Filipe 3:9 - Mbeti ti Nzapa - Tënë so amu fini

⁹ si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

Filipe 3:9 Iomraidhean Croise

Tongo nda ti aye 7:23

Lege so KOTA GBIA ahunzi aye so kue ayeke na fini na ndö ti sese laa: azo, anyama ti kodro, anyama so ayeke hara harango, na andeke kue. Ala kue ahunzi. Gi Noe na ala so ayeke na tere ti lo na ya ti mangboko ni laa angba.

1 Agbia 8:46

“Tongana azo ti Israel asara siokpari so ake mo – ngbanga ti so mbeni zo so asara siokpari pepe ayeke daa pepe – tongana mo sara ngonzo na tere ti ala si mo zia ala na maboko ti awato ti ala titene awato ti ala ni agbu ala, ague na ala na mbeni kodro so ayeke yongoro, wala so ayeke nduru,

2 Mbai 32:25

Me Ezekias ahinga pepe nzoni so KOTA GBIA asara na lo. Baba ahon ndö ti lo si ndali ti baba ni, lo sara si ngonzo ti KOTA GBIA ati na ndö ti lo, na ndö ti kodro-gbia ti Juda nga na ndö ti gbata ti Jérusalem.

2 Mbai 32:31

Me tongana amakonzi ti Babilone atokua azo na Ezekias titene ala hunda tënë ti ye ti dongo be so asi na ya ti kodro ti lo, Nzapa ado Ezekias azia lo ti tara be ti lo, tongaso si lo hinga ye so kue ayeke na be ti Ezekias.

Abia (Psaumes) 14:3

Ala kue agirisa nzoni lege awe, ala kue aga sioni legeoko; zo oko ti sara nzoni ayeke daa pepe, ataa oko ayeke daa pepe.

Abia (Psaumes) 143:2

Mbi yeke zo ti kua ti mo, fâ ngbanga na li ti mbi pepe, ngbanga ti so na le ti mo, zo ti mbirimbiri ayeke daa pepe.

Abia (Psaumes) 19:12

Atënë ni azi nga le ti mbi, zo ti kua ti mo; zo ayeke wara ye mingi na lege ti batango atënë ni.

Zo ti bongbingo azo 7:20

Biani, na ndö ti sese so, mbeni zo ti mbirimbiri oko ayeke daa pepe, so lo yeke sara gi nzoni si lo sara siokpari pepe.

Ésaïe 46:13

Mbi yeke sara titene mbirimbiri ti mbi aga; akiri angba yongoro pepe. Tënë ti songo zo na kuâ aga nduru awe. Mbi yeke ga na tënë ti songo zo na *Sion. Biani, mbi yeke ga na ye so ayeke pendere mingi na Israel.

Ésaïe 53:11

Ndali ti pasi so lo baa, fade lo yeke baa lumiere; ndali ti hingango ye ti lo, lo yeke te gigi aninga. Zo ti kua ti mbi so ayeke zo ti mbirimbiri ayeke sara ande si gba ti azo aga azo ti mbirimbiri, ngbanga ti so lo yo sioni ti ala.

Ésaïe 53:6

E kue, e yeke lani tongana ataba so akangbi kirikiri, zo oko oko amu lege ti lo wani. Me KOTA GBIA asara si asioni ti e kue ati na ndö ti lo.

Ésaïe 6:5

Tongaso mbi tene: “Mawa na mbi, mbi kui awe! Mbi yeke zo so tënë ti yanga ti mbi ayeke *sioni, mbi yeke lango na popo ti azo so tënë ti yanga ti ala ayeke *sioni. Mbi baa na le ti mbi wani Gbia, KOTA GBIA so ayeke na ndö ti dunia kue.”

Jérémie 23:6

Na ngoi ti lo, fade a yeke soo kodro-gbia ti Juda, mbeni ye ti sioni ti si na Israel ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’

Jérémie 33:16

Na lango ni so, fade a yeke soo kodro-gbia ti Juda si mbeni ye ti sioni ti si na Jérusalem ayeke duti daa pepe. Iri so fade azo ayeke iri na lo laa: ‘KOTA GBIA ayeke mbirimbiri ti e.’ ”

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Matthieu 9:13

Ala gue, agi ti hinga nda ti tënë so atene: ‘Mbi ye si zo abaa mawa ti amba ti lo, me mbi ke tënë ti *sandaga ti anyama.’ Mbi ga ti iri azo ti mbirimbiri pepe, me mbi ga ti iri azo ti siokpari.”

