Filipe 1:8 - Mbeti ti Nzapa - Tënë so amu fini

⁸ Na le ti Nzapa, mbi ye ala kue na be ti mbi oko tongana ti so Jésus Christ aye na ala.

Filipe 1:8 Iomraidhean Croise

Mbeti ti Job 16:19

Ti fadeso, mbeni zo ti gbungo koko ti mbi ayeke na yayu; mbeni zo so ahinga tënë na ndö ti mbi ayeke na yayu kâ.

Ésaïe 16:11

Ndani laa mbi yeke toto na vundu ndali ti Moab tongana kundi so atoto. Be ti mbi aso mingi ndali ti Kir-Heres.

Ésaïe 63:15

*KOTA GBIA, na yayu kâ, zi le ti mo, mo baa ndo. Na pendere ndo ti mo so ayeke nde si ayeke nzoni kue, baa ye so asi na e: ndoye so ayeke gbi be ti mo tongana wâ ndali ti e, ayeke na ndo wa? Ngangu ti mo ayeke na ndo wa? Mo ke ti baa mawa ti e, mo ke ti sara nzoni be na e awe?

Jérémie 31:20

Efraim ayeke molenge ti mbi ti koli so mbi ye lo ahon ndoni; lo yeke molenge so mbi voro lo mingi. Ndani laa, lakue so mbi yeke tene tënë na tere ti lo, lakue mbi yeke dabe ti mbi na lo. Be ti mbi ayeke na ndö ti lo mingi. Biani, mbi baa mawa ti lo ahon ndoni; so tënë ti yanga ti KOTA GBIA laa.

Nzoni Tënë so Luc asu na mbeti 1:78

Nzapa ti e ayeke sara nzoni be mingi: lo sara si lumiere so alondo na yayu aza na ndö ti e tongana lâ ti ndaperere.

Rome 1:9

Nzapa so mbi mu be ti mbi kue ti sara kua ti lo na lege so mbi yeke fa Nzoni Tënë ti Molenge ti lo, lo hinga so mbi yeke tene taa-tënë: mbi yeke zia ala lakue

Rome 9:1

Na lege ti gango so mbi ga oko na Christ, mbi yeke tene taa-tënë, mbi yeke tene mvene pepe. Yingo-Vuru ayeke fa lege na be ti mbi si be ti mbi ayeke fa so ye ni ayeke taa-tënë:

2 Korente 13:9

Lakue, be ti e ayeke na ngia tongana e yeke na ngangu pepe si ala yeke ti ala na ngangu. Ye so e yeke sambela ndali ni ayeke titene ala ga nzoni kue.

2 Korente 6:12

E ke ti zi be ti e na ala pepe, me ala laa ake ti zi be ti ala na e.

2 Korente 7:15

Tongana lo kiri lo dabe ti lo na lege so ala ma yanga ti lo si ala yamba lo na mbeto na be ti ala nga na dongo tere, be ti lo akiri aye ala mingi.

Galasii 1:20

Tënë so mbi su na mbeti na ala so ayeke taa-tënë: na le ti Nzapa, mbi yeke tene mvene pepe.

Galasii 3:26

Biani, ala kue aga amolenge ti Nzapa na lege so ala ma na be na Jésus Christ.

Galasii 4:19

Amolenge ti mbi, tongana ti so mama ti ngo ayeke baa pasi na ndembe ti dungo ni, mbi nga, mbi yeke baa pasi ndali ti ala ngbii dutingo ti ala aga tongana ti Christ.

Filipe 2:1

Gango so ala ga oko na Christ asara si ala kpengba. Ndoye ti lo asara si be ti ala awara ngangu, ala yeke na beoko na Yingo, ala ye tere si ala yeke sara nzoni be na azo.

Filipe 2:26

Lo yeke na nzara mingi ti kiri ti baa ala kue, me be ti lo aduti nzoni pepe, ngbanga ti so ala ma tënë ti kobela ti lo.

Filipe 4:1

Tongaso, a-ita ti mbi so mbi ye ala mingi, nzara ti kiri ti baa ala asara mbi mingi! Ala zia ngia na be ti mbi mingi si tere ti mbi anzere mingi ndali ti ala! A-ita ti mbi so mbi ye ala mingi, na lege ti gango so ala ga oko na *Kota Gbia, ayeke nzoni ala ngba ti gbu tënë ti Nzapa ngangu tongaso.

Kolose 2:1

Biani, mbi ye titene ala hinga tënë ti ngangu bira so mbi yeke tiri ndali ti ala, ndali ti azo ti Laodise nga ndali ti azo so kue ade ti baa le ti mbi laoko pepe.

Kolose 3:12

Nzapa asoro ala, ala ga azo ti lo si lo ye ala. Tongaso, alingbi ala baa mawa ti azo, ala sara nzoni be na azo, ala baa tere ti ala tongana akota zo pepe, ala sara ngangu na azo pepe, ala kanga be ti ala ti ku.

1 Tesalonike 2:5

Ala hinga kue: laoko e tene mbeni tënë ti handango na zo pepe; laoko e honde nzara ti warango aye na peko ti fango tënë ti e pepe, Nzapa ahinga ni!

1 Tesalonike 2:8

Ndali ti yengo so e ye ala, e ye lani ti fa na ala gi Nzoni Tënë pepe, me e ye nga ti ka tere ti e na kuâ ndali ti ala, ngbanga ti so tënë ti ala agbu be ti e mingi!

2 Timothée 1:4

Tongana mbi yeke dabe ti mbi na ngu ti le ti mo so ayuru, mbi yeke na nzara ti kiri ti baa mo si be ti mbi asi singo na ngia.

Philémon 1:12

Fadeso mbi yeke kiri lo na mo, lo yeke tongana mbeni mbage ti tere ti mbi wani.

Philémon 1:20

Biani, ita, sara ye so na mbi, ngbanga ti so mo ga oko na *Kota Gbia awe. Ndali ti so mo yeke ita ti mbi, zo ti Christ, sara titene be ti mbi awara ngangu.

1 Jean 3:17

Tongana mbeni zo ayeke na amosoro ti dunia so, lo baa mbeni ita ti lo so ye atia lo si lo ke ti sara nzoni na ita ti lo ni, fade lo yeke tene, ni ye Nzapa biani laa?