Filipe 4:3 - Mbeti ti Nzapa - Tënë so amu fini

³ Ti mo, so mo yeke taa mba ti mbi zo ti kua, mbi hunda na mo titene mo mu maboko na awali use so, ngbanga ti so ala sara kua ngangu na tere ti mbi ti fa Nzoni Tënë na azo, ala na Clément nga na ambeni mba ti mbi, azo ti kua so kue iri ti ala ayeke na ya ti mbeti so a su iri ti azo so ayeke na taa fini daa.

Filipe 4:3 Iomraidhean Croise

Abia (Psaumes) 69:28

Su sioni ti ala na le ti mbeti, kiri mo baa ala tongana azo ti mbirimbiri pepe.

Sigingo 32:32

Ti fadeso, mbi gbu gere ti mo, zi siokpari na li ti azo so! Tongaso pepe, mo zi iri ti mbi na ya ti mbeti ti mo so mo su ni so.”

Ésaïe 4:3

Tongaso, azo so ayeke ngba na Jérusalem na tanga ti azo so angba na fini na *Sion, fade a yeke mu na ala mbeni iri so atene: “Azo so a zia ala nde ndali ti KOTA GBIA”; so ti tene azo so kue KOTA GBIA asu iri ti ala na ya ti mbeti ti lo titene ala duti na fini na Jérusalem.

Ezekiel 13:9

“Mbi yeke fa ngangu ti mbi na awayanga-nzapa so ayeke baa ye na ya ti mbeni ye tongana bango-li si ayeke mvene si bango nda ti aye ti ala ayeke ti handa na azo. Fade ala yeke duti na ya ti bongbi ti azo ti mbi pepe; a yeke su iri ti ala pepe na ya ti mbeti so a su iri ti azo ti Israel na ya ni, gere ti ala ayeke kiri ti do sese ti Israel pepe. Tongaso, fade ala yeke hinga atene, mbi laa mbi yeke Kota Gbia NZAPA.

Daniel 12:1

“*Ange ni akiri atene na mbi: ‘Na ngoi ni kâ, Michel, kota makonzi ti a-ange so ayeke bata azo ti mara ti mo ayeke si. Fade ngoi ni ayeke duti ngoi ti ngangu. Ti londo na ngoi so amara nde abaa gigi ngbii asi na lâ ni kâ, mara ti ngoi so ade ti duti daa laoko pepe. Na ngoi ni so, fade azo ti mara ti mo, ala so a su iri ti ala na mbeti ti fini, ayeke soo kuâ.

Nzoni Tënë so Luc asu na mbeti 10:20

Ayeke nzoni tere ti ala anzere ndali ti so asioni yingo ama yanga ti ala pepe; me tere ti ala anzere, ngbanga ti so a su iri ti ala awe na ya ti mbeti na yayu.”

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

Rome 16:12

Ala bara na mbi Trifene na Trifoze so amu be ti ala kue ti sara kua na Kota Gbia. Ala bara na mbi Perside so mbi ye lo mingi, lo so lo mu be ti lo kue ti sara kua na Kota Gbia.

Rome 16:9

Ala bara na mbi Urben, mba ti e so e na lo, e yeke sara kua ti Christ; lo na Stakis, ita so mbi ye lo mingi.

Filipe 1:12

A-ita, mbi ye titene ala hinga atene, ye so asi na mbi, asara si Nzoni Tënë ague gi guengo na dawa.

Filipe 1:16

Ala so ayeke fa tënë ni na nzoni be, ngbanga ti so ala ye mbi si ala hinga atene, Nzapa laa amu mbi titene mbi gbu koko ti Nzoni Tënë.

Filipe 1:27

Gi ye oko, ayeke nzoni lege ti dutingo ti ala alingbi na ti so Nzoni Tënë ti Christ afa. Tongaso, ataa mbi ga, mbi baa ala, ataa mbi ga pepe, me mbi ma atënë ti ala, fade mbi yeke hinga, mbi tene, ala ngba ti luti nganganga, tënë ti be ti ala kue ayeke gi oko si ala bongbi oko ti tiri ndali ti mabe so aga na lege ti Nzoni Tënë.

Filipe 1:5

ndali ti so ala mu na mbi maboko, ti londo na lango so mbi to nda ti fango Nzoni Tënë ngbii asi fadeso.

Filipe 1:7

So ayeke na legeni titene be ti mbi angba na ndö ti ala, ngbanga ti so tënë ti ala agbu be ti mbi mingi. Biani, ala kue awara nga aye so Nzapa amu na mbi na lege ti nzoni be ti lo, ataa fadeso mbi yeke na da ti kanga, wala na ngoi so mbi yeke lani na da ti kanga pepe si mbi yeke gbu koko ti Nzoni Tënë titene azo ama na be na ni na be ti ala kue.

Filipe 4:2

Mbi hunda mingi na Évodie nga na Sentish titene ala ma tere ndali ti gango so ala ga oko na *Kota Gbia.

Kolose 1:7

Epafras, mba ti e zo ti kua so e ye lo mingi afa tënë so na ala; lo yeke nga taa zo ti kua ti Christ ndali ti ala.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Aye so Nzapa afa 17:8

Nyama so mo baa lo so ayeke ando na fini, me lo yeke na fini mbeni pepe. Lo yeke londo ande na ya ti *kota du so alinda mingi si lo yeke sigigi titene a buba lo biani biani. Fade li ti azo ti sese ayeke kpe na bango nyama ni, so ti tene azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa. Biani, nyama ni ayeke ando na fini, me fadeso lo yeke na fini mbeni pepe; fade lo yeke kiri ti ga.

Aye so Nzapa afa 20:12

Na pekoni, mbi baa akuâ, akete ni na akota ni, ala yeke luti na dawa ti mbata ti gbia ni. A zi abuku si a zi mbeni buku nde: mbeti so a su iri ti azo so ayeke na taa fini daa. A fâ ngbanga na li ti akuâ alingbi na ye so ala sara tongana ti so a su tënë ni na ya ti abuku ni so.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Aye so Nzapa afa 21:27

Mbeni ye ti *sioni oko ayeke li na ya ti gbata so pepe, ataa zo ti sarango aye ti sioni so zo alingbi ti baa na le ti lo fani use pepe, ataa zo ti mvene, ayeke li daa pepe. Me gi azo so iri ti ala ayeke na ya ti mbeti ti Molenge ti Taba, mbeti so a su iri ti azo so ayeke na taa fini daa, ala laa ayeke li na ya ti gbata ni.

Aye so Nzapa afa 3:5

“Zo so aso benda, fade lo yeke yu vuru bongo. Fade mbi yeke zi iri ti lo pepe na ya ti mbeti so a su iri ti azo so ayeke na taa fini daa. Mbi yeke tene polele na le ti Babâ ti mbi na ti a-ange ti lo mbi tene, lo yeke zo ti mbi.