Filipe 3:5 - Mbeti ti Nzapa - Tënë so amu fini

⁵ Mbi yeke taa zo ti mara ti Israel, zo ti mara ti Benjamin, akotara ti mbi kue ayeke azuife. Lango miombe na peko ti so a du mbi, a fâ mbi na ganza. Na lege ti batango ndia, mbi yeke taa *farizien.

Filipe 3:5 Iomraidhean Croise

Tongo nda ti aye 14:13

Mbeni zo akpe na maboko ti azo ni si lo ga lo tene tënë ni na Abram, zo ti mara ti Hebro so ayeke duti na ndo so akeke ti shene ti Mamre ayeke daa. Mamre ayeke zo ti mara ti Amori. Lo yeke ita ti Eshekol na Aner. Ala na Abram ayeke *ambuki.

Tongo nda ti aye 17:12

Fade a yeke fâ amolenge ti ala ti koli kue na ganza lango miombe na peko ti dungo ala. Ala sara tongaso na lege ti molongo ti dungo azo ni oko oko kue. Angbaa ti ala so a du ala na da ti ala, na ala so a vo ala vongo na nginza si ala yeke azo ti mara ti ala pepe so, alingbi a fâ nga ala na ganza.

Tongo nda ti aye 40:15

Biani, a gbu mbi na ngangu na kodro ti ahebro si a ga na mbi ge. So mbi yeke ge so, mbi sara nga mbeni ye oko pepe si a bi mbi na da ti kanga so.”

Tongo nda ti aye 41:12

Mbeni maseka-koli so mara ti lo ayeke hebro si lo yeke sara kua na gbe ti makonzi ti aturugu ni, ayeke lani na tere ti e. E fa na lo peko ti abango-li ti e si lo fa na zo oko oko nda ti bango-li ti lo.

Jonas 1:9

Jonas akiri tënë na ala, atene: “Mara ti mbi ayeke hebro; mbi yeke voro KOTA GBIA, Nzapa so ayeke na yayu, lo so asara kota ngu-ingo nga na sese.”

Nzoni Tënë so Luc asu na mbeti 1:59

Lango miombe na pekoni, ala ga ti fâ molenge ni na *ganza. Ala ye ti mu na lo iri ti babâ ti lo Zakarii,

Nzoni Tënë so Luc asu na mbeti 2:21

Lango miombe na pekoni, ala fâ molenge ni na *ganza si ala di iri ti lo Jésus. So ayeke iri so *ange afa kozoni si a mu ngo ti lo.

Nzoni Tënë so Luc asu na mbeti 5:38

Me alingbi atuku fini vin na ya ti fini bozo.

Awatokua 22:3

“Mbi yeke zuife, a du mbi na Tarse, na sese ti Silisii, me mbi kono ge na Jérusalem na gbe ti wafango-ye Gamaliel. Mbi manda ti bata lege ti ndia ti akotara ti e mbirimbiri si nzara ti mbi kue ayeke ti sara kua ti Nzapa tongana ti so ala kue ayeke sara ni laso.

Awatokua 23:6

So Paul ahinga atene, ambeni zo ni ayeke *asadusien si ambeni ayeke *afarizien, lo dekongo na azo ti Kota Bongbi ti Fango Ngbanga ni, lo tene: “A-ita, mbi yeke farizien, mbi yeke molenge ti afarizien. Ndali ti so mbi yeke zia be ti mbi ti ku zingongo ti akuâ si a ga na mbi na gbe ti ngbanga so.”

Awatokua 6:1

Na ya ti alango ni so, wungo ti adisiple ayeke gue na nduzu. Azuife so ayeke tene yanga ti greke ayeke pa ala so ayeke tene yanga ti hebro, ngbanga ti so azuife so ayeke tene yanga ti hebro ayeke girisa awali-mua ti azuife so atene yanga ti greke na ndembe ti kangbingo ye ti lango oko oko.

Rome 11:1

Mbi hunda ndo, mbi tene: Nzapa ake azo ti lo awe? Oko pepe! Mbi wani, mbi yeke nga zo ti Israel, mbi yeke *hale ti Abraham, zo ti mara ti Benjamin.

2 Korente 11:22

Azo ni ayeke azo ti mara ti Hebro? Mbi nga! Ala yeke azo ti mara ti Israel? Mbi nga! Ala yeke *ahale ti Abraham? Mbi nga!

1 Samuel 4:6

Azo ti Filistii ama dekongo ni si ala tene: “Nda ti dekongo na ya ti bâbâ ti azo ti Israel so aye ti tene nyen?” Na pekoni, ala hinga atene, sanduku ti mbuki ti KOTA GBIA asi na ya ti bâbâ ti azo ti Israel awe.