Filipe 3:1 - Mbeti ti Nzapa - Tënë so amu fini

¹ Tongaso, a-ita ti mbi, na lege ti gango so ala ga oko na *Kota Gbia, ayeke nzoni ala duti na ngia. Titene mbi kiri mbi su na ala atënë so mbi tene kozoni awe so, mbi yeke sara ni senge; so si asara titene ala kpengba.

Filipe 3:1 Iomraidhean Croise

1 Mbai 15:28

Azo ti Israel kue ague na sanduku ti mbuki ti KOTA GBIA na Jérusalem; ala yeke dekongo na ngia si ala yeke huru adidi, atatalita, ala yeke pika awen so atoto, akota kundi na akete kundi.

1 Mbai 16:10

Ala so ayeke gi KOTA GBIA, ala pika kate ndali ti iri ti lo so ayeke nde si ayeke nzoni kue, ala duti na ngia!

1 Mbai 29:22

Na lango ni so, na ngia na be, ala te, ala nyon na dawa ti KOTA GBIA. Ti fani use ni, ala zia Salomon, molenge ti David, gbia. Ala tuku mafuta na li ti lo ti ga makonzi ndali ti KOTA GBIA si ala tuku mafuta nga na li ti Sadok titene lo ga kota wayango-sandaga.

Néhémie 8:10

Esdras akiri atene na azo ni: “Ala kiri na ndo ti ala. Ala gue, ate anzoni kobe, ala nyon anzerengo samba, ala mu ambeni kobe ni na azo so ayeke na ye pepe, ngbanga ti so a zia lango so nde ndali ti KOTA GBIA ti e. Ala sara vundu pepe, ngbanga ti so ngia so alondo na KOTA GBIA laa ayeke ngangu ti ala!”

Mbeti ti Job 22:26

Tongaso, fade mo yeke wara ngia ti mo na lege ti Nzapa so ngangu ti lo ahon angangu kue, mo lingbi ti yo le ti mo na mbage ti lo.

Abia (Psaumes) 149:2

Ayeke nzoni azo ti Israel aduti na ngia ndali ti lo so lo sara ala! Ayeke nzoni azo ti *Sion adodo na ngia ndali lo, lo yeke gbia ti ala!

Abia (Psaumes) 32:11

Ala azo ti mbirimbiri, ala dodo na ngia ndali ti KOTA GBIA, ala duti na ngia. Ala azo ti vurungo be, ala dekongo na ngia!

Abia (Psaumes) 33:1

Ala azo ti mbirimbiri, ala dekongo na ngia na *KOTA GBIA! Gondango lo alingbi na azo so sarango ye ti ala ayeke na legeni.

Abia (Psaumes) 37:4

Gi lege ti wara ngia ti mo na lege ti KOTA GBIA, fade lo yeke mu na mo ye so be ti mo aye.

Abia (Psaumes) 42:4

Bi na lâ, ngu ti le ti mbi ayeke sua, aga tongana kobe ti mbi ti tengo ni. Azo ayeke hunda mbi lakue, atene: “Nzapa ti mo ni ayeke na ndo wa?”

Abia (Psaumes) 5:11

Nzapa, baa ala tongana azo so tënë ayeke na li ti ala! Ayeke nzoni asioni ye so ala leke na be ti ala ti sara akinda ala wani. Ndali ti gba ti sioni ti ala, mo tumba ala, ngbanga ti so ala londo ti ke mo.

Abia (Psaumes) 97:1

*KOTA GBIA ayeke gbia! Ayeke nzoni azo ti sese adodo na ngia, azo so kue ayeke na yongoro ndo aduti na ngia!

Ésaïe 41:16

Mo yeke pe ya ti ala si pupu ayeke mu ala ti hon na ala; kota pupu ayeke kangbi ya ti ala kirikiri. Me ti mo, mo yeke dodo na ngia ndali ti KOTA GBIA, mo yeke pika kate ti mo ndali ti Nzapa ti Israel, lo so lo yeke nde si lo yeke nzoni kue.”

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 65:14

Azo ti kua ti mbi ayeke dekongo na ngia, be ti ala ayeke nzere; me ti ala, ala yeke dekongo na vundu na be. Biani, ala yeke dema tere, be ti ala ayeke woko kue.

Joël 2:23

Ala azo so ayeke lango na *Sion, ala dodo na ngia, ala duti na ngia ndali ti KOTA GBIA, Nzapa ti ala. Na peko ti buru, lo yeke tokua na ala ngu-Nzapa ti zi ala na ya ti kpale, lo yeke tokua na ala ngu-Nzapa alingbi na angoi ni tongana ti kozoni.

Sofonii 3:14

Mo gbata ti *Sion, mo dekongo na ngia! Ala azo ti Israel, ala pika maboko ti ala na ngia. Mo gbata ti Jérusalem, mo duti na ngia na be ti mo kue!

