Filipe 4:12 - Mbeti ti Nzapa - Tënë so amu fini

¹² Mbi hinga lege ti duti na ya ti mawa, mbi hinga nga lege ti duti na ye mingi. Na ndo kue, na ndembe kue, mbi hinga ti duti na ngia, ataa ya ti mbi asi wala mbi duti na nzara, ataa mbi yeke na gba ti ye wala ye atia mbi.

Filipe 4:12 Iomraidhean Croise

Néhémie 9:20

Mo mu na ala nzoni yingo titene ala wara hingango ndo; mo mu na ala *mane ti tengo ni lakue, mo mu na ala ngu ti nyon.

Ésaïe 8:11

*KOTA GBIA agbu mbi ngangu si lo mu na mbi wango titene mbi sara ye tongana ti azo so pepe. Tënë so lo tene na mbi ayeke so:

Jérémie 31:19

Taa-tënë, e hon lani yongoro na tere ti mo, me fadeso e zia lege ni awe. E hinga sioni ti e awe, fadeso e zia maboko na go ti e, kamene ahon ndö ti e si e ga buba ndali ti ye so e sara na ndembe so e de maseka; ye ti peko ni laa e wara awe so.’ ”

Matthieu 11:29

Ala yeda ti yo *zuge ti mbi, ala manda ye so mbi fa na ala, ngbanga ti so mbi yeke zo so mbi yeke sara ngangu na zo pepe si mbi yeke gi kota ndo pepe. Fade ala yeke wara lege ti wu tere ti ala.

Matthieu 13:52

Lo tene na ala: “So ti tene, wafango-ndia so ahinga ye na ndö ti *Kodro-gbia ti yayu awe, lo yeke tongana mbeni wa ti da so ayeke mu afini mosoro na angbene ni kue na ya ti gogoro ti lo ti sigigi na ni.”

2 Korente 10:1

Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.

2 Korente 10:10

Biani, ambeni zo atene: “Atënë ti ya ti ambeti ti Paul ane mingi si ayeke nga ngangu mingi; me tongana Paul ayeke na popo ti e, lo yeke na ngangu pepe si tënë ti yanga ti lo ayeke ye oko pepe.”

2 Korente 11:27

Mbi sara angangu kua mingi, aye ti ngangu asi na mbi mingi, lege mingi lango akpe na le ti mbi; nzara ti kobe na ti ngu asara mbi; lege mingi mbi lango nzara; lege mingi de asara mbi, bongo atia mbi.

2 Korente 11:7

So mbi sara tere ti mbi kete ti fa Nzoni Tënë ti Nzapa na ala gi senge senge ti sara si ala ga akota zo so, andaa sioni laa mbi sara so?

2 Korente 11:9

Na ngoi so mbi yeke lani na popo ti ala kâ, tongana mbeni ye atia mbi, mbi te ye ti mbeni zo senge senge pepe. A-ita so alondo na Masedoane si aga, ala mu na mbi aye so kue alingbi na mbi. Na ya ti aye kue, mbi bata tere ti mbi titene mbi ga tongana kungba na ndö ti zo oko pepe, mbi yeke ngba ti bata tere ti mbi lakue tongaso.

Ndia ti fani use ni 32:10

KOTA GBIA awara azo ti Israel na benyama, na ndo so zo ayeke daa pepe, na ndo so a yeke ma gi toto ti *anzagua daa. Lo gbu ala na kate ti lo, lo bata ala nzoni, lo bata ala tongana mboma ti le ti lo.