Esdras 1:9 - Mbeti ti Nzapa - Tënë so amu fini

⁹ Wungo ti akungba ni ayeke tongaso: akpangbara sembe ti lôro 30, akpangbara sembe ti wen ti nginza 1 000, azeme 29;

Esdras 1:9 Iomraidhean Croise

1 Agbia 7:50

adu ti sembe, aye ti mingongo na wâ, adu ti sembe so a tuku mene daa ti fi na tere ti aye, akete ta ti zongo na dukani, aye so kue ayeke na lôro ti nzoni ni; awen ti agere ti ayanga ti kubu so iri ni “Ndo so ayeke nde si ayeke nzoni kue ahon atanga ni” nga na awen ti agere ti ayanga ti kota kubu ni, aye ni kue ayeke gi na lôro.

2 Agbia 25:15

Makonzi ti aturugu ti batango gbia akiri amu aye so kue a sara na lôro nga na wen ti nginza si ague na ni; aye ni ayeke tongana: asembe so a yeke zia ale ti wâ daa na adu ti sembe so a yeke tuku mene daa ti fi na tere ti aye.

2 Mbai 24:14

So ala hunzi kua ni awe, ala ga na tanga ti nginza ni na gbia nga na Yoyada. Azo so ayeke baa ndo na ndö ti kua ni amu nginza ni si asara na akungba ndali ti kota da ti KOTA GBIA: asembe ti sarango na kua ti KOTA GBIA, asembe ndali ti *asandaga so a yeke gbi ni kue na wâ, akopo nga na ambeni kungba so a sara na lôro nga na wen ti nginza. Na lango so kue Yoyada angba na fini, a yeke mu asandaga so a yeke gbi ni kue na wâ lakue lakue na ya ti kota da ti KOTA GBIA.

2 Mbai 4:11

Huram asara adu ti sembe, apao nga na akopo. Aye so gbia Salomon amu yanga na lo ti sara ndali ti kota da ti Nzapa, Huram asara ni kue awe. Aye ni ayeke so:

2 Mbai 4:8

A sara ameza baleoko si a zia ni na ya ti kota da ti Nzapa: oku na mbage ti maboko ti koli, oku na mbage ti maboko ti wali. A sara akopo ngbangbo oko na lôro titene a zia mene daa ti fi na tere ti aye.

Esdras 1:10

akota sembe ti lôro 30, akota sembe ti wen ti nginza 410 so apendere mingi pepe na ambeni kungba 1 000.

Esdras 8:26

Mbi mu na ala wen ti nginza so nengo ni kilo 20 000, aye ti ngangu ngere so a sara ni na wen ti nginza, nengo ni kilo 3 000 na lôro so nengo ni kilo 3 000.

Esdras 8:27

Mbi mu na ala kota sembe ti lôro so ngere ni alingbi na ale ti lôro 1 000; ata use so a sara ni na bengba wen si ayeke za zango, apendere mingi si ayeke nga ye ti ngangu ngere tongana lôro.

Esdras 8:30

Tongaso awayango-sandaga na azo ti mara ti Lévi amu wen ti nginza, lôro na aye ti ngangu ngere so a haka so titene ala gue na ni na Jérusalem, na ya ti kota da ti Nzapa ti e.

Wungo ti azo 7:13

Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti *sandaga ti ale ti kobe.

Matthieu 14:8

Mama ti molenge-wali ni apusu lo si molenge-wali ni atene na Herode: “Mu na mbi li ti Jean-Baptiste na ya ti kpangbara sembe fafadeso, na ndo so!”