Esdras 7:1 - Mbeti ti Nzapa - Tënë so amu fini

^1-6 Na peko ti aye so, na ngoi so Artakzerses ayeke gbia na kodro ti Perse, mbeni zo alondo na Babilone asi; iri ti lo Esdras. Esdras ayeke mbeni *hale ti kota wayango-sandaga Aaron. Molongo ti ahale ti Esdras ayeke tongaso: Esdras ayeke molenge ti Seraya; Seraya ayeke molenge ti Azaria; Azaria ayeke molenge ti Hilkia; Hilkia ayeke molenge ti Shalum; Shalum ayeke molenge ti Sadok; Sadok ayeke molenge ti Ahitub; Ahitub ayeke molenge ti Amaria; Amaria ayeke molenge ti Azaria; Azaria ayeke molenge ti Merayot; Merayot ayeke molenge ti Zeraya; Zeraya ayeke molenge ti Uzi; Uzi ayeke molenge ti Buki; Buki ayeke molenge ti Abishua; Abishua ayeke molenge ti Pinas; Pinas ayeke molenge ti Elazar; Elazar ayeke molenge ti Aaron. Esdras ahinga mbeti mingi, lo hinga nga *Ndia ti *KOTA GBIA mingi, Ndia so KOTA GBIA, Nzapa ti Israel afa na Moïse so. Ndali ti so maboko ti KOTA GBIA Nzapa ti Esdras ayeke na ndö ti lo, gbia ayeke mu na lo aye so kue lo hunda.

Esdras 7:1 Iomraidhean Croise

2 Agbia 22:4

“Gue mo wara kota wayango-sandaga Hilkia; mo hunda na lo titene lo diko nginza so azo aga na ni ndali ti kota da ti KOTA GBIA si azo so ayeke bata yanga ti kota da ti KOTA GBIA amu na maboko ti azo so.

2 Agbia 22:8

Tongaso kota wayango-sandaga Hilkia atene na wakuasu Shafan, atene: “Mbi wara mbeti ti *Ndia na ya ti kota da ti KOTA GBIA.” Hilkia amu mbeti ni na Shafan si Shafan adiko ni.

2 Agbia 25:18

Makonzi ti aturugu ti batango gbia agbu Seraya, kota wayango-sandaga, lo na Sefania, use wayango-sandaga nga na awayango-sandaga ota so ayeke bata yanga ti kota da ti Nzapa.

1 Mbai 9:11

na Azaria, molenge ti Hilkia, Hilkia ayeke molenge ti Meshulam, Meshulam ayeke molenge ti Sadok, Sadok ayeke molenge ti Merayot, Merayot ayeke molenge ti Ahitub, Ahitub ayeke makonzi ti kota da ti Nzapa;

2 Mbai 34:15

Hilkia atene na wakuasu Shafan: “Mbi wara mbeti ti Ndia na ya ti kota da ti KOTA GBIA.” Hilkia amu mbeti ni na Shafan.

2 Mbai 34:9

Azo ni ague, awara Hilkia, kota wayango-sandaga si ala mu na lo nginza so azo aga na ni na ya ti kota da ti Nzapa. Azo ti mara ti Lévi so ayeke bata yanga ti kota da ni amu fade nginza ni na maboko ti azo ti Manase, ti Efraim na ti tanga ti azo ti Israel kue, ti azo ti Juda kue na ti azo ti Benjamin si ala kiri na ni na Jérusalem.

Esdras 4:7

Na ngoi so Artakzerses ayeke le-gbia na kodro ti Perse, Bishelam, Mitredat, Tabeel na ambeni mba ti ala asu nga mbeti na gbia Artakzerses. Ala su mbeti ni na yanga ti arameen nga na kode ti sungo agere ti mbeti ti yanga ti arameen.

Esdras 6:14

*Akangba ti azuife angba ti sara kota da ni si akua ni ayeke tambula nzoni, alingbi na atënë ti mungo ngangu na be so wayanga-Nzapa Aggée na Zakarii, molenge ti Ido atene na ala. Ala hunzi ti sara da ni, alingbi na yanga so Nzapa ti Israel amu nga alingbi na ambela ti agbia ti Perse so ayeke Sirus, Darius na Artakzerses.

Esdras 7:10

Biani, Esdras azia be ti lo kue ti gi nda ti *Ndia ti KOTA GBIA, ti sara ye alingbi na ni. Lo ye nga ti fa na azo ti Israel atënë ti ndia ni nga na aye so ndia afa.

Esdras 7:12

“Mbi Artakzerses, gbia ti agbia, mbi tokua mbeti so na Esdras, wayango-sandaga na wafango-ndia ti Nzapa ti yayu…

Esdras 7:21

“Mbi, gbia Artakzerses, mbi mu yanga na awabatango-nginza ti sese ti mbage ti Do ti ngu ti Efrate titene aye so kue Esdras, wayango-sandaga na wafango-ndia ti Nzapa ayeke hunda na ala, fade ala yeke mu ni kue na legeni.

Néhémie 11:11

Seraya, molenge ti Hilkia; Hilkia ayeke molenge ti Meshulam; Meshulam ayeke molenge ti Sadok; Sadok ayeke molenge ti Merayot; Merayot ayeke molenge ti Ahitub, makonzi ti kota da ti Nzapa;

Néhémie 2:1

Na ngu baleuse ni so Artakzerses ayeke le-gbia, na nze ti Nisan, na ndembe so gbia aduti ti te kobe, mbi mu samba mbi tuku ni na lo. Mbi yeke na vundu; laoko mbi si na dawa ti lo tongaso pepe.

Néhémie 8:1

Azo ti Israel abongbi tere ti ala tongana zo oko na Jérusalem na kota le ti kodro so abaa le na yanga ti gbagba so iri ni Ti-ngu. Ala hunda na Esdras, wafango-ndia titene lo ga na mbeti ti *Ndia so *KOTA GBIA amu ando na azo ti Israel na lege ti Moïse.