Rome 1:17

Biani, Nzoni Tënë ni afa na le ti azo lege so Nzapa asara titene azo aga mbirimbiri na le ti lo: gi na lege ti mabe, na tongo ndani ngbii asi na ndani, tongana ti so Mbeti ti Nzapa atene: “Zo so aga mbirimbiri na lege ti mabe, fade lo yeke duti na fini.”

Rome 10:10

Biani, tongana zo ama na be, lo ga mbirimbiri; tongana lo tene tënë ni na yanga ti lo, lo yeke soo kuâ.

Rome 16:7

Ala bara na mbi Andronikus na Yunias; ala yeke azo ti sewa ti mbi so lani mbi na ala e yeke na da ti kanga; ala yeke *awatokua ti Christ so azo ahinga ala nzoni mingi, ala yeke azo so amu tere ti ala na Christ kozo ti mbi.

Rome 5:21

Siokpari ayeke lani na ngangu na ndö ti kuâ; legeoko nga, nzoni be ti Nzapa ayeke na ngangu ti mu fini so angba lakue lakue na lege ti Jésus Christ, *Kota Gbia ti e.

Rome 8:1

Fadeso, azo so aga oko na Jésus Christ awe, ngbanga ayeke na li ti ala mbeni pepe.

Rome 8:3

Ndia ti Moïse alingbi ti sara ye so lani pepe, ngbanga ti so aye so atia na ya ti fini ti zo akanga lege na ndia ti sarango ni, me Nzapa asara ni: lo tokua Molenge ti lo wani so amu tere ti zo – tere so ayeke tongana ti zo ti siokpari – titene lo zi azo na ya ti siokpari. Na lege so, Nzapa afâ ngbanga na ndö ti siokpari so ayeke sara kua na ya ti tere ti zo.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

2 Korente 5:17

Tongaso, tongana mbeni zo aga oko na Christ, lo ga fini zo awe; ngbene ye ahon awe, fini ye asi.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Galasii 2:16

Me ye so e hinga ayeke so: zo aga mbirimbiri na le ti Nzapa gi na lege so lo ma na be na Jésus Christ, me sarango ye alingbi na *Ndia pepe. E nga, e ma na be na Jésus Christ awe, e ga mbirimbiri na le ti Nzapa na lege ti mabe; sarango ye alingbi na Ndia laa asara si e ga mbirimbiri pepe. Biani, sarango ye alingbi na Ndia laa asara si zo oko aga mbirimbiri na le ti Nzapa pepe.

Ndia ti fani use ni 27:26

‘Deba aga na ndö ti zo so ayeke baa atënë ti ndia ti Nzapa tongana senge ye si lo yeke sara ye alingbi na ni pepe!’ Fade azo kue ayeke kiri tënë, atene: ‘Amen!’ ”

Filipe 3:6

Na lege ti sarango kua ti Nzapa, mbi mu ando be ti mbi kue daa si mbi sara pasi na azo ti *Eglize mingi. Na lege ti batango ndia ti ga mbirimbiri na legeni, zo ayeke wara mbeni tënë ti bi na li ti mbi pepe.

2 Timothée 1:9

Nzapa asoo e na kuâ, lo iri e ti ga azo so lo zia e nde ndali ti lo si e yeke nzoni kue. Mbeni ye ti nzoni so e sara titene lo soo e si lo iri e ndali ni ayeke daa pepe, me lo sara ni ndali ti so lo leke na be ti lo wani awe na lege ti nzoni be ti lo. Kozoni titene aye kue abaa gigi, Nzapa aleke na be ti lo ti sara nzoni be na e na lege ti Jésus Christ.

Tite 3:5

lo soo e na kuâ. Mbeni ye ti nzoni so e wani, e sara na lege ti mbirimbiri ti e titene lo soo e ndali ni ayeke daa pepe, me lo soo e, ngbanga ti so lo baa mawa ti e. Lo soo e, lo sukula e na lege ti Yingo-Vuru so asara si e ga fini zo si e wara fini kode ti dutingo ni.

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

Jacques 3:2

E kue, e yeke girisa lege fani mingi. Tongana mbeni zo agirisa lege na ya ti tenengo tënë ti lo pepe, andaa lo yeke zo ti nzoni kue, lo lingbi ti kanga tere ti lo kue.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

1 Jean 3:4

Zo so kue ayeke sara siokpari, lo ke ndia ti Nzapa awe, ngbanga ti so sarango siokpari ayeke kengo ndia.