Esdras 4:3 - Mbeti ti Nzapa - Tënë so amu fini

³ Me Zorobabel, Yeshua na tanga ti azo ti li ti asewa ti azo ti Israel akiri tënë na ala: “Ala laa alingbi ti mu maboko na e ti sara da ndali Nzapa ti e pepe; gi e oko laa e lingbi ti leke ni, ngbanga ti so ayeke kota da ti KOTA GBIA, Nzapa ti Israel. Sirus, gbia ti Perse laa amu yanga na e ti leke ni.”

Esdras 4:3 Iomraidhean Croise

2 Mbai 36:22

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Esdras 1:1

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Esdras 1:2

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda.

Esdras 1:3

Azo so kue na popo ti ala ayeke azo ti lo, ayeke nzoni ala gue na Jérusalem, na sese ti Juda ti leke kota da ti KOTA GBIA, Nzapa ti Israel. Nzapa so a yeke voro lo na Jérusalem laa. Ayeke nzoni Nzapa ti ala aduti na ala!

Esdras 3:8

Na ngu use ni so ala si na Jérusalem, na ndo so kota da ti Nzapa ayeke lani daa, na use nze ni, Zorobabel, molenge ti Shealtiel, lo na Yeshua, molenge ti Yosadak, na tanga ti a-ita ti ala, na awayango-sandaga, na azo ti mara ti Lévi nga na azo so kue a gbu ala lani, a gue na ala na kodro wande si ala kiri na Jérusalem, ala to nda ti kua ni. Ala soro azo ti mara ti Lévi so ngu ti ala ayeke baleuse wala ahon so titene ala baa ndo na ndö ti akua ti lekengo da ti KOTA GBIA.

Néhémie 2:20

Mbi kiri tënë na ala: “Nzapa ti yayu wani laa ayeke sara titene kua ni aga nzoni. E yeke azo ti kua ti lo, e yeke londo ti kiri ti leke gbata ni. Me ti ala, mbeni ye ti ala oko ayeke na ya ti gbata ni pepe, ala yeke nga na komandema na ya ti gbata ni pepe. Zo ayeke kiri ti dabe ti lo na ala pepe!”

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Ésaïe 45:4

Ndali ti Jacob, zo ti kua ti mbi, ndali ti Israel so mbi soro lo, mbi iri mo taa na iri ti mo. Ataa so mo hinga mbi pepe, mbi mu nengo na mo.

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Jean 4:9

Wali ti Samarii ni atene na Jésus: “So tënë ti nyen! Mo so mo yeke zuife, mo hunda ngu ti nyongo ni na maboko ti mbi, wali ti Samarii?” Andaa azuife na azo ti Samarii ayeke ma ka tere pepe.

Awatokua 8:21

Kua so e yeke sara ge so, mbeni ye ti mo oko wala tënë ti mo ayeke daa pepe, ngbanga ti so be ti mo ayeke mbirimbiri na le ti Nzapa pepe.