Filipe 4:5 - Mbeti ti Nzapa - Tënë so amu fini

⁵ Ala sara titene azo kue abaa so ala yeke azo ti nzoni be. Kota Gbia aga nduru ti si awe.

Filipe 4:5 Iomraidhean Croise

Matthieu 6:25

“Ndani laa mbi tene na ala: ala gi be ti ala ndali ti fini ti ala pepe wala ndali ti tere ti ala pepe, atene: ‘Fade e yeke te nyen? Fade e yeke nyon nyen? Fade e yeke wara bongo na ndo wa ti yu?’ Fini ti zo ayeke kota ahon kobe pepe? Tere ti zo ayeke kota ahon bongo pepe?

Matthieu 6:34

Tongaso, ala gi be ti ala ndali ti aye ti kekereke pepe: pasi ti kekereke ayeke pasi ti kekereke. Lango oko oko ayeke ga na pasi ti lo wani.

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

1 Korente 16:22

Tongana mbeni zo aye *Kota Gbia pepe, ayeke nzoni a deba lo! Maranata! – Kota Gbia, mo ga! –

1 Korente 6:7

So atënë ti guengo na azo na ngbanga ayeke na popo ti ala so, so afa atene, ala ti biani awe. Tongana azo aye ti sara sioni na ala wala ti nzi aye ti ala, ngbanga ti nyen laa ala ye ti kanga be ti ala daa pepe?

1 Korente 8:13

Ndani laa, tongana tengo mbeni kobe laa asara si ita ti mbi ati, fade mbi yeke zia lege ti tengo nyama biani biani, tongaso si ita ti mbi ati pepe.

1 Korente 9:25

Awanguru kue ayeke ke ambeni ye mingi ti leke tere ti ala ndali ti mandako. Ala yeke sara ni ti wara na peko ni nzoni ye so ayeke buba bubango. Ti e, e yeke sara ni ti wara nzoni ye so ayeke buba ande pepe.

2 Korente 10:1

Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.

2 Tesalonike 2:2

tongana mbeni zo atene, *lango ti Kota Gbia asi awe, li ti ala aga kirikiri hio pepe, ala sara nga mbeto pepe. Ataa azo ni atene, tënë ni alondo na yanga ti Nzapa, wala tënë ni alondo na e, wala e laa e tokua mbeti ni na ala, ala yeda na ni pepe.

Tite 3:2

Alingbi ala tene sioni tënë na iri ti zo pepe, ala papa na zo pepe, ala sara nzoni be na azo; lakue, ala sara ye na azo kue gi na wokongo be.

Ahebro 10:25

E do abongbi ti e, e zia pepe tongana ti so ambeni zo asara; me e mu wango na popo ti e ahon ti kozoni, ngbanga ti so ala baa so, lango ti Christ aga nduru awe.

Ahebro 10:37

Tongana ti so Mbeti ti Nzapa atene: “Ngoi angba gi kete, gi kete kete titene lo so alingbi ti ga so, lo yeke ga; lo yeke ninga pepe.”

1 Pierre 1:11

Yingo ti Christ ayeke na ya ti awayanga-Nzapa si ayeke fa na ala kozoni tënë ti pasi so fade Christ ayeke baa, nga na tënë ti gondango so a yeke gonda lo na peko ti pasi ni. Nilaa, ala gi lege ngangu ti hinga ngoi ti singo ti aye so Yingo ti Christ afa tënë ni na ala; ala gi nga ti hinga aye ni ayeke si ande tongana nyen?

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.

Aye so Nzapa afa 22:20

Zo so atene tënë ti aye so, lo tene, aye ni ayeke taa-tënë; lo tene: “Biani, mbi yeke ga fafadeso!” Amen! Ga, *Kota Gbia Jésus!

Aye so Nzapa afa 22:7

Jésus atene: “Baa, mbi yeke ga fafadeso! Ti lo nzoni, zo so asara ye alingbi na tënë ti peko ti yanga ti Nzapa so a su na ya ti buku so!”