Esdras 3:2 - Mbeti ti Nzapa - Tënë so amu fini

² Yeshua, molenge ti Yosadak, lo na amba ti lo awayango-sandaga, na Zorobabel, molenge ti Shealtiel, lo na a-ita ti lo alondo ti sara gbalaka ti Nzapa ti Israel. Ala ye ti ya asandaga so a yeke gbi ni kue na wâ na ndö ni alingbi na tënë so a su na ya ti *Ndia ti Moïse, zo ti Nzapa.

Esdras 3:2 Iomraidhean Croise

Tongo nda ti aye 12:7

KOTA GBIA asi na Abram si lo tene na Abram, lo tene: “Mbi yeke mu ande kodro so na *ahale ti mo.” Abram aleke mbeni gbalaka na ndo so ndali ti KOTA GBIA so asi na lo.

1 Mbai 23:14

Ti Moïse, lo yeke zo ti Nzapa; me a diko amolenge ti lo tongana asenge zo na popo ti azo ti mara ti Lévi.

1 Mbai 3:17

Yekonia so a kanga lo si a gue na lo na Babilone: amolenge ti lo ayeke Shealtiel,

1 Mbai 3:19

Amolenge ti Pedaya ayeke Zorobabel na Shimei. Zorobabel adu amolenge-koli use: Meshulam na Hanania; lo du nga molenge-wali so iri ti lo Shelomit.

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

Esdras 10:18

Na popo ti awayango-sandaga, akoli so amu awali so ayeke awande, ayeke so: ambeni koli ti kete mara ti Yeshua na a-ita ti lo, amolenge ti Yosadak: akoli ni ayeke Maaseya, Eliezer, Yarib na Gedalia.

Esdras 10:20

Na popo ti *ahale ti Imer, akoli ni ayeke Hanani na Zebadia;

Esdras 10:21

na popo ti ahale ti Harim, akoli ni ayeke Maaseya, Elia, Shemaya, Yehiel na Uzia;

Esdras 10:22

na popo ti ahale ti Pashehur, akoli ni ayeke Eliohenai, Maaseya, Ismael, Netaneel, Yozabad na Elasa.

Esdras 2:2

Ala na Zorobabel, Yeshua, Nehemia, Seraya, Relaya, Mordokai, Bileshan, Mispar, Bigvai, Rehum na Baana laa akiri. Wungo ti akoli ti Israel na lege ti kete mara ti ala ayeke tongaso:

Esdras 3:8

Na ngu use ni so ala si na Jérusalem, na ndo so kota da ti Nzapa ayeke lani daa, na use nze ni, Zorobabel, molenge ti Shealtiel, lo na Yeshua, molenge ti Yosadak, na tanga ti a-ita ti ala, na awayango-sandaga, na azo ti mara ti Lévi nga na azo so kue a gbu ala lani, a gue na ala na kodro wande si ala kiri na Jérusalem, ala to nda ti kua ni. Ala soro azo ti mara ti Lévi so ngu ti ala ayeke baleuse wala ahon so titene ala baa ndo na ndö ti akua ti lekengo da ti KOTA GBIA.

Esdras 5:2

Tongaso Zorobabel, molenge ti Shealtiel, lo na Yeshua, molenge ti Yosadak alondo ti leke kota da ti Nzapa so ayeke na Jérusalem. Awayanga-Nzapa amu maboko na ala.

Néhémie 12:1

So ayeke iri ti awayango-sandaga na azo ti mara ti Lévi so alondo na ngbaa na kodro wande si ala kiri laa. Ala na Zorobabel, molenge ti Shealtiel na Yeshua laa akiri oko. Azo ni ayeke: Seraya, Irmeya, Ezra,

Néhémie 12:8

Azo ti mara ti Lévi ayeke: Yeshua, Binui, Kadmiel, Sherebia, Yehuda na Matania. Matania na a-ita ti lo ayeke azo ti hengo bia ti sepelango na Nzapa.

Abia (Psaumes) 78:68

Me lo soro mara ti Juda, lo ye gi hoto ti *Sion.

