Daniel 9:2 - Mbeti ti Nzapa - Tënë so amu fini

² Na kozo ngu so lo ga gbia, mbi Daniel, mbi yeke gi na ya ti Mbeti ti Nzapa titene mbi hinga wungo ti ngu so KOTA GBIA atene tënë ni na wayanga-Nzapa Jérémie. Na ya ti angu so laa gbata ti Jérusalem ayeke ngba na bubango ni; wungo ti ngu ni kue ayeke balembarambara.

Daniel 9:2 Iomraidhean Croise

2 Mbai 36:21

Tongaso tënë so KOTA GBIA atene na lege ti wayanga ti lo Jérémie aga taa-tënë: “Fade azo ayeke ngba na ya ti kodro ni pepe na ya ti ngu balembarambara ngbii ngoi ti wungo tere ti kodro ni alingbi. Ye ni ayeke mu plase ti ngoi ti wungo tere so lani ala sara ye alingbi na ni pepe so.”

Esdras 1:1

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Abia (Psaumes) 119:24

Aye so mo hunda na mbi anzere na mbi mingi, ni laa ayeke mu wango na mbi.

Ésaïe 64:10

Pendere kota da so ayeke nde si ayeke nzoni kue, ndo so akotara ti e ayeke he ando bia daa ti sepela na mo, wâ agbi ni awe. Aye so kue e ye ni mingi abuba kue.

Jérémie 1:1

So ayeke atënë ti Jérémie, molenge ti Hilkia. Lo yeke mbeni oko na popo ti awayango-sandaga so ayeke lango na Anatot, na sese ti Benjamin.

Jérémie 25:18

Mbi to nda ni na Jérusalem nga na gbata ti sese ti Juda na agbia ni, na akota zo ti kodro ni. Mbi sara si agbata ni aga ndo ti gba ti atêne si aga ye ti dongo be, ye so azo ayeke huru yanga ti ala na bango ni; aga tapande ndali ti azo so ayeke deba amba ti ala. Ye so asi laso laa.

Jérémie 26:18

“Na ngoi so Ezekias ayeke gbia ti Juda, Mishe ti gbata ti Moreshet ayeke daa; lo yeke mbeni wayanga-Nzapa. Mishe atene na azo ti Juda kue, lo tene: Tënë so KOTA GBIA so ayeke na ndö ti dunia kue atene ayeke so: ‘Fade *Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.’

Jérémie 26:6

Tongana ala ma pepe, fade mbi yeke buba kota da ti Nzapa so, tongana ti so mbi buba ti Silo. Mbi yeke sara si gbata ti Jérusalem aga tapande ti dengo ba ndali ti amara ti sese kue.’ ”

Jérémie 27:7

Fade amara kue ayeke sara kua na lo; ala yeke sara kua na molenge ti lo nga na ata ti lo ngbii asi na ngoi so kodro ti lo wani ayeke ti na gbe ti ambeni mara nga na agbia so ayeke ngangu ahon lo.

Jérémie 29:10

“Tënë so KOTA GBIA akiri atene ayeke so: ‘Tongana ngu balembarambara so a diko ndali ti Babilone so ahon awe, mbi yeke ga ti baa lege ti ala; nzoni ye so mbi mu zendo ti sarango ni na ala, fade mbi yeke sara ni: mbi yeke kiri na ala ge na Jérusalem.

Jérémie 7:34

Mbi yeke kai ngia ti azo na ya ti agbata ti Juda nga na ndö ti alege ti Jérusalem; mbi yeke kai nzerengo tere ti azo so ayeke he bia; mbi yeke kai bia ti koli na wali so ayeke sara matanga ti mungo tere. Biani, ngia ti ala ni ayeke kai, ngbanga ti so kodro ni abuba kue.

Abia ti demango tere 1:1

Azo-oo, azo! Taa gbata so ando azo asi singo daa so, ni laa angba fadeso gi lo oko so-oo! Gbata so iri ni awu ando na popo ti agbata kue so, ni laa aga fadeso tongana mbeni wali-mua so-oo! Gbata so ayeke ando na ndö ti akete-kodro kue so, ni laa fadeso kua ti ngbaa ahon ndö ti lo so-oo!

Ezekiel 29:11

Gere ti zo oko ayeke kiri ti do ndo ni pepe; gere ti nyama oko ayeke kiri ti do ndo ni pepe. Na ya ti ngu baleosio, ye oko ayeke duti kâ pepe.

Daniel 9:3

Mbi yo le ti mbi na nduzu ti baa ndo na mbage ti KOTA GBIA ti sambela lo, ti voro tere ti mbi na lo. Mbi ke kobe, mbi yu bongo ti mua si mbi tuku mburu ti wâ na li ti mbi.

Mishe 3:12

Ndani laa, ndali ti ala, fade Sion ayeke ga tongana yaka so a de ni awe, Jérusalem ayeke ti kue na sese si hoto so kota da ti Nzapa ayeke daa, ndö ni ayeke ga ngonda.

Zakarii 1:12

Na pekoni, ange ti KOTA GBIA akiri amu tënë si atene: “KOTA GBIA, mo so mo yeke na ndö ti dunia kue so, asara fadeso ngu balembarambara awe so mo sara ngonzo na tere ti gbata ti Jérusalem na agbata ti Juda. Mo yeke ku ngbii asi lawa si mo yeke baa mawa ti ala?”

Zakarii 7:5

Mo tene na azo ti kodro ni kue nga na awayango-sandaga, mo tene: “Asara laso ngu balembarambara awe so ala yeke ke kobe si ala yeke toto na nze oku ni nga na nze mbarambara ni; ala sara aye ni so ndali ti mbi?

Matthieu 24:15

“Ndani laa, fade ala yeke baa ye so iri ni ‘Sioni-kpale-ti-bubango-ndo-kue’ so Daniel, wayanga-Nzapa, atene tënë ni ando so. Sioni kpale ni ayeke duti na ndo so ayeke nde si ayeke nzoni kue. – Mo so mo yeke diko mbeti so, mo gi nda ti ye so nzoni! –

Marc 13:14

“Fade ala yeke baa ye so iri ni ‘Sioni-kpale-ti-bubango-ndo-kue’ so ayeke duti na ndo so sioni kpale ni alingbi fade ti duti daa pepe. (Mo so mo yeke diko mbeti so, mo gi nda ti ye so nzoni!) Tongaso, azo so ayeke na sese ti Judée, alingbi ala kpe ague na li ti ahoto;

Awatokua 8:34

Mbaiwa ni ahunda Philippe, atene: “Mbi gbu gere ti mo, tene na mbi: zo wa laa wayanga-Nzapa ni ayeke tene tënë ti lo so? Lo tene tënë ni na ndö ti lo wani wala na ndö ti mbeni zo nde?”

1 Timothée 4:13

Ti ku na gango ti mbi, ayeke nzoni mo zia be ti mo na dikongo Mbeti ti Nzapa, na mungo wango na azo nga na fango ye na azo.

Aye so Nzapa afa 1:3

Ti lo nzoni, zo so ayeke diko mbeti so! Ti ala nzoni, azo so ayeke ma tënë ti peko ti yanga ti Nzapa so si ala yeke sara ye alingbi na tënë ti ya ti buku so! Ngoi ti aye ni aga nduru ti si awe.