Daniel 8:7 - Mbeti ti Nzapa - Tënë so amu fini

⁷ Mbi baa lo ga nduru na tere ti koli-taba ni; ngonzo alondo na be ti lo tongana wâ na tere ti lo. Lo pika koli-taba ni si lo fâ adidi ti lo use so. Me koli-taba ni ayeke na ngangu pepe ti gbu le ni na koli-ngasa ni. Lo bi lo na sese, lo do lo si zo oko so alingbi ti zi koli-taba ni na gbe ti koli-ngasa ni ayeke daa pepe.

Daniel 8:7 Iomraidhean Croise

Daniel 11:11

Ngonzo ayeke gbu gbia ti Mbongo sioni sioni si lo yeke gue ti sara bira na gbia ti Banga. Gbia ti Banga ayeke bongbi aturugu gbani gbani, me ala yeke ti na gbe ti gbia ti Mbongo.

Daniel 7:12

A zi komandema na maboko ti tanga ti anyama ni, me asara si ala lingbi ti ngba na fini na ya ti mbeni ngoi so a diko ndali ti ala.

Daniel 7:7

Na pekoni mbi baa ndo, mbi baa na bi na ya ti mbeni ye tongana bango-li osio nyama ni. Lo yeke mu mbeto mingi na zo, lo yeke taa sioni sioni; ngangu ti lo ahon ndoni. Lo yeke na akota pembe ti wen so lo yeke te na ye, lo yeke suru na ya ti aye kete kete. Aye so lo yeke te ni pepe, lo yeke do na gere ti lo. Lo yeke ti lo nde na akozo nyama ota so; lo yeke na didi baleoko.

Daniel 8:10

Kete didi ni aga kota ngbii asi na ndo so aturugu ti yayu ayeke daa. Lo kinda ambeni turugu ni na ambeni tongoro ni na sese si lo do ala na gbe ti gere ti lo.

Daniel 8:6

Lo si na tere ti koli-taba so ayeke na didi use, lo so mbi baa lo si lo yeke luti na yanga ti ngu so. Koli-ngasa ni akpe loro, ati na ndö ti koli-taba ni na ngangu ti lo kue.

Daniel 8:8

Koli-ngasa ni akono mingi. Me so ngangu ti lo ahon ndoni awe, kota didi ti lo ni afâ si akota didi osio asigigi na ndo ni; ala sigigi na ndangoro osio ti le ti nduzu.

Awayango-sandaga 26:37

Ala yeke ti na sese na ndö ti tere tongana ti so zo ayeke kpe na dawa ti wato, ataa so zo oko ayeke tumba peko ti ala pepe. Ala lingbi ti gbu le ni na awato ti ala pepe.

Josué 8:20

Azo ti Ai abaa ndo na peko ti ala, ala baa so guru ti wâ alondo na ya ti gbata ni si ayeke gue na nduzu. Ala hinga ndo so ala lingbi ti kpe daa pepe, ngbanga ti so azo ti Israel so ayeke kpe fade ti gue na mbage ti benyama, ala kiri na peko ti tiri na azo so ayeke tumba peko ti ala.