lo anzere na sambela ti azo ti mbirimbiri.

Amato 16:3

Ye so mo yeke sara, mo zia ni na maboko ti KOTA GBIA si fade apialo ti mo ayeke ga nzoni.

B. ti abia 2:14

Mbipa ti mbi, mo so mo honde tere ti mo na ya ti adu ti têne so asuru so, na popo ti atêne so ayo na nduzu so, fa na mbi le ti mo, mbi baa si! Tene tënë, mbi ma go ti mo si! Biani, go ti mo apendere mingi si le ti mo apendere mingi.”

Jérémie 32:16

Na peko ti so mbi mu mbeti ti vongo yaka ni na Baruk, molenge ti Neria, mbi sambela *KOTA GBIA, mbi tene:

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Daniel 3:16

Shadrak, Meshak na Abed-Nego akiri tënë na gbia, atene: “Gbia, e ye ti diko gba ti tënë na ndö ti tënë so na mo pepe.

Daniel 6:10

Tongaso, gbia Darius asu maboko ti lo na gbe ti kota mbela ni.

Matthieu 10:19

Tongana azo ni ague na ala na ngbanga, ala gi be ti ala na ndö ti tënë so ala yeke tene ande, wala na lege ti tenengo tënë ni pepe. Na ndembe ni ande, fade ala yeke hinga tënë ti tenengo ni.

Matthieu 13:22

Ambeni zo ayeke tongana sese so aki ayeke daa si ale ti kobe atuku daa: ala ma tënë ni, me gingo be ti ala na ndö ti aye ti sese so na nzara ti mosoro akanga ndö ti tënë ni si ale pepe.

Matthieu 6:34

Tongaso, ala gi be ti ala ndali ti aye ti kekereke pepe: pasi ti kekereke ayeke pasi ti kekereke. Lango oko oko ayeke ga na pasi ti lo wani.

Matthieu 6:8

Ala sara ye tongana ti azo ni so pepe. Biani, Babâ ti ala ahinga kozoni awe ye so atia ala.

Nzoni Tënë so Luc asu na mbeti 10:41

Me Kota Gbia akiri tënë na lo: “Marthe, Marthe, mo yeke gi be ti mo si mo yeke do tere ti mo ndali ti aye mingi.

Nzoni Tënë so Luc asu na mbeti 12:22

Na pekoni, Jésus atene na adisiple ti lo: “Ndani laa, mbi tene na ala: Ala gi be ti ala pepe ndali ti fini ti ala wala ndali ti tere ti ala, atene: ‘Fade e yeke te nyen? Fade e yeke wara bongo na ndo wa ti yu?’

Nzoni Tënë so Luc asu na mbeti 12:29

Ala nga, ala gi be ti ala pepe ndali ti ye ti tengo ni wala ye ti nyongo ni, ala zia be ti ala na nduzu pepe.

Nzoni Tënë so Luc asu na mbeti 18:1

Jésus atene na ala mbeni toli ti fa na ala atene, ayeke nzoni ala sambela lakue, be ti ala awoko pepe.

Nzoni Tënë so Luc asu na mbeti 18:7

Azo so Nzapa asoro ala si ala yeke toto na lo bi na lâ so, fade lo yeke fâ ya ti ngbanga ti ala pepe? Fade lo yeke ku ngbii si lo mu maboko na ala?

1 Korente 7:21

Mo yeke ando ngbaa si Nzapa airi mo? Mo gi be ti mo daa pepe. Me tongana lege ti sigigi na gbe ti ngbaa ni ayeke daa, ayeke nzoni mo sigigi.

1 Korente 7:32

Mbi ye titene ala gi be ti ala pepe. Koli so amu wali pepe, be ti lo ayeke gi na ndö ti aye ti Kota Gbia, lo yeke gi titene be ti Kota Gbia anzere na lo.

2 Korente 1:11

Ala nga, ala yeke mu maboko na e na lege ti sambela ti ala. Tongaso, fade Nzapa ayeke ma sambela so azo mingi ayeke sambela ndali ti e si lo yeke sara ande nzoni be na e. Ndani laa azo mingi ayeke mu singila na lo ndali ti e.

Efeze 5:20

Ala mu singila lakue na Nzapa Babâ ndali ti aye kue, na iri ti Kota Gbia ti e Jésus Christ.

Efeze 6:18

Na ya ti aye so kue, ala sambela Nzapa titene lo mu na ala maboko; ala sambela na ngoi kue na lege ti Yingo. Ndani laa, le ti ala akpengba, ala sambela ndali ti azo ti Nzapa kue, ala ngba daa lakue.

Kolose 3:15

Ayeke nzoni siriri so alondo na Christ afa lege na ala na ya ti atënë ti be ti ala! Ndali ti siriri so laa Nzapa airi ala kue ti ga tere oko. Ala mu singila na Nzapa.

Kolose 3:17

Atënë so kue ala yeke tene, wala aye so kue ala yeke sara, ala sara ni na iri ti *Kota Gbia Jésus, ala mu singila na Nzapa Babâ na lege ti lo.

Kolose 4:2

Ala ngba lakue ti sambela. Le ti ala akpengba na lege ti sambela ni, ala mu singila na Nzapa.

1 Timothée 2:1

Kozo ye so mbi ye ti mu wango daa ayeke so: ala hunda ye na Nzapa, ala sambela lo, ala voro tere ti ala na lo, ala mu singila na lo ndali ti azo kue.

1 Timothée 5:5

Ti taa wali-mua so lo yeke duti gi lo oko, lo zia be ti lo ti ku Nzapa; lo sambela lakue bi na lâ titene Nzapa amu maboko na lo.

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.

1 Pierre 5:7

Aye so kue ala yeke gi be ti ala daa, ala zia ni kue na maboko ti Nzapa, ngbanga ti so lo laa lo yeke bata ala.

1 Samuel 1:15

Anne akiri tënë na lo: “Babâ, mbi nyon samba oko pepe. Mbi yeke wali so mawa ahon ndö ti mbi. Nilaa mbi yeke fa tënë ti be ti mbi na KOTA GBIA.

1 Samuel 30:6

Be ti David afun kue, ngbanga ti azo aye ti bo lo na têne ti fâ lo. Be ti zo oko oko aso mingi ndali ti amolenge ti lo ti koli na ti wali. Me David awara ngangu ndali ti *KOTA GBIA, Nzapa ti lo.

1 Samuel 7:12

Samuel amu mbeni têne si lo zia ni na popo ti Mispa na ndo so a iri ni Pembe. Lo di iri ti têne ni Eben-Ezer si lo tene: “KOTA GBIA amu maboko na e ngbii asi na ndo so.”