Filipe 3:2 - Mbeti ti Nzapa - Tënë so amu fini

² Ala sara hange na azo ti sarango sioni kua! Ala sara hange na ambo so! Ala sara hange na azo so afâ mbirimbiri *ganza pepe so!

Filipe 3:2 Iomraidhean Croise

Abia (Psaumes) 119:115

Ala azo ti sarango sioni, ala hon yongoro na tere ti mbi, tongaso si fade mbi yeke sara ye alingbi na atënë ti ndia ti Nzapa ti mbi.

Abia (Psaumes) 22:16

Lege ti go ti mbi ahole kasakasa tongana fango ta ti sese, be ti mbi ahole kue na nzara ti ngu. Mo zia mbi na yanga ti du ti kuâ awe.

Abia (Psaumes) 22:20

Ti mo, KOTA GBIA, mo ngba yongoro na mbi pepe! Mo so mo yeke ngangu ti mbi, mo ga hio, mo mu maboko na mbi!

Amato 26:11

Zo ti buba so akiri na ndö ti asarango ye ti buba ti lo, lo yeke tongana mbo so akiri ti te kobe so lo de ni na sese awe.

Matthieu 24:10

Na ngoi ni so, azo mingi ayeke zia lege ti mabe ti ala; ala yeke ka amba ti ala na popo ti ala si ala yeke ke tere na popo ti ala.

Matthieu 7:15

“Ala sara hange na awayanga-Nzapa ti mvene! Awayanga-Nzapa ni ayeke yu poro ti tere ti taba si ayeke ga na popo ti ala. Andaa ala yeke taa asioni mbo ti ngonda.

Matthieu 7:6

“Ye so a zia ni nde ndali ti Nzapa, ala bi ni na ambo pepe, ngbanga ti fade ambo ni ayeke kiri na tere ti ala ti te ala. Ala tuku alenge ti ala na anguru pepe, ngbanga ti fade anguru ni ayeke do ni na gere ti ala.”

Rome 2:28

Ye so azo ayeke baa wala ka ti ganza so ayeke na tere ti zo, so laa ayeke sara si zo aga taa zuife pepe;

2 Korente 11:13

Azo ni so ayeke awatokua ti mvene; ala yeke tene mvene na ndo ti kua so ala yeke sara si ala yeke sara tere ti ala tongana awatokua ti Christ.

Galasii 5:13

Ala a-ita, Nzapa airi ala titene ala sigigi na gbe ti ngbaa. Gi ye oko, ayeke nzoni sigingo na gbe ti ngbaa ni aga mbeni ye titene ala luti na ndö ni ti sara aye alingbi na asioni nzara ti be ti ala pepe. Me na lege ti ndoye, ala sara kua na amba ti ala na popo ti ala.

Galasii 5:15

Me tongana ala yeke sara ye tongana ti anyama, ala yeke suru tere ti ala si ala yeke te tere na popo ti ala, ala sara hange: tongaso pepe, ala yeke fâ tere ti ala kue!

Galasii 5:6

Biani, tongana zo aga oko na Jésus Christ, ataa zo ni afâ ganza wala lo fâ ganza pepe, so kota ye ni laa pepe! Kota ye ni ayeke titene zo aduti na mabe so ayeke sara titene lo ye amba ti lo.

Filipe 3:19

Lege ti kuâ laa ala yeke gue daa so. Nzapa ti ala ayeke gi ya ti ala, ye so ayeke zia kamene na le ti azo ni so, ala yeke wara ti ala gonda daa. Ala zia be ti ala kue gi na ndö ti aye ti dunia so.

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

1 Timothée 1:19

mo bata mabe nzoni, mo duti na be so sioni ye oko ayeke daa pepe. Ambeni zo ake ti bata be ti ala nzoni, nilaa mabe ti ala ati.

Tite 1:16

Ala tene na yanga ti ala atene, ala hinga Nzapa, me ye so ala yeke sara afa so, ala bere tënë ti lo awe. Ala yeke azo so sioni ti ala ahon ndoni, azo ti ngangu li, ala lingbi ti sara nzoni ye oko pepe.

2 Pierre 2:22

Ye so asi na ala alingbi na toli so ayeke taa-tënë; toli ni atene: “Mbo akiri na tere ti kobe so lo de na sese awe” si “nguru so a sukula lo fafadeso, akiri ati na ya ti potopoto.”

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.

Aye so Nzapa afa 2:9

Mbi hinga so mo yeke na ya ti ye ti ngangu, mo yeke wayere – andaa mo yeke zo ti mosoro! – Ambeni zo atene, ani yeke azuife, andaa ala yeke taa azuife pepe. Ala yeke bongbi ti azo so ayeke sambela Satan. Mbi hinga atënë ti mvene so azo ni ayeke du na li ti mo.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!

Aye so Nzapa afa 3:9

Baa, ambeni zo atene, ani yeke azuife, andaa ala yeke taa azuife pepe. Ala yeke tene mvene, ala yeke azo ti bongbi ti Satan. Fade mbi yeke sara titene ala ga, ala kuku na gbe ti mo si ala hinga atene, mbi ye mo.