Esdras 4:2 - Mbeti ti Nzapa - Tënë so amu fini

² Awato ni aga abaa Zorobabel na azo ti li ti asewa ti azo ti Israel si atene na ala: “E ye ti mu maboko na ala na lekengo da ni! Biani, oko Nzapa so ala yeke voro lo laa e nga, e yeke voro lo; e yeke ya asandaga na lo ngbene ye na ngoi so Asaradon, gbia ti Asirii, agbu e si aga na e ge.”

Esdras 4:2 Iomraidhean Croise

Tongo nda ti aye 10:11

Lo sigigi na ya ti kodro ni so, lo gue na kodro ti Asirii. Lo leke gbata ti Ninive, ti Rehobot-Ir, ti Kela

2 Agbia 17:24

Gbia ti Asirii amu azo ti Babilone, ti Kuta, ti Ava, ti Hamat na ti Sefarvaim aga na ala si lo zia ala na ya ti agbata ti Samarii na plase ti azo ti Israel. Azo ni amu Samarii, aga sese ti ala wani si ala duti na ya ti agbata ni.

2 Agbia 17:41

Amara ni ayeke voro ando KOTA GBIA si na mbage, ala yeke voro ayanda ti ala. Nilaa amolenge ti ala, na amolenge ti amolenge ti ala angba ti sara ye gi tongana akotara ti ala ngbii asi laso.

2 Agbia 19:37

Mbeni lâ, so lo yeke sambela na ya ti da ti nzapa ti lo Nisrok, Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

Esdras 1:5

Tongaso azo so ayeke na li ti asewa ti mara ti Juda na ti Benjamin, awayango-sandaga na azo ti mara ti Lévi alondo ti gue ti leke kota da ti KOTA GBIA so ayeke na Jérusalem. Ala na azo so kue Nzapa azia na be ti ala nzara ti sarango da ni laa ague.

Esdras 2:2

Ala na Zorobabel, Yeshua, Nehemia, Seraya, Relaya, Mordokai, Bileshan, Mispar, Bigvai, Rehum na Baana laa akiri. Wungo ti akoli ti Israel na lege ti kete mara ti ala ayeke tongaso:

Esdras 3:12

Awayango-sandaga mingi, na azo ti mara ti Lévi nga na ambeni zo ti li ti asewa so aga mbakoro awe si ala baa ando kozo da ni so, ala toto mingi na vundu na ndembe so a yeke lu na gbe ti le ti ala, gere ti fini da ni. Me ambeni zo mingi ayeke dekongo na ngia.

Esdras 3:2

Yeshua, molenge ti Yosadak, lo na amba ti lo awayango-sandaga, na Zorobabel, molenge ti Shealtiel, lo na a-ita ti lo alondo ti sara gbalaka ti Nzapa ti Israel. Ala ye ti ya asandaga so a yeke gbi ni kue na wâ na ndö ni alingbi na tënë so a su na ya ti *Ndia ti Moïse, zo ti Nzapa.

Néhémie 9:32

Nzapa ti e, mo yeke kota Nzapa, mo yeke ngangu, mo yeke mu mbeto na zo; *mbuki so mo sara na e, mo yeke bata tënë ni mbirimbiri. Ti londo na ngoi ti agbia ti Asirii ngbii asi laso, aye ti ngangu so asi na e wani, agbia ti e na amakonzi ti e, awayango-sandaga na awayanga-Nzapa ti e, akotara ti e na azo ti mo kue, ayeke nzoni mo baa ni tongana senge ye pepe.

Abia (Psaumes) 73:8

Ala yeke he azo na ngia, ala yeke tene sioni tënë ti aye ti ngangu so ala ye ti sara na azo; ala yeke tene tënë ni gi na baba.

Ésaïe 37:37

Tongaso Senakerib, gbia ti Asirii alondo na ya ti bâbâ ni, lo kiri na gbata ti Ninive si lo duti kâ.

Ésaïe 37:38

Mbeni lâ, so lo yeke sambela na ya ti da ti nzapa ti lo Nisrok, amolenge ti lo Adramelek na Sareser afâ lo na yongoro zeme si ala kpe ague na sese ti Arara. Molenge ti lo Asaradon laa aga gbia na peko ti lo.

Osée 14:3

Ala kiri na KOTA GBIA si ala tene na lo atënë so: “Sioni so kue e sara so, zi tënë ni na li ti e. Yamba e na nzoni be! E ye ti ya na mo atënë ti yanga ti e, ahon titene e ya na mo *sandaga ti akoli-bagara.

Galasii 2:4

Me ambeni ita ti mvene ali na popo ti e tongana azo ti nzi, ala ye titene a fâ Tite na ganza. Ala ga ti gi ti hinga lege ti dutingo ti e na peko ti so e sigigi na gbe ti ngbaa si e ga oko na Christ. Ala ye ti kiri ti sara e na ngbaa.

2 Timothée 3:8

Azo ni so ake taa-tënë gi tongana ti so Yanes na Yambres ake ando tënë ti Moïse. Li ti azo ni so aga kirikiri si mabe ti ala ayeke ye oko pepe.