Daniel 9:3 - Mbeti ti Nzapa - Tënë so amu fini

³ Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Daniel 9:3 Iomraidhean Croise

2 Samuel 12:16

David avoro Nzapa ndali ti molenge ni, lo ke kobe ti sambela. Na bi, na da ti lo, lo yeke lango gi na sese.

Esdras 10:6

Tongaso Esdras alondo na dawa ti kota da ti Nzapa, lo gue na da ti Yohanan, molenge ti Eliashib si lo duti kâ. Lo ke ti te kobe, lo ke nga ti nyon ngu, ngbanga ti so vundu agbu lo mingi ndali ti sioni ye mingi so amba ti lo azo ti Israel asara, so ti tene ala so a gbu ala a gue na ala na kodro wande si ala kiri so.

Esdras 8:21

Kâ na tere ti ngu ti Ahava, mbi mu yanga titene e ke kobe, e sara tere ti e kete na gbe ti Nzapa. Tongaso si e, na asewa ti e, e hunda na lo ti sara si tambula ti e ague nzoni si ye asara akungba ti e pepe.

Esdras 9:5

Na ngbonga ti mungo *sandaga ti lakui, mbi londo na ya ti vundu ti mbi. Abongo ti mbi na yongoro bongo ti mbi so a suru so angba na tere ti mbi. Mbi ti na sese na likunu ti mbi, mbi yoro maboko ti mbi na nduzu na *KOTA GBIA Nzapa ti mbi,

Néhémie 9:1

Na lango baleuse na osio ti oko nze ni so, azo ti Israel abongbi ti ke kobe ti sambela. Ala yu bongo ti mua, ala tuku fuku ti sese na li ti ala.

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Mbeti ti Job 42:6

Ndani laa, be ti mbi aso ndali ti tënë so lani mbi tene. Mbi hinga so tënë ni ayeke na legeni pepe; mbi duti na ya ti fuku ti sese, na ya ti mburu ti wâ.

Abia (Psaumes) 35:13

Na ndembe so lani awato ti mbi ayeke na kobela, mbi yu bongo ti mua, mbi ke kobe, mbi sara tere ti mbi kete si mbi zia ti sambela pepe.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Ezekiel 36:37

“Tënë so mbi Kota Gbia NZAPA, mbi tene ayeke so: Mbi yeke kiri ti zia lege na azo ti Israel ti gi mbi si mbi yeke sara ye ndali ti ala; mbi yeke sara titene ala kiri awu mingi tongana bongbi ti ataba.

Daniel 6:10

Tongaso, gbia Darius asu maboko ti lo na gbe ti kota mbela ni.

Daniel 9:2

Na kozo ngu so lo ga gbia, mbi Daniel, mbi yeke gi na ya ti Mbeti ti Nzapa titene mbi hinga wungo ti ngu so KOTA GBIA atene tënë ni na wayanga-Nzapa Jérémie. Na ya ti angu so laa gbata ti Jérusalem ayeke ngba na bubango ni; wungo ti ngu ni kue ayeke balembarambara.

Daniel 9:20

“Mbi ngba ti tene tënë, ti sambela si ti fa siokpari ti mbi na ti azo ti mbi so ayeke azo ti Israel; mbi ngba ti voro tere ti mbi na KOTA GBIA Nzapa ti mbi ndali ti hoto ti lo so ayeke nde si ayeke nzoni kue.

Daniel 9:4

Mbi sambela KOTA GBIA, Nzapa ti mbi si mbi fa siokpari so na lo, mbi tene: “Ae! KOTA GBIA, mo yeke kota, azo alingbi ti kpe mbeto ti mo mingi. Mo yeke bata tënë ti *mbuki ti mo na azo so abata andia ti mo; mo yeke sara nzoni be na azo so aye mo.

Joël 1:13

Ala awayango-sandaga, ala yu bongo ti mua, ala toto; ala so ayeke sara kua na tere ti gbalaka, ala dema tere ti ala! Ala azo so ayeke sara kua ti Nzapa ti mbi, ala ga, ala yu bongo ti mua, ala lango na ni na bi kue, ngbanga ti so azo ayeke na sandaga ti *ble na ti samba pepe ti ga na ni na ya ti kota da ti Nzapa.

Joël 2:12

So tënë ti yanga ti *KOTA GBIA laa: “Fadeso, ngoi titene ala kiri na mbage ti mbi na be ti ala kue laa; ala ke kobe ti sambela, ala toto, ala dema tere ti ala na mbi!

Jonas 3:5

Azo ti Ninive ayeda na tënë ti Nzapa. Ti londo na azo ti mosoro asi na azo ti mawa, ala leke be ti ala kue ti ke kobe, ala yu bongo ti mua.

Matthieu 17:21

Me gi na lege ti sambela na kengo kobe laa ala lingbi ti tumba mara ti yingo so.”]

Nzoni Tënë so Luc asu na mbeti 2:37

Na pekoni, lo ga wali-mua; lo yeke na ngu balemiombe na osio, lo ngba gi na ya ti kota da ti Nzapa; bi na lâ, lo yeke sara kua ti Nzapa, lo yeke ke kobe si lo yeke sambela.

Awatokua 10:30

Corneille akiri tënë: “Asara lango ota laso, na ngbonga ota ti peko ti bekombite, mbi yeke sambela na ya ti da ti mbi. Mo ye ti baa, mbeni koli so bongo ti tere ti lo aza zango aga aluti na dawa ti mbi;