Filipe 1:23 - Mbeti ti Nzapa - Tënë so amu fini

²³ Be ti mbi ayeke use use: mbi yeke na nzara ti gue ti duti na tere ti Christ, so laa ayeke nzoni ahon ye kue.

Filipe 1:23 Iomraidhean Croise

2 Samuel 24:14

David akiri tënë na Gad, atene: “Mbi yeke na ya ti ye ti ngangu mingi! Mbi gbu gere ti mo, zia e ti na maboko ti KOTA GBIA, ngbanga ti so nzoni be ti lo ayeke kota; me mbi ye ti ti na maboko ti azo pepe.”

Abia (Psaumes) 17:15

Ti mbi, fade mbi yeke baa le ti mo, ngbanga ti so mbi yeke mbirimbiri. Tongana mbi zingo na lango, mbi yeke baa le ti mo, mbi yeke baa ni ngbii be ti mbi ade.

Abia (Psaumes) 49:15

a yeke pusu ala ti gue na ala na ndo ti akuâ tongana ataba; kuâ ayeke tongana wabatango ala. Na ndaperere, azo so sarango ye ti ala ayeke na legeni ayeke hon ndö ti ala. Pendere ti azo ni ayeke hon, ndo ti akuâ si ayeke ga da ti lango ti ala.

Nzoni Tënë so Luc asu na mbeti 12:50

Mbi yeke ku ti wara mbeni bateme; be ti mbi ayeke ngba na nduzu ngbii asi na ngoi so mbi yeke wara ni!

Nzoni Tënë so Luc asu na mbeti 23:43

Jésus atene na lo: “Mbi tene na mo taa-tënë: gi laso, laso, mo yeke duti legeoko na mbi na *paradi.”

Nzoni Tënë so Luc asu na mbeti 8:38

Koli so asioni yingo asigigi fade na ya ti lo so ahunda mingi na Jésus ti ngba na tere ti lo. Me Jésus ake na lo, atene:

Jean 12:26

Zo so aye ti sara kua na mbi, alingbi lo mu peko ti mbi si ndo so mbi yeke daa, lo nga lo yeke daa. Fade Babâ ti mbi ayeke ne zo so ayeke sara kua na mbi.”

Jean 13:1

Angba lango oko titene *matanga ti Pake asi. Jésus ahinga so ngbonga ti lo ti zia dunia so ti kiri na Babâ alingbi awe. Azo ti lo so ayeke na dunia so, lo ye ala lakue, lo ye ala ngbii asi na ndani.

Jean 14:3

Tongana mbi gue, mbi leke ndo na ala awe, fade mbi yeke kiri ti mu ala na tere ti mbi si ala nga, ala duti na ndo so mbi yeke duti daa.

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

Awatokua 7:59

So ala yeke bo Étienne na têne, lo sambela, lo tene: “*Kota Gbia Jésus, mu yingo ti mbi!”

2 Korente 5:8

Be ti e awoko oko pepe, e ye mingi ti zia tere so e yeke na ni so ti gue ti duti na tere ti Kota Gbia.

2 Korente 6:12

E ke ti zi be ti e na ala pepe, me ala laa ake ti zi be ti ala na e.

Filipe 1:24

Me ngbango ti mbi na fini na sese so ayeke sara ande nzoni mingi na ala.

1 Tesalonike 2:1

A-ita, ala wani ahinga atene, guengo ti e lani na ndo ti ala ayeke senge pepe.

1 Tesalonike 2:13

Ndani laa, e nga, e yeke mu singila na Nzapa lakue ndali ti ye so: na ndembe so e fa lani na ala tënë ti Nzapa, ala ma ni si ala yamba ni tongana tënë ti zo pepe, me tongana tënë ti Nzapa biani: tënë ni ayeke tënë ti Nzapa so ayeke sara kua na be ti ala so ama na be.

1 Tesalonike 4:17

Na pekoni, e so e yeke ngba ande na fini, fade a yeke mu e na ala kue ti gue na e na ya ti ambinda titene e tengbi na Kota Gbia na nduzu kâ. Tongaso, e yeke duti na tere ti Kota Gbia lakue lakue.

2 Timothée 4:6

Ti mbi, lango titene a mu mbi na *sandaga alingbi awe; lango titene mbi zia sese so alingbi nga awe.

Aye so Nzapa afa 14:13

Mbi kiri mbi ma mbeni go so alondo na yayu, atene: “Su tënë so na mbeti, mo tene: ‘Ti ala nzoni, azo so angba na lege ti kua ti *Kota Gbia si ala kui fadeso! Yingo atene: Biani, fade ala yeke wu tere ti ala na peko ti aye so ala sara, ngbanga ti so aye so ala sara ayeke mu peko ti ala.’ ”