Filipe 3:7 - Mbeti ti Nzapa - Tënë so amu fini

⁷ Me aye so kue mbi yeke wara nzoni ando daa, mbi baa ni fadeso tongana buba ye ndali ti Christ.

Filipe 3:7 Iomraidhean Croise

Tongo nda ti aye 19:17

So ala sigigi na lo awe, ala tene na lo: “Kpe, mo hon! Tongaso si mo soo fini ti mo. Mo baa ndo na peko ti mo pepe! Mo luti na mbeni ndo na lando ni so pepe! Mo kpe, mo gue na ndö ti hoto! Tongaso si mo kui pepe.”

Tongo nda ti aye 19:26

Wali ti Lot abaa ndo na peko si lo ga ngbongboro ingo.

Mbeti ti Job 2:4

Me Satan akiri tënë na KOTA GBIA: “Ayeke na legeni. Zo kue ayeke mu ye ti kiri ti wara ye na pekoni. Ye so kue zo ayeke na ni, lo yeke mu ni ti soo na fini ti lo.

Amato 13:8

Mosoro ti zo alingbi ti soo fini ti lo; me ti wayere, mbeni zo ti gi lege ti sara sioni na lo ayeke daa pepe.

Amato 23:23

Gi lege ti tene taa-tënë, ti wara ndara, nzoni wango na hingango ndo. Tongana mo wara ni awe, alingbi mo buba ni kirikiri pepe.

Zo ti bongbingo azo 3:6

Ngoi ti gingo ye ayeke daa, ngoi ti girisango ye ayeke daa; ngoi ti batango ye ayeke daa, ngoi ti bingo ye ayeke daa.

Matthieu 16:26

Tongana zo awara aye ti dunia so kue si lo girisa fini ti lo, nzoni ye ti nyen laa lo yeke wara na peko ni? Nyen laa zo alingbi ti mu ti vo na fini ti lo?

Marc 10:50

Tongaso lo bi kota bongo ti lo ti de, lo huru lo luti na ndö ti gere ti lo si lo ga na tere ti Jésus.

Nzoni Tënë so Luc asu na mbeti 14:26

“Tongana zo aga na mbi, alingbi lo ye mbi ahon babâ ti lo, mama ti lo, wali ti lo, amolenge ti lo, a-ita ti lo ti koli na ti wali nga na tere ti lo wani si lo duti disiple ti mbi.

Nzoni Tënë so Luc asu na mbeti 14:33

Legeoko tongaso, na popo ti ala, zo so azia aye ti lo kue pepe, lo lingbi ti duti disiple ti mbi pepe.”

Nzoni Tënë so Luc asu na mbeti 16:8

Kota zo ni agonda ndombe ti nzi so, ngbanga ti so lo sara ye ti lo na kode. Taa-tënë, azo ti dunia so ayeke sara ye na kode na amba ti ala, ahon azo ti Nzapa so ayeke na ya ti lumiere.”

Awatokua 27:38

So ala kue ate kobe si ya ti ala asi awe, ala mu tanga ti ale ti *ble ni atuku na ya ti ngu titene mangboko ni ayapu.

Ahebro 11:26

Moïse atene na be ti lo atene, titene azo abaa ni tongana buba zo, tongana ti so ala sara na *Mesii, so ayeke kota ye mingi ahon amosoro ti kodro ti Ezipte. Moïse asara tongaso ndali ti so le ti lo angba na ndö ti futa so lo yeke wara ande.