Esdras 1:6 - Mbeti ti Nzapa - Tënë so amu fini

⁶ Azo so kue ayeke nduru na azo ti Israel amu maboko na ala na lege ti aye nde nde so a sara na wen ti nginza nga na lôro. Azo ni amu nga na ala ambeni nzoni ye, aye mingi ti ngangu ngere na anyama; na ndö ni, ala mu aye so zo amu na be ti lo wani ndali ti kota da ti KOTA GBIA.

Esdras 1:6 Iomraidhean Croise

1 Mbai 29:9

Azo ni kue ayeke na ngia, ngbanga ti so ala mu aye na KOTA GBIA na be ti ala kue nga na nzoni be. Be ti David asi singo na kota ngia.

Esdras 1:4

Na ya ti akodro so kue azo ti Israel ayeke daa, alingbi azo ti kodro ni amu maboko na ala na gango na ala wen ti nginza, lôro na ambeni nzoni ye. Ala lingbi nga ti mu na azo ti Israel anyama nga na aye so zo ayeke mu na be ti lo wani ndali ti kota da ti Nzapa so ayeke na Jérusalem.”

Esdras 8:33

Na lango osio ni, e gue na ya ti kota da ti Nzapa ti e, e haka wen ti nginza, lôro na aye ti ngangu ngere ni. Na pekoni, e mu aye ni na wayango-sandaga Meremot, molenge ti Uria; wayango-sandaga Elazar, molenge ti Pinas, lo na azo ti mara ti Lévi Yozabad, molenge ti Yeshua, na Noadia, molenge ti Binui laa amu peko ti Meremot.

Néhémie 6:9

Biani, azo so kue aye ti bi mbeto na ya ti e; nilaa ala tene: “Gbaa, fade be ti ala ayeke woko si ala yeke do lege ti kua ni ti zia.” KOTA GBIA, mo mu na mbi ngangu ndali ti kua ni!

Abia (Psaumes) 106:46

Lo sara si azo so agbu ala si ague na ala na kodro wande, azo ni akiri abaa mawa ti ala.

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

Sigingo 12:35

Azo ti Israel asara ye ni alingbi na tënë ti Moïse: ala hunda na azo ti Ezipte aye so a sara na wen ti nginza na lôro; ala hunda nga abongo.

Sigingo 12:36

KOTA GBIA asara si azo ti Ezipte abaa azo ti Israel na nzoni le. Nilaa ala mu na azo ti Israel aye so kue ala hunda. Lege so azo ti Israel amu aye na tere ti azo ti Ezipte kue ahon na ni laa.

Ésaïe 35:3

Ala sara si maboko so awoko, akiri awara ngangu; ala sara si alikunu so awoko, akiri akpengba.

2 Korente 9:7

Alingbi zo oko oko amu ye tongana ti so lo leke na be ti lo, na vundu pepe, wala mbeni zo agbu lo na ngangu pepe titene lo mu ni. Biani, Nzapa aye zo so ayeke mu ye na ngia.