Daniel 8:3 - Mbeti ti Nzapa - Tënë so amu fini

³ Mbi yo le ti mbi na nduzu, mbi baa mbeni koli-taba so aluti na yanga ti ngu ni. Lo yeke na ayongoro didi use; me didi so asigigi na peko ayo ahon ti so asigigi kozo so.

Daniel 8:3 Iomraidhean Croise

1 Mbai 21:16

David ayo le ti lo na nduzu si lo baa ange ti KOTA GBIA so ayeke luti na popo ti yayu na sese. Ange ni agbu na maboko ti lo yongoro zeme so a zi na ya ti bozo ni, lo yoro ni na mbage ti Jérusalem. David na *akangba ayu bongo ti mua, ala ti akpo li ti ala na sese.

Esdras 1:2

“Tënë so mbi Sirus, gbia ti Perse, mbi tene ayeke so: KOTA GBIA, Nzapa ti yayu azia na gbe ti mbi akodro-gbia kue ti sese. Lo mu yanga na mbi ti leke na lo da na Jérusalem, na sese ti Juda.

Esdras 4:5

Ti londo na ngoi so kue Sirus ayeke gbia ti Perse ngbii asi na ngoi so Darius aga gbia ti Perse, awato ni amu nginza na awamungo-wango ti gbia ti sara titene pialo ti azuife ali ngu.

Esther 1:3

lo leke mbeni kota matanga ti tengo kobe ndali ti akota zo ti kua ti lo kue na akota zo ti akua nde nde. Lo leke nga ni ndali ti akota zo so ayeke na li ti aturugu ti Perse na ti Medii, nga ndali ti azo so azo ane ala mingi na akota zo ti kua ti kodro ni kue.

Ésaïe 13:17

KOTA GBIA atene: “Mbi yeke tokua azo ti mara ti Medii na tere ti ala; azo ni ayeke sara nzara ti nginza pepe, ala yeke nga na nzara ti lôro pepe.

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ésaïe 44:28

Tënë so mbi tene na ndö ti Sirus ayeke so: ‘Lo yeke wabatango-taba ti mbi. Ye so mbi ye, fade lo yeke sara si aga nzoni. Lo yeke mu yanga titene a kiri aleke Jérusalem, titene a kiri alu gere ti kota da ti Nzapa.’ ”

Jérémie 51:11

KOTA GBIA aleke na be ti lo ti buba kodro ti Babilone. Ndani laa lo zia nzara ni na be ti agbia ti Medii. Biani, KOTA GBIA akiri na awato ti e peko ti sioni ti ala awe; lo kiri na ala peko ti sioni so ala sara na kota da ti lo. Ala leke yanga ti ale ti kokora, aza! Ala mu ni asi ya ti abozo ni!

Daniel 10:5

So mbi yo le ti mbi na nduzu, mbi baa mbeni zo aluti, lo yu bongo ti *len si kamba ti ndö ti bongo ti lo ayeke na lôro ti nzoni ni.

Daniel 2:39

Na peko ti mo, fade mbeni kodro ayeke londo; kodro ni ayeke duti na ngangu tongana ti mo pepe. Na pekoni, fade mbeni ota kodro ayeke londo; kodro ni laa ayeke na bengba wen so. Lo yeke sara komandema na ndö ti sese kue.

Daniel 6:28

Lo yeke zi azo si lo yeke soo azo na kuâ; lo yeke sara aye ti dongo be na aye ti kpene, lo yeke sara ni na yayu nga na sese. Lo laa lo zi Daniel na yanga ti abamara.”

Daniel 7:5

Use nyama ni ayeke tongana *urse. Lo mu tere ti lo na nduzu si lo luti mbage oko; abio ota ti kate ayeke na yanga ti lo, na popo ti apembe ti lo. A mu yanga na lo, atene: ‘Londo, mo te akasa mingi!’

Daniel 8:2

Ye so mbi baa na ya ti mbeni ye tongana bango-li ayeke tongaso: Mbi baa tere ti mbi tongana mbi yeke na yanga ti ngu so iri ni Ulai, na Suze, li-kodro ni so ngangu gbagba ayeke na tere ni si ayeke na sese ti Elam.

Daniel 8:20

Koli-taba so mo baa lo si lo yeke na didi use so ayeke agbia ti Medii na ti Perse.

Zakarii 2:1

Mbi yo le ti mbi na nduzu si na ya ti mbeni ye tongana bango-li, mbi kiri mbi baa adidi osio.

Zakarii 5:1

Mbi kiri mbi yo le ti mbi na nduzu si na ya ti mbeni ye tongana bango-li, mbi baa mbeni mbeti so a rule ni rulengo si ayeke huru na le ti nduzu.

Zakarii 5:5

*Ange so ayeke tene tënë na mbi so aga si atene na mbi: “Yo le ti mo na nduzu, mo baa ye so ayeke ga so.”

Zakarii 5:9

Mbi yo le ti mbi na nduzu si na ya ti mbeni ye tongana bango-li, mbi baa awali use so ayeke ga. Amaboko ti ala ayeke daa tongana *kpangi ti kota ndeke. Pupu ayeke ya na ya ti kpangi ti ala si amu ala ahon na ala na le ti nduzu. Awali ni ayo sakpa ni ahon na ni na le ti nduzu, na popo ti sese na yayu.

Zakarii 6:1

Mbi kiri mbi yo le ti mbi na nduzu si na ya ti mbeni ye tongana bango-li, mbi baa apusu ti mbarata osio so alondo na popo ti ahoto use si ayeke ga. Ahoto ni ayeke na bengba wen.

Wungo ti azo 24:2

Balaam ayo le ti lo na nduzu si lo baa azo ti Israel asara bâbâ ti ala mara na mara. Yingo ti Nzapa aga na ndö ti lo.

Josué 5:13

Mbeni lâ, Josué ayeke nduru na gbata ti Jéricho. Lo ye ti baa ndo tongaso, lo baa mbeni koli ayeke luti na dawa ti lo. Koli ni agbu mbeni yongoro zeme so lo zi ni na ya ti bozo ni awe. Josué ague na tere ti lo si ahunda lo: “Mo yeke na mbage ti e wala mo yeke na mbage ti awato ti e?”

Aye so Nzapa afa 13:11

Na pekoni, mbi baa mbeni nyama nde; lo londo na ya ti sese si lo sigigi. Lo yeke na adidi use so akpa ti molenge ti taba si lo yeke tene tënë tongana sioni nyama so akpa ngunde so.

Aye so Nzapa afa 5:6

Na pekoni, mbi baa mbeni Molenge ti Taba, lo yeke luti na tere ti mbata ti gbia so ayeke na popo ti aye osio so ayeke na fini na akangba. Molenge ti Taba ni akpa taba so azo afâ lo awe. Adidi ti lo ayeke mbarambara. Ale ti lo ti bango na ndo ayeke mbarambara; ale ni ayeke ayingo mbarambara so Nzapa atokua ala na ndö ti sese mobimba.