Filipe 4:4 - Mbeti ti Nzapa - Tënë so amu fini

⁴ Ala duti na ngia lakue, ngbanga ti so ala ga oko na *Kota Gbia awe! Mbi kiri mbi tene: ala duti na ngia!

Filipe 4:4 Iomraidhean Croise

Abia (Psaumes) 146:2

Na lango ti fini ti mbi kue, mbi ye ti sepela KOTA GBIA; na ngoi so kue mbi yeke ngba na fini, mbi ye ti he bia na Nzapa ti mbi.

Abia (Psaumes) 33:1

Ala azo ti mbirimbiri, ala dekongo na ngia na *KOTA GBIA! Gondango lo alingbi na azo so sarango ye ti ala ayeke na legeni.

Habakuk 3:18

Ti mbi, mbi yeke na ngia ndali KOTA GBIA, mbi yeke dodo na ngia ndali ti Nzapa, lo so lo soo mbi na kuâ.

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Awatokua 16:25

Nduru na be ti bi, Paul na Silas ayeke sambela si ala yeke he bia ti sepelango Nzapa. Atanga ti azo ti kanga ni ayeke ma ala.

Awatokua 5:41

So awatokua ni asigigi na ya ti Kota Bongbi ti Fango Ngbanga ni, be ti ala asi na ngia, ngbanga ti so Nzapa abaa so ala lingbi na bango pasi ndali ti iri ti Jésus.

Rome 12:12

Ala duti na ngia ngbanga ti ye so ala zia be ti ala ti ku; ala kanga be ti ala na ya ti aye ti pasi; ala zia lege ti sambela pepe.

2 Korente 6:10

Azo azia vundu na be ti e, me e yeke lakue na ngia; azo abaa e tongana azo ti mawa, me e yeke sara titene azo mingi aga azo ti mosoro; azo abaa e tongana azo so ayeke na ye oko pepe, me e yeke na ye kue.

Galasii 1:8

Tongana mbeni zo afa na ala mbeni nzoni tënë nde na ti so e fa na ala kozoni, ataa ayeke e wani wala mbeni *ange so alondo na yayu, ayeke nzoni Nzapa adeba lo!

Filipe 2:18

Ala nga, be ti ala anzere si ala duti na ngia legeoko na mbi!

Filipe 3:1

Tongaso, a-ita ti mbi, na lege ti gango so ala ga oko na *Kota Gbia, ayeke nzoni ala duti na ngia. Titene mbi kiri mbi su na ala atënë so mbi tene kozoni awe so, mbi yeke sara ni senge; so si asara titene ala kpengba.

1 Pierre 4:13

Me ala duti na ngia tongana ala yeke baa pasi tongana ti so Christ abaa ando so. Tongaso, na ngoi so azo ayeke baa ande gonda ti lo, ala nga, be ti ala ayeke si singo na ngia.