Esdras 4:1 - Mbeti ti Nzapa - Tënë so amu fini

¹ Awato ti azuife ti mara ti Juda na ti Benjamin ama a tene, azo ti Israel alondo na kodro wande, ala kiri si ala yeke leke kota da ti *KOTA GBIA, Nzapa ti Israel.

Esdras 4:1 Iomraidhean Croise

Esdras 1:11

Wungo ti akungba ni kue ti lôro na ti wen ti nginza ayeke 5 400. Na ngoi so Sheshebasar na azo ti Israel so a gbu ala ague na ala na kodro wande alondo na Babilone ti kiri na Jérusalem, lo mu akungba ni kue, lo gue na ni.

Esdras 10:16

Me tanga ti azo ti Israel so a gbu ala, a gue na ala lani na kodro wande ayeda na tënë so bongbi ti azo ni atene. Tongaso wayango-sandaga Esdras asoro ambeni makonzi ti asewa na ya ti akete mara oko oko, lo iri ala oko oko kue na iri ti ala. Na kozo lango ti nze baleoko ni, ala duti ti leke tënë ni.

Esdras 10:7

A to mbela na Juda nga na Jérusalem ti hunda na azo so kue a gbu ala lani, a gue na ala na kodro wande si ala kiri so titene ala bongbi tere ti ala na Jérusalem.

Esdras 3:13

Lege titene a hinga go ti azo so ayeke toto na ti azo so ayeke dekongo na ngia ayeke daa pepe, ngbanga ti so azo kue ayeke dekongo ngangu si a yeke ma go ti ala yongoro mingi.

Esdras 6:16

Azo ti Israel, awayango-sandaga, azo ti mara ti Lévi na tanga ti azo so a gbu ala, a gue na ala na kodro wande si ala kiri so, ala kue asara matanga ti ziango kota da ni na maboko ti Nzapa na ngia.

Esdras 7:9

Lo fa lango ti guengo ni na Babilone na kozo lango ti kozo nze ni; lo si na Jérusalem na kozo lango ti nze oku ni, ngbanga ti so maboko ti Nzapa ti lo ayeke lani na ndö ti lo ti bata lo.

Daniel 5:13

Tongaso azo ague, aga na Daniel na dawa ti gbia. Gbia ahunda lo, atene: “Mo laa Daniel? Oko ti azuife so gbia, babâ ti mbi agbu ala na sese ti Juda si aga na ala so?

Daniel 9:25

Alingbi mo hinga ye so si mo ma ya ni: mbeni lâ, a mu yanga titene azo akiri na kodro ti ala na peko ti so a gbu ala, a gue na ala na kodro wande; a mu nga yanga titene azo akiri aleke gbata ti Jérusalem. Ti londo na ngoi ni so ngbii asi na ngoi so a tuku mafuta na li ti mbeni zo titene a zia lo makonzi, ngoi mbarambara ti ngu mbarambara ayeke hon. Na pekoni, na ya ti mbeni ngoi baleomene na use ti ngu mbarambara, a yeke kiri ti leke gbata ni na agbagba ti bira ti gbata ni; me ayeke duti angoi ti ngangu.

1 Korente 16:9

ngbanga ti so Nzapa azi na mbi nzoni lege ti sara kota kua kâ, me awato ayeke mingi.