Filipe 2:20 - Mbeti ti Nzapa - Tënë so amu fini

²⁰ Gi lo oko laa tënë ti be ti lo ayeke tongana ti ti mbi si tënë ti ala agbu be ti lo mingi.

Filipe 2:20 Iomraidhean Croise

Abia (Psaumes) 55:13

Tongana fade wato laa ayeke zonga mbi, ka mbi kanga be ti mbi. Tongana fade zo so be ti lo ake mbi laa aye ti sara sioni na mbi, ka mbi honde tere ti mbi.

Amato 31:29

Lo tene: “Awali mingi alingbi, me mo hon ala kue!”

Jean 10:13

Zo so ayeke sara kua gi ndali ti nginza ayeke bata ataba ni nzoni pepe.

Jean 12:6

Lo tene tënë so, ngbanga ti so tënë ti azo ti mawa agbu be ti lo pepe, me ngbanga ti so lo yeke zo ti nzi: lo yeke bata bozo ti nginza si lo yeke nzi nginza so azo ayeke bi na ya ni.

Rome 15:5

Nzapa so ayeke mu na zo lege ti kanga be ti lo na ti mu ngangu na be ti lo, asara si ala ma tere na popo ti ala tongana ti so Christ afa lege ni na ala.

1 Korente 16:10

Tongana Timothée asi na ala kâ, ayeke nzoni ala sara titene lo duti na popo ti ala na mbeto pepe, ngbanga ti so lo yeke sara nga kua ti Kota Gbia tongana mbi.

Filipe 2:2

Tongaso, mbi hunda na ala titene ala sara si be ti mbi aduti na ngia ahon ndoni na lege ti dutingo ti ala: ala ma tere, ala ye tere, ala duti na beoko si tënë ti be ti ala ague gi oko.

Filipe 2:22

Ala wani ahinga anzoni ye so Timothée asara awe: lo sara kua ndali ti Nzoni Tënë na tere ti mbi, tongana ti so molenge ayeke sara kua na tere ti babâ ti lo.

Kolose 4:11

Jésus, so mbeni iri ti lo ayeke Yustus, lo nga, lo bara ala. Gi azuife ota so e na ala e sara kua ndali ti *Kodro-gbia ti Nzapa so laa. A-ita so amu ngangu na be ti mbi mingi.

1 Timothée 1:2

Mbi tokua mbeti so na mo Timothée so mo yeke taa molenge ti mbi na lege ti mabe. Ayeke nzoni Nzapa Babâ na *Kota Gbia ti e Jésus Christ asara nzoni be na mo, abaa mawa ti mo si amu na mo siriri!

1 Timothée 4:6

Tongana mo fa atënë so kue na a-ita, azo ti Christ, fade mo yeke ga nzoni zo ti kua ti Jésus Christ. So afa atene, mo yeke kpengba na lege ti atënë ti mabe nga na lege ti nzoni fango ye so mo yeda ti mu peko ni.

2 Timothée 1:5

Mbi dabe ti mbi na taa mabe so mo yeke na ni. Gi mabe so Lois, ata ti mo ti wali, lo na Enis, mama ti mo ayeke na ni kozoni laa. Mbi hinga so gi mabe ni so laa mo yeke na ni.

2 Timothée 3:10

Me ti mo, mo mu lani peko ti mbi na lege ti aye so: fango ye ti mbi, dutingo ti mbi, aye so mbi leke na be ti mbi ti sarango ni, mabe ti mbi, kangango be ti mbi ti ku ye, ndoye ti mbi, kangango be ti mbi

1 Samuel 18:1

Gi so David ahunzi ti tene tënë na Saul awe, Jonatan aye David; lo ye David tongana ti so lo ye na tere ti lo wani.

1 Samuel 18:3

Tongaso, Jonatan na David aleke tënë na popo ti ala, ngbanga ti so Jonatan aye lo tongana ti so lo ye na tere ti lo wani.