Filipe 1:6 - Mbeti ti Nzapa - Tënë so amu fini

⁶ Mbi hinga biani mbi tene, Nzapa so ato nda ti sara nzoni kua na ya ti fini ti ala, fade lo yeke sara ni ngbii ahunzi na lango ti kiringo ti Jésus Christ.

Filipe 1:6 Iomraidhean Croise

Abia (Psaumes) 138:8

Fade KOTA GBIA ayeke sara ye kue ndali ti mbi. KOTA GBIA, nzoni be ti mo angba kpu na kpu! Aye so maboko ti mo asara, mo zia ni pepe.

Jean 6:29

Jésus akiri tënë na ala: “Kua so Nzapa ahunda na ala ti sarango ni ayeke ti ma na be na zo so lo tokua lo.”

Awatokua 11:18

So ala ma tënë so, be ti ala ade si ala gonda Nzapa, atene: “Nzapa amu nga lege na azo ti amara nde ti zia ngbene lege ti sarango ye ti ala si ala wara fini!”

Awatokua 16:14

Mbeni wali ti gbata ti Tiatire so iri ti lo Lydie ayeke kâ; kua ti lo ayeke ti kango abengba bongo so ngere ni ayeke ngangu mingi. Lo yeke mbeni wali so lo yeke voro Nzapa kozoni; lo yeke ma tënë ti e, ngbanga ti so *Kota Gbia azi be ti lo ti ma atënë ti Paul.

1 Korente 1:8

Lo laa lo yeke sara titene ala kpengba ngbii asi na ndani si na lango ti gango ti Jésus Christ, Kota Gbia ti e, ala duti azo so tënë ayeke na li ti ala pepe.

2 Korente 1:15

Mbi hinga biani mbi tene, ye ni ayeke tongaso, nilaa mbi ye lani ti si kozoni na popo ti ala titene ala wara nzoni ye fani use.

2 Korente 2:3

Nda ti mbeni mbeti so mbi tokua na ala so ayeke so: na singo ti mbi na popo ti ala, mbi ye titene azo so alingbi fade ti zia ngia na be ti mbi, ala ga azo ti zia vundu na be ti mbi pepe. Ti ala, mbi hinga na be ti mbi, mbi tene, ngia so ayeke na be ti mbi so ayeke nga na be ti ala kue.

2 Korente 7:16

Be ti mbi ayeke na ngia, ngbanga ti so mbi lingbi ti zia be ti mbi na ndö ti ala na ya ti ye kue.

2 Korente 9:4

Tongana ala de ti leke aye ni pepe si mbi na azo ti Masedoane e si kâ, fade kamene ayeke sara e, ngbanga ti so e tene na azo, e tene, ala leke ye kue awe. Ti ala kamene ni, mbi yeke zi yanga ti mbi daa pepe!

Galasii 5:10

Ti mbi, mbi zia be ti mbi na ndö ti ala: na lege ti gango so e ga oko na Christ, mbi hinga so ala yeke mu ande mbeni lege nde pepe. Me zo so ayeke buba li ti ala, ataa lo yeke zo wa, fade Nzapa ayeke fâ ngbanga na li ti lo.

Efeze 4:12

Lo sara tongaso titene azo ti Nzapa aga azo so alingbi ti sara kua si Eglize so ayeke tere ti Christ amai,

Filipe 1:10

tongaso si ala hinga ye so ayeke nzoni ahon atanga ni. Tongaso, fade ala yeke ga nzoni kue si na lango ti kiringo ti Christ, mbeni tënë ayeke na li ti ala pepe.

Filipe 1:29

Nzapa asara nzoni be na ala gi titene ala ma na be na Christ pepe, me ti baa nga pasi ndali ti lo.

Filipe 2:12

Tongaso, a-ita ti mbi so mbi ye ala mingi, ala so ayeke ma yanga ti Nzapa lakue so, ayeke nzoni ala ma yanga ti lo gi ndali ti le ti mbi pepe. Me so mbi yeke na tere ti ala pepe, fadeso ayeke kota ye mingi titene ala ngba ti ma yanga ti lo. Ala sara kua na mbeto, na dongo tere si ala soo kuâ.

Filipe 2:13

Biani, Nzapa laa ayeke zia nzara ti sarango ye na be ti ala si lo yeke mu na ala lege ti sarango ni alingbi na ye so lo leke na be ti lo.

Filipe 2:16

Ala laa ayeke fa tënë so ayeke mu fini na zo. Tongaso, na lango ti kiringo ti Christ, fade tere ti mbi ayeke nzere ndali ti ala, ngbanga ti so akua ti mbi na pasi ti mbi, peko ni ayeke senge pepe!

Kolose 2:12

So ala wara bateme, a lu ala na Christ awe si a zingo ala na kuâ legeoko na lo, ngbanga ti so ala ma na be na ngangu ti Nzapa so azingo lo na kuâ.

1 Tesalonike 1:3

Na le ti Nzapa Babâ ti e, e yeke dabe ti e lakue na kua so ala yeke sara na lege ti mabe; e yeke dabe ti e na ndoye so ayeke sara titene ala sara kua ngangu nga na be ti ala so ala zia ti ku *Kota Gbia ti e Jésus Christ.

2 Tesalonike 1:11

Ndani laa e yeke sambela lakue ndali ti ala titene Nzapa ti e asara si ala lingbi na iringo so lo iri ala. E hunda titene na lege ti ngangu ti lo, ala sara aye ti nzoni so kue ala yeke na nzara ti sarango ni si kua so ala yeke sara na lege ti mabe asi na ndani.

2 Tesalonike 3:4

Na lege ti gango so e ga oko na Kota Gbia, e zia be ti e na ndö ti ala: ye so e mu yanga na ala ti sarango ni, ala yeke sara ni si ala yeke ngba ande ti sara ni.

Philémon 1:21

Na ndembe so mbi yeke su mbeti so na mo, mbi hinga, mbi tene, fade mo yeke sara ye so mbi hunda na mo. Biani, mo yeke sara ande ye ni ahon ti so mbi hunda na mo.

Ahebro 10:35

Tongaso, be ti ala so ala zia na ndö ti Nzapa, ala girisa ni pepe, fade ala yeke wara kota ye na peko ni.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

1 Pierre 5:10

Pasi so ala yeke baa so ayeke ndali ti kete ngoi. Me Nzapa so ayeke sara nzoni be mingi na azo, lo iri ala titene ala li na ya ti gonda ti lo so ayeke ngba lakue lakue, ngbanga ti so ala ga oko na Christ awe. Tongaso, lo yeke sara titene ala ga nzoni kue, ala kpengba, ala wara ngangu si mbeni ye ayingi ala pepe.

2 Pierre 3:10

Lango ti gango ti Kota Gbia ayeke duti tongana gango ti zo ti nzi. Na lango ni so, nduzu ayeke hon si toto ni ayeke duti ngangu mingi; wâ ayeke gbi aye so ayeke na le ti nduzu, sese na aye so kue ayeke na ndö ni ayeke ngba pepe.