Daniel 8:4 - Mbeti ti Nzapa - Tënë so amu fini

⁴ Mbi baa koli-taba ni ayeke pika ye na didi ti lo na mbage ti Do, na mbage ti Banga nga na mbage ti Mbongo. Mbeni nyama so alingbi ti gbu le ni na lo ayeke daa pepe; mbeni zo so alingbi ti zi zo na maboko ti lo ayeke daa pepe. Koli-taba ni ayeke sara gi ye so be ti lo aye si lo yeke kono lakue.

Daniel 8:4 Iomraidhean Croise

1 Agbia 22:11

Na popo ti awayanga-nzapa ni, Sidekia, molenge ti Kenaana ayeke daa; lo mu wen, lo leke na adidi si lo tene: “Tënë so KOTA GBIA atene ayeke so: ‘Na adidi so, fade mo yeke fâ azo ti Sirii ngbii mo hunzi ala kue.’ ”

Mbeti ti Job 10:7

Mo hinga kue, mo tene, mbi sara sioni pepe, zo oko ti zi mbi na maboko ti mo ayeke daa pepe!

Abia (Psaumes) 44:5

Nzapa ti mbi, mo yeke Gbia ti mbi, mo laa mo yeke mu yanga si azo ti mo ayeke so benda.

Abia (Psaumes) 50:22

Ala so agirisa mbi Nzapa so, ala ma mbi nzoni! Tongaso pepe, mbi yeke suru ya ti ala si mbeni zo ti soo ala ayeke daa pepe.

Abia (Psaumes) 7:2

KOTA GBIA, Nzapa ti mbi, mbi kpe na mo ti bata tere ti mbi; soo mbi, zi mbi na maboko ti azo so ayeke sara ngangu na mbi!

Ezekiel 34:21

Ala pusu angengo taba ni na kate ti ala, ala pusu ala na ndö ti go ti ala; ala mu didi akpo na ataba so kue ayeke na kobela; ala sara ngbii ataba ni akangbi kirikiri, yongoro na ndo ti tengo pere.

Daniel 11:16

Zo so ayeke ga ti mu kodro ni ayeke sara ye tongana ti so be ti lo aye, ngbanga ti so zo ti kanga lege na lo ayeke daa pepe. Lo yeke duti na ya ti pendere kodro ni si lo yeke buba aye kue.

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Daniel 5:19

Ndali ti so Nzapa asara si lo ga kota zo mingi, azo kue, azo ti amara nde nde kue na azo ti ayanga ti kodro nde nde kue ayeke do na mbeto na le ti lo. Lo yeke fâ zo so be ti lo aye si lo yeke zia zo so be ti lo aye ti ngba na fini; lo yeke zia na kota ndo zo so be ti lo aye si lo yeke zia na kete ndo zo so be ti lo aye.

Daniel 5:30

Gi na bi ni, azo afâ Baltazar, gbia ti Babilone.

Daniel 7:5

Use nyama ni ayeke tongana *urse. Lo mu tere ti lo na nduzu si lo luti mbage oko; abio ota ti kate ayeke na yanga ti lo, na popo ti apembe ti lo. A mu yanga na lo, atene: ‘Londo, mo te akasa mingi!’

Daniel 8:7

Mbi baa lo ga nduru na tere ti koli-taba ni; ngonzo alondo na be ti lo tongana wâ na tere ti lo. Lo pika koli-taba ni si lo fâ adidi ti lo use so. Me koli-taba ni ayeke na ngangu pepe ti gbu le ni na koli-ngasa ni. Lo bi lo na sese, lo do lo si zo oko so alingbi ti zi koli-taba ni na gbe ti koli-ngasa ni ayeke daa pepe.

Mishe 5:8

“Sara bira na awato ti mo, mo fâ ala kue!”

Ndia ti fani use ni 33:17

Ayeke nzoni azo agonda Joseph! Lo yeke tongana kozo molenge ti koli-bagara. Adidi ti lo use ayeke ngangu tongana ti ngbä; lo yeke pika amara na ni, lo pusu ala ngbii lo si na ala na nda ti sese. Didi oko ayeke gba ti azo ti mara ti Efraim; mbeni didi ni ayeke azo ti mara ti Manase so ayeke saki saki.”