Filipe 3:6 - Mbeti ti Nzapa - Tënë so amu fini

⁶ Na lege ti sarango kua ti Nzapa, mbi mu ando be ti mbi kue daa si mbi sara pasi na azo ti *Eglize mingi. Na lege ti batango ndia ti ga mbirimbiri na legeni, zo ayeke wara mbeni tënë ti bi na li ti mbi pepe.

Filipe 3:6 Iomraidhean Croise

2 Samuel 21:2

Gbia airi azo ti Gabaon ti tene tënë na ala. Azo ti Gabaon ayeke azo ti Israel pepe; me ala yeke tanga ti azo ti Amori so angba na fini. Azo ti Israel adeba yanga ti ala lani ti bata fini ti azo ti Gabaon. Me Saul, so tënë ti azo ti Israel na ti Juda agbu be ti lo ahon ndoni agi lege ti fâ azo ti Gabaon ti hunzi ala.

2 Agbia 10:16

Yehu atene na Yonadab: “Ga na tere ti mbi, fade mo yeke baa nzara ti *KOTA GBIA so ayeke gbi na be ti mbi.” Yehu amu lo na tere ti lo na ya ti pusu ti mbarata ti lo si ala gue legeoko na tambula ni.

Zo ti bongbingo azo 7:16

Mo sara ye ti mbirimbiri ahon ndoni pepe, mo baa tere ti mo tongana zo ti ndara ahon ndoni pepe. Ngbanga ti nyen si mo yeke fâ tere ti mo senge senge?

Awayango-sandaga 13:16

Tongana ndo so kasa ti tere ti zo ni asigigi daa akiri aga vuru ni, fade lo yeke gue na ndo ti wayango-sandaga;

Matthieu 23:25

“Mawa na ala, awafango-ndia, ala na afarizien! Tënë ti yanga ti ala ayeke nde na sarango ye ti ala! Ala yeke sukula tere ti akopo na asembe ti ala, me na ya ti akopo na asembe ni, gi aye ti nzi na aye ti kota be laa asi singo daa.

Matthieu 5:20

Mbi tene na ala: tongana ala sara ye ti mbirimbiri ahon ti awafango-ndia na ti *afarizien pepe, fade ala yeke li na ya ti Kodro-gbia ti yayu pepe.”

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Awatokua 21:20

So ala ma tënë ti lo awe, ala gonda Nzapa. Na pekoni, ala tene na Paul: “Ita, mo baa, azuife saki na saki ama na be si ala mu be ti ala kue ti bata *Ndia ti Moïse.

Awatokua 22:5

Kota wayango-sandaga na bongbi ti *akangba kue alingbi ti fa so, tënë so mbi yeke tene ayeke taa-tënë. Ala laa amu na mbi lani ambeti so ala tokua na a-ita, azuife ti Damas. Nilaa mbi gue kâ ti gbu azo ni ti kanga ala na zingiri ti kiri na ala na Jérusalem titene a sara pasi na ala.”

Awatokua 26:5

Azuife ahinga mbi aninga awe. Tongana ala ye, ala lingbi ti tene na mo so mbi yeke ando mbeni zo ti bongbi ti *afarizien, bongbi ti azo ti vorongo Nzapa ti e so ayeke bata ndia ahon tanga ti azo kue.

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

Rome 7:9

Ando, so mbi de ti hinga Ndia pepe, mbi yeke na fini; me so mbi hinga tënë ti ndia awe, siokpari awara lege ti duti na fini

1 Korente 10:32

Na lege ti sarango ye ti ala, ala sara si mbeni zuife, wala mbeni zo ti mbeni mara nde, wala mbeni zo ti *Eglize ti Nzapa ati pepe.

1 Korente 15:9

Biani, mbi yeke kete ahon awatokua kue; mbi lingbi nga titene a iri mbi watokua pepe, ngbanga ti so mbi sara ngangu na azo ti *Eglize ti Nzapa.

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

Filipe 3:9

si mbi na lo, e ga oko. Batango ndia ti ga mbirimbiri, so laa amu lege na mbi ti ga oko na Christ pepe, me mbi ga oko na Christ na lege ti mabe. Nzapa laa ayeke mu na zo lege ti gango mbirimbiri tongana zo ni ama na be.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

Awafango-ngbanga 6:30

Tongaso azo ti gbata ni atene na Yoash: “Ga na molenge ti mo ni; lo lingbi na kuâ, ngbanga ti so lo kungbi gbalaka ti Baal na sese si lo de keke so a leke aluti na nduzu ndali ti Ashera si ayeke na tere ni.”