Filipe 4:11 - Mbeti ti Nzapa - Tënë so amu fini

¹¹ Ndali ti so mbeni ye atia mbi si mbi yeke tene tënë tongaso? Oko pepe. Mbi hinga ti zia be ti mbi gi na ndö ti ye so mbi yeke na ni.

Filipe 4:11 Iomraidhean Croise

Tongo nda ti aye 28:20

Jacob amu zendo, atene: “Tongana Nzapa ayeke na mbi si lo bata mbi na lege so mbi yeke tambula daa so, tongana lo mu na mbi kobe ti tengo ni na abongo ti yungo ni,

Sigingo 2:21

Moïse ayeda ti ngba na ndo ti Zetro. Zetro amu Sefora, molenge ti lo ti wali, ti ga wali ti Moïse.

Nzoni Tënë so Luc asu na mbeti 3:14

Aturugu nga ahunda lo, atene: “Ti e, nyen laa e lingbi ti sara?” Lo tene na ala: “Ala sara ngangu na azo pepe ti mu nginza ti ala, ala tene nga tënë ti mvene na li ti azo pepe ti mu nginza ti ala, me ala zia be ti ala gi na ndö ti futa ti ala.”

2 Korente 11:27

Mbi sara angangu kua mingi, aye ti ngangu asi na mbi mingi, lege mingi lango akpe na le ti mbi; nzara ti kobe na ti ngu asara mbi; lege mingi mbi lango nzara; lege mingi de asara mbi, bongo atia mbi.

2 Korente 6:10

Azo azia vundu na be ti e, me e yeke lakue na ngia; azo abaa e tongana azo ti mawa, me e yeke sara titene azo mingi aga azo ti mosoro; azo abaa e tongana azo so ayeke na ye oko pepe, me e yeke na ye kue.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

2 Korente 9:8

Nzapa ayeke na ngangu ti mu na ala mara ti anzoni ye kue ahon ndoni. Tongaso, ala yeke na ye lakue so alingbi na ala si ala yeke nga na mbeni na ndö ni ti sara na anzoni kua kue.

Filipe 3:8

Biani, mbi baa aye so kue ayeke abuba ye tongana mbi haka ni na hingango Jésus Christ, *Kota Gbia ti mbi. Ti hinga Jésus ayeke nzoni ahon ye kue. Ndali ti lo laa mbi zia aye ti mbi kue abuba; mbi baa aye ni kue tongana zende titene mbi wara Christ

Ahebro 10:34

Biani, ala kangbi mawa ti azo so abaa pasi na da ti kanga, ala yeda na nzoni be titene azo amu aye ti ala na ngangu. Ala sara tongaso, ngbanga ti so ala hinga atene, ala yeke na mosoro so ayeke nzoni ahon ndoni si ayeke ngba lakue lakue.