Esdras 9:3 - Mbeti ti Nzapa - Tënë so amu fini

³ So mbi ma tënë so, mbi suru bongo na tere ti mbi nga na yongoro bongo ti mbi, mbi gboto kua ti li ti mbi na kua ti yanga ti mbi, mbi duti na sese na gingo be.

Esdras 9:3 Iomraidhean Croise

2 Samuel 1:11

David agbu bongo ti lo wani si lo suru ni; azo so kue ayeke na tere ti lo asara nga tongana ti lo.

2 Agbia 18:37

Na pekoni, Eliakim, molenge ti Hilkia, makonzi ti yangbo ti gbia, lo na wakuasu Shebna nga na Yoa, molenge ti Asaf, zo ti tenengo peko ti tënë ti yanga ti gbia asuru bongo na tere ti ala. Ala kiri na tere ti Ezekias si ala tene na lo peko ti tënë ti makonzi ti aturugu ti batango gbia ti Asirii.

Néhémie 1:4

So mbi ma atënë so, mbi duti na sese, mbi toto; na ya ti ambeni lango, mbi sara mawa, mbi ke kobe, mbi sambela Nzapa ti yayu,

Néhémie 13:25

Mbi suku na azuife ni si mbi deba ala. Mbi pika ambeni zo na popo ti ala si mbi gboto kua ti li ti ala. Na pekoni, mbi tene na ala ti deba yanga ti ala na iri ti Nzapa ti kiri ti mu amolenge ti ala ti wali pepe na awande. Ala nga, alingbi ala mu awali wande pepe ti ga wali ti ala wani wala ti amolenge ti ala ti koli.

Mbeti ti Job 1:20

Tongaso Job alondo, lo suru kota bongo ti lo ti de si lo kio kua ti li ti lo. Na pekoni, lo ti, lo kpo li ti lo na sese

Abia (Psaumes) 119:53

Ngonzo agbu mbi ngangu mingi na tere ti azo ti sioni so azia lege ti ndia ti mo.

Abia (Psaumes) 143:4

Be ti mbi awoko kue awe, ngangu atia na be ti mbi kue awe.

Abia (Psaumes) 66:3

Ala tene na Nzapa, atene: “Aye so mo sara ayeke zia mbeto na be ti zo! Ndali ti kota ngangu ti mo, awato ti mo ayeke woko tere ti ala na gbe ti mo.

Ésaïe 15:2

Azo ti Dibon ague ti toto na ndo so a leke na nduzu ti voro anzapa nde daa. Na Nebo nga na Medeba, azo ti Moab ayeke he bia ti demango tere. A kio kua ti li ti azo kue, a fâ kua ti yanga ti azo kue.

Jérémie 36:24

Gbia na akota zo ti yangbo ti lo kue ama atënë so kue nzoni; me atënë ni azia mbeto na be ti ala oko pepe, ala suru bongo ti ala pepe.

Jérémie 7:29

“Ala azo ti Juda, ayongoro kua ti li ti ala so afa atene, a zia ala nde ndali ti mbi so, ala kio ni, ala bi yongoro! Kâ na li ti ahoto so ndö ni ayeke senge, ala he bia ti totongo kuâ, ngbanga ti so *KOTA GBIA ake azo ti ngoi ti laso. Ala yeke azo so azia ngonzo na be ti lo; lo zia ala awe.

Ezekiel 3:15

Mbi si na Tel-Abib, ndo ti azuife so a gbu ala, a gue na ala na kodro wande si ala yeke lango na tere ti *bale ti Kebar. Mbi sara lango mbarambara na popo ti ala, li ti mbi kue akpe.

Ezekiel 7:18

Ala yeke yu bongo ti mua, ala yeke do na mbeto. Kamene ayeke gbu le ti ala, ala yeke kio kua ti li ti ala.

Daniel 4:19

Gbia, keke so ayeke mo, ngbanga ti so mo ga kota si mo ga ngangu; kota ti mo ni ague ngbii akpo le ti nduzu si ngangu ti mo ti sara komandema asi na nda ti sese kue.

Daniel 8:27

Tongaso, mbi Daniel, mbi woko kue si mbi ti na kobela aninga lango kete. Na pekoni, so tere ti mbi akai awe, mbi kiri na kua so gbia amu na mbi. Mbeto asara mbi mingi ndali ti ye so mbi baa na ya ti mbeni ye tongana bango-li so, ngbanga ti so mbi ma ya ni pepe.”

Awayango-sandaga 21:5

“Tongana awayango-sandaga ayeke na mua, alingbi ala fâ yanga ti kua ti li ti ala angoro ngorongo na ni pepe; ala fâ tere ti kua ti yanga ti ala pepe, ala suru tere ti ala na ka pepe.

Mishe 1:16

Ala azo ti Jérusalem, ala kio kua ti li ti ala, ala fâ kua ti li ti ala ndali ti amolenge ti ala so ala ye ala mingi so. Ala kio kua ti li ti ala kue titene aga tongana ti *ngoalo so amboko kue so. Biani, fade a yeke gbu amolenge ni ti gue na ala na kodro wande, yongoro na tere ti ala, azo ti Jérusalem.

Josué 7:6

Josué na *akangba ti Israel asuru bongo na tere ti ala. Ti londo na ndaperere ngbii asi na lakui, ala ti akpo li ti ala na sese na dawa ti sanduku ti mbuki ti KOTA GBIA; ala tuku fuku ti sese na li ti ala.