Filipe 4:18 - Mbeti ti Nzapa - Tënë so amu fini

¹⁸ Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

Filipe 4:18 Iomraidhean Croise

Sigingo 29:18

Mo yeke gbi koli-taba ni kue na wâ na ndö ti gbalaka. So ayeke *sandaga so a gbi ni kue na wâ ndali ti mbi KOTA GBIA, sandaga so a gbi ni kue na wâ si fion ni anzere na mbi KOTA GBIA.

Wungo ti azo 15:3

na ndembe so ala yeke ya *sandaga na KOTA GBIA, ataa sandaga so a yeke gbi ni kue na wâ, ataa sandaga ndali ti zendo so ala mu, wala sandaga so ala mu na be ti ala wani, wala sandaga so ala yeke mu na lango ti sarango amatanga ti ala, ala yeke soro bagara, ngasa wala taba ndali ti asandaga ni. So laa fion ni ayeke nzere na KOTA GBIA.

Wungo ti azo 7:62

Lo mu kopo ti lôro oko so nengo ni ayeke grame 100, dukani asi ya ti kopo ni.

Awatokua 10:4

Le ti Corneille angba gi na ndö ti ange ni; mbeto asara lo si lo tene: “Nyen, *Kota Gbia?” Ange ni akiri tënë na lo: “Asambela ti mo na aye ti nzoni so mo sara na azo ti mawa so, Nzapa aye tënë ni, be ti lo agirisa na ni pepe.

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

2 Korente 11:8

Mbi hunzi aye kue ti ambeni *Eglize nde na lege so a-Eglize ni afuta mbi si mbi sara kua na popo ti ala, azo ti Korente.

2 Korente 9:12

Ye so ala bongbi so ayeke gi ndali ti mungo maboko na azo ti Nzapa so ye atia ala so pepe, me ayeke nga ti sara si azo mingi amu singila na Nzapa ndali ni.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Filipe 4:12

Mbi hinga lege ti duti na ya ti mawa, mbi hinga nga lege ti duti na ye mingi. Na ndo kue, na ndembe kue, mbi hinga ti duti na ngia, ataa ya ti mbi asi wala mbi duti na nzara, ataa mbi yeke na gba ti ye wala ye atia mbi.

2 Tesalonike 1:3

A-ita, alingbi e ngba ti mu singila lakue na Nzapa ndali ti ala. So ayeke na legeni, ngbanga ti so mabe ti ala ayeke gue lakue na nduzu si yengo so ala ye tere na popo ti ala ayeke mai lakue.

Ahebro 13:16

Ala girisa ti sara nzoni be na azo pepe, ala girisa ti mu maboko na amba ti ala na popo ti ala pepe; amara ti asandaga tongaso laa anzere na be ti Nzapa.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.