Filipe 1:22 - Mbeti ti Nzapa - Tënë so amu fini

²² Me tongana ngbango ti mbi na fini na sese so alingbi ti mu na mbi lege ti sara mbeni kua so zo alingbi ti wara ye na peko ni, mbi hinga ye so mbi lingbi ti soro ni pepe.

Filipe 1:22 Iomraidhean Croise

Tongo nda ti aye 21:26

Abimelek akiri tënë na lo, atene: “Mbi hinga zo so asara ye so pepe. Mo tene nga na mbi tënë ni kozoni pepe. Ti mbi, mango tënë ni laa mbi ma laso so.”

Tongo nda ti aye 39:8

Me Joseph ake si lo tene na wali ti wa ti lo, lo tene: “Baa, wa ti mbi ayeke hunda na mbi ti fa na lo peko ti aye ti da ti lo pepe. Lo zia aye ti lo kue na maboko ti mbi.

Abia (Psaumes) 71:18

Ataa so mbi ga mbakoro si kua ti li ti mbi avuru awe, Nzapa, mo zia mbi pepe; tongaso si mbi lingbi ti fa ngangu ti mo na azo ti fadeso nga na azo so ayeke ga na peko.

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Awatokua 3:17

“Fadeso a-ita, mbi hinga, mbi tene, ye so ala na amakonzi ti ala asara na Jésus, ala hinga ni pepe.

Rome 1:13

A-ita, mbi ye si ala hinga so fani mingi, mbi leke be ti mbi ti gue ti baa ala, me lege akanga na mbi ngbii asi laso. Mbi yeke na nzara ti si kâ titene mbi sara kua si mbi wara lengo ni tongana ti so mbi wara na popo ti azo ti amara nde.

Rome 11:2

Nzapa ake azo ti lo pepe, azo ti lo so lo soro ala kozoni so. Na ya ti Mbeti ti Nzapa, ala hinga pepe tënë ti Élie so adema tere ti lo na Nzapa ndali ti sarango ye ti azo ti Israel so? Lo tene:

2 Korente 10:3

Taa-tënë, e yeke azo ti sese so, me e yeke tiri bira tongana ti azo ti sese so pepe.

Galasii 2:20

Nilaa, mbi laa mbi yeke na fini mbeni pepe, me Christ laa ayeke na fini na ya ti mbi. Na dutingo ti mbi ti zo, mbi yeke duti fadeso na fini gi na lege ti mabe so mbi yeke na ni na Molenge ti Nzapa, lo ye mbi si lo ka tere ti lo na kuâ ndali ti mbi.

Filipe 1:23

Be ti mbi ayeke use use: mbi yeke na nzara ti gue ti duti na tere ti Christ, so laa ayeke nzoni ahon ye kue.

Filipe 1:24

Me ngbango ti mbi na fini na sese so ayeke sara ande nzoni mingi na ala.

Kolose 2:1

Biani, mbi ye titene ala hinga tënë ti ngangu bira so mbi yeke tiri ndali ti ala, ndali ti azo ti Laodise nga ndali ti azo so kue ade ti baa le ti mbi laoko pepe.

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.