Filipe 2:8 - Mbeti ti Nzapa - Tënë so amu fini

⁸ Lo sara tere ti lo kete, lo ga zo ti mango yanga ti Nzapa ngbii asi na kuâ, kuâ ti ndö ti keke ti kroa.

Filipe 2:8 Iomraidhean Croise

Abia (Psaumes) 22:16

Lege ti go ti mbi ahole kasakasa tongana fango ta ti sese, be ti mbi ahole kue na nzara ti ngu. Mo zia mbi na yanga ti du ti kuâ awe.

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Matthieu 17:2

Tere ti Jésus akiri aga nde na le ti ala: ndö ti le ti lo aza tongana lâ, abongo ti lo avuru si ayeke za zango.

Matthieu 26:39

Lo hon yongoro kete, lo ti, lo kpo li ti lo na sese, lo sambela, lo tene: “Babâ ti mbi, tongana lege ayeke daa, ayeke nzoni kopo ti pasi so ahon yongoro na tere ti mbi. Me mbi ye pepe titene mo sara ye so be ti mbi aye, me mo sara gi ye so be ti mo aye.”

Matthieu 26:42

Lo kiri lo gue yongoro ti fani use ni si lo sambela, lo tene: “Babâ ti mbi, tongana kopo so alingbi ti hon yongoro na tere ti mbi pepe si mo ye mbi nyon ni, ayeke nzoni mo sara gi ye so be ti mo aye!”

Nzoni Tënë so Luc asu na mbeti 9:29

So lo yeke sambela, le ti lo aga nde si bongo ti lo avuru aza tongana wâ ti bekpa.

Jean 10:18

Mbeni zo laa ayeke zi fini ti mbi pepe, me mbi wani laa mbi yeda ti ka ni. Mbi yeke na ngangu ti ka ni, mbi yeke nga na ngangu ti kiri ti wara ni. Babâ ti mbi amu yanga na mbi ti sara tongaso.”

Jean 14:31

me lo yeke ga titene azo ti dunia ahinga so mbi ye Babâ si ala hinga nga so mbi yeke sara ye kue na peko ti yanga ti Babâ. Ala londo na ndo so, e hon!”

Jean 15:10

Tongana ala sara ye alingbi na andia ti mbi, fade ala yeke ngba na ya ti ndoye ti mbi, tongana ti so mbi sara ye alingbi na andia ti Babâ si mbi ngba na ya ti ndoye ti lo.

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Awatokua 8:33

So lo sara tere ti lo kete so, mbeni wafango-ngbanga ti lo na legeni ayeke daa pepe. Zo wa laa alingbi ti tene ande tënë ti *ahale ti lo? Fini ti lo na ndö ti gigi so ahunzi awe.”

Rome 5:19

Azo mingi aga azo ti siokpari na lege ti kengo yanga ti zo oko; legeoko nga, azo mingi aga mbirimbiri na lege ti zo oko.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

Ndia ti fani use ni 21:23

Tongana ye ni ayeke tongaso, alingbi kuâ ti lo angba na ya ti keke ni na bi ngbii asi na ndaperere pepe. Alingbi ala lu kuâ ni gi na oko lango ni so, ngbanga ti so kuâ ti zo so a kanga ni na ya ti keke, ayeke sara si deba ti Nzapa aga na ndö ti azo. Fade ala yeke sara si kodro so KOTA GBIA Nzapa ti ala amu na ala aga *sioni pepe.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Ahebro 12:4

Bira so ala yeke tiri na siokpari so, ala de ti gbu le ni ngbii mene ti ala atuku ndali ni pepe.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.