Sofonii 3:17

KOTA GBIA, Nzapa ti mo ayeke na popo ti mo, lo yeke kpengba zo ti bira, lo yeke zo ti songo mo na kuâ. Tere ti lo anzere mingi ndali ti mo; na lege ti ndoye ti lo, lo yeke kiri ti bi tënë na li ti mo pepe. Lo yeke dodo, lo yeke dekongo na ngia ndali ti mo.

Zakarii 10:7

Azo ti mara ti Efraim ayeke duti na ngangu tongana angangu zo ti bira; be ti ala ayeke si singo na ngia tongana ti zo so anyon vin. Na bango ala, tere ti amolenge ti ala ayeke nzere si ala yeke dodo na ngia ndali ti KOTA GBIA.

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Nzoni Tënë so Luc asu na mbeti 1:47

Be ti mbi asi singo na ngia ndali ti Nzapa, Wasongo mbi,

Rome 5:11

Na ndö ni kue, be ti e ayeke na ngia na dawa ti Nzapa na lege ti *Kota Gbia ti e Jésus Christ, lo so lo sara si fadeso songo aga na popo ti e na Nzapa.

2 Korente 13:11

Ti hunzi na ni, a-ita, ala duti na ngia! Ala gi lege ti ga nzoni kue, ala mu wango ti kpengba na amba ti ala, ala ma tere na popo ti ala, ala duti na siriri si Nzapa so aye zo si ayeke mu siriri na zo, fade lo yeke duti na ala.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

Ndia ti fani use ni 12:18

Fade ala yeke te aye ni so gi na dawa ti KOTA GBIA Nzapa ti ala, na ndo so lo yeke soro ni ande. Ala, na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so ayeke duti na ya ti agbata ti ala ayeke te ni. Kâ, na dawa ti KOTA GBIA Nzapa ti ala, fade be ti ala ayeke si singo na ngia ndali ti anzoni ye so ala wara na lege ti akua so kue ala sara.

Ndia ti fani use ni 16:11

Ala yeke gue na ndo so KOTA GBIA Nzapa ti ala ayeke soro titene iri ti lo aduti daa. Kâ, ala yeke sara ngia, ala na amolenge ti ala ti koli na ti wali, na azo ti kua ti ala ti koli na ti wali, na azo ti mara ti Lévi so aduti na ya ti gbata ti ala, azo ti Israel, na awande, anyindu nga na awali-mua so ayeke na popo ti ala.

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

Filipe 4:4

Ala duti na ngia lakue, ngbanga ti so ala ga oko na *Kota Gbia awe! Mbi kiri mbi tene: ala duti na ngia!

Filipe 4:8

A-ita, ti hunzi na ni, alingbi ala zia be ti ala na ndö ti ye so ayeke taa-tënë, ye so ayeke ye ti nengo ni, ye so ayeke mbirimbiri, ye so ayeke nzoni kue, ye so zo alingbi ti ye ni, ye so zo alingbi ti gonda ni, ye so kue ayeke nzoni mingi, ye so zo alingbi ti tene nzoni tënë ni na le ti azo.

1 Tesalonike 4:1

Ti hunzi na ni, a-ita, e fa na ala lani lege ti dutingo so ala lingbi ti duti na ni si anzere na be ti Nzapa. Biani, ala duti tongaso awe. Me fadeso, e yeke hunda na ala si e voro ala na iri ti *Kota Gbia Jésus titene lege ti dutingo ti ala akiri aga nzoni ahon ti kozoni.

1 Tesalonike 5:16

Ala duti lakue na ngia,

Jacques 1:2

A-ita ti mbi, ayeke nzoni be ti ala aduti na ngia na ya ti aye ti tarango be nde nde so ayeke si na ala.

1 Pierre 3:8

Ti hunzi na tënë ti mbi, alingbi ala kue tënë ti be ti ala aduti gi oko; ala baa mawa ti amba ti ala, ala ye tere na popo ti ala tongana a-ita, ala sara nzoni na amba ti ala, ala baa tere ti ala tongana akota zo pepe.

1 Pierre 4:13

Me ala duti na ngia tongana ala yeke baa pasi tongana ti so Christ abaa ando so. Tongaso, na ngoi so azo ayeke baa ande gonda ti lo, ala nga, be ti ala ayeke si singo na ngia.

2 Pierre 3:1

A-ita ti mbi so mbi ye ala mingi, use mbeti so mbi su ti tokua na ala laa. Na ya ti ambeti ni use kue, mbi ye ti dabe ti ala na ndö ti aye so ala hinga awe si ala duti azo so tënë ti be ti ala ayeke na legeni.

1 Samuel 2:1

Anne asambela, atene: “Ndali ti *KOTA GBIA, be ti mbi ayeke na ngia mingi; ndali ti KOTA GBIA, kamene ahon na le ti mbi. Mbi lingbi ti zi yanga na awato ti mbi. Be ti mbi anzere mingi ndali ti so mo soo mbi awe.