Sigingo 27:1

“Fade ala yeke sara gbalaka na keke ti akasia ti ya *asandaga na ndö ni. Yongoro ni metere use na ndambo alingbi tere mbage na mbage kue. Yongo ni na nduzu metere oko na ndambo.

Aggée 1:1

Na ngu use ni so Darius ayeke gbia, na lango oko ti nze omene ni, tënë ti *KOTA GBIA asi na wayanga-Nzapa Aggée titene lo tene peko ni na Zorobabel, govoronere ti sese ti Juda, molenge ti Shealtiel. Lo tene nga peko ti tënë ni na kota wayango-sandaga Yeshua, molenge ti Yosadak.

Aggée 1:12

Tongaso Zorobabel, molenge ti Shealtiel, na Yeshua, kota wayango-sandaga, molenge ti Yosadak na tanga ti azo ti kodro ni kue ama atënë ti KOTA GBIA, Nzapa ti ala, atënë so lo zia na yanga ti wayanga-Nzapa Aggée titene lo tene peko ni na ala si azo ni akpe mbeto ti KOTA GBIA.

Aggée 1:14

KOTA GBIA amu ngangu na be ti Zorobabel, govoronere ti sese ti Juda, molenge ti Shealtiel; lo mu nga ngangu na be ti kota wayango-sandaga Yeshua, molenge ti Yosadak nga na tanga ti azo ti kodro ni. Ala ga si ala to nda ti sara kua ti kota da ti KOTA GBIA, Nzapa ti ala so ayeke na ndö ti dunia kue.

Aggée 2:21

“Tene na Zorobabel, govoronere ti sese ti Juda, mo tene: ‘Fade mbi yeke yingi nduzu na sese.

Aggée 2:23

So tënë ti yanga ti KOTA GBIA so ayeke na ndö ti dunia kue laa: Na lango ni so, fade mbi yeke mu mo, Zorobabel, molenge ti Shealtiel, mo so mo yeke zo ti kua ti mbi, so tënë ti yanga ti KOTA GBIA laa, mbi yeke zia mo tongana *ye ti kpongo na nzoroko ti mbi, ngbanga ti so, mo laa mbi soro mo; so tënë ti yanga ti KOTA GBIA so ayeke na ndö ti dunia kue laa.’ ”

Zakarii 3:1

Na pekoni, na ya ti mbeni ye tongana bango-li, *KOTA GBIA asara si mbi baa kota wayango-sandaga Yeshua. Lo yeke luti na dawa ti *ange ti KOTA GBIA. Andaa Satan ayeke luti na mbage ti maboko ti lo ti koli, ti bi tënë na li ti lo.

Zakarii 3:8

“Yeshua, kota wayango-sandaga, mo ma mbi! Ala awayango-sandaga, ala so ala na lo ayeke sara kua so, ala ma mbi! Biani, ala awayango-sandaga, ala yeke tongana ye so ayeke fa na azo tënë ti mbeni ye so ayeke si ande. Mbi yeke sara si zo ti kua ti mbi aga, lo so iri ti lo ayeke ‘Kete keke so asigigi’.

Zakarii 6:11

Fade mo mu wen ti nginza na lôro, mo leke na kpoto ti gbia, mo zia na li ti kota wayango-sandaga, Yeshua, molenge ti Yosadak.

Wungo ti azo 28:2

“Mu yanga so na azo ti Israel, mo tene: Ala sara hange ti mu na mbi *asandaga so ayeke ti mbi alingbi na ngoi ni; so ti tene asandaga ti kobe so ala yeke gbi ni kue na wâ si fion ni anzere na mbi.

Nzoni Tënë so Luc asu na mbeti 3:27

Yoda ayeke molenge ti Yohanan; Yohanan ayeke molenge ti Resa; Resa ayeke molenge ti Zorobabel; Zorobabel ayeke molenge ti Shealtiel; Shealtiel ayeke molenge ti Neri;

Awafango-ngbanga 6:24

Na ndo ni so, Gédéon aleke mbeni gbalaka na KOTA GBIA si lo di iri ni: “KOTA GBIA ayeke mu siriri.” Gbalaka ni angba na Ofra, kodro ti kete mara ti Abiezer ngbii asi